ÉG BIÐ MÉR VÆGÐAR!

Og í þetta skipti þýðir fyrirsögnin að ég öskra hátt og af alefli.  Ef klósettauglýsingunum frá Harpers fer ekki að linna, sver ég að ég ber fjárans sjónvarpið út í rusl, og nota grænsápu til þrifa á náðhúsinu það sem eftir lifir ævi.  Ég mun þar að auki, hvetja alla sem ég þekki og þeir eru ófáir, til að gera slíkt hið sama.  Harpers verður sturtað niður í markaðsfræðilegum skilningi ef mitt fólk fær einhverju ráðið. 

Að sitja í sakleysi sínu fyrir framan sjónvarpið, við að horfa á fréttir og fá tvær (segi og skrifa tvær) myndir af skítugu klósetti upp í opið ógeðið á mér (í litum), með nokkra sekúndna millibili, er hámark smekkleysisins.  Ég veit ekki með fólk úti í bæ, en í minni familíu fá salernin ekki að safna á sig nokkrum lögum af úrgangi og mynda víðfeðman mosa- og sveppagróður áður en þau eru þrifin.

Vinsamlegast takið tillit til viðkvæmra áhorfenda.  Sumir borða á meðan þeir horfa á fréttir.

I´m in deep shit!

Ójá

Athugasemdir

[Guðrún B. (IP-tala skráð) 4.9.2007 kl. 00:52]

Veistu hvað !! 

Ég set vatn í skál og úðabrúsa og set 2-3 dropa af lavender olíu í vatnið. Svo þríf ég allt með því. Góð lykt og sótthreinsandi, drepur allt sýkla og allt.  Svo á ég Spead ball sem nær öllum skít af öllu, og það dugar mér fínt. Restin af brúsum fékk að fjúka.

Og nú er allt svona líka glansandi fínt og flott hjá minni, og ilmar eins og blómahaf. Yndislegt.

út með Herpex, eða Harpex... hvoru tveggja ógeðslegt.  

[Bjarndís Helena Mitchell, 4.9.2007 kl. 01:03]

LOL get ekki annað sagt....

[krossgata, 4.9.2007 kl. 01:32]

 Þetta fær alveg tvo flissara.  En þú hefur nú nokkuð til þíns máls þetta er ekki besta sjónvarpsefnið með matnum.

[Laufey Ólafsdóttir, 4.9.2007 kl. 08:08]

einmitt! Svona var klósettið mitt, og ég sat ráðalaus áður en Harpic bjargaði lífi mínu! NOT! Ojbarasta!

[Sunna Dóra Möller, 4.9.2007 kl. 08:14]

 .......

[Húsmóðir og útivinnandi íslendingur með sómatilfinningu (IP-tala skráð) 4.9.2007 kl. 08:21]

Mikið var að einhver sagði eitthvað, harpik er gott á salernin, hræðilegt fyrir umhverfirð, hrikalegt eitur, það er ekki málið, auglýsingarnar frá þessum fyrirtækjum eru jafn skaðlegar andlegu ástandi mínu eins og umhverfinu, þetta er ljótt smekklaust og ótrúlega dónalegt, við fjölskyldan erum stundum að smakka á einhverju góðgæti úr eldhúsinu sem einhver fjölskyldumeðlimur er stolltur að bjóða á þá kemur þessi hrillingur og allir missa matarlistina.  Í guðana bænum þið sem flytjið þessa auglýsingu inn hættið þessu áreiti og sjónvarpstöðvarnar sýnið sóma ykkar og hafið einhver siðleg mörk hvernig auglýsingar mega vera.

[Þröstur Unnar, 4.9.2007 kl. 08:45]

Sammála, er ekki mikið fyrir að horfa á mannaúrgang meðan ég borða.

En var það ekki stelpan í auglýsingunni sem stal senunni frá Harpic?

[Ásdís Sigurðardóttir, 4.9.2007 kl. 08:53]

Drullufúlar auglýsingar. Segi ekki meir um það.

[Birna Dis Vilbertsdóttir (IP-tala skráð) 4.9.2007 kl. 09:13]

 Ég borða á fréttatíma

[Ásthildur Cesil Þórðardóttir, 4.9.2007 kl. 09:47]

Ég horfi svo lítið á sjónvarp þessa dagana að ég hef ekki séð þessar auglýsingar.  En mér þykja margar auglýsingar í sjónvarpi, og útvarpi  svo hallærislegar að það hálfa væri nóg. 

Til dæmis þetta með græna bíla, ég gæti gubbað, eða Stóra Kya bílinn, djísús.  Svo er það klassik með öruggan stað til að vera á.  Hvað ef einhver dytti á hausinn þarna inni, ætli Brimborg þyrfti ekki að borga formúu fyrir lygarnar.

[Sigurbjörg Sigurðardóttir, 4.9.2007 kl. 10:15]

Sammála óþolandi auglýsing,á aldrei eftir að kaupa þetta rusl.

[Jóna Á. Gísladóttir, 4.9.2007 kl. 10:41]

LOL. Já ég hef stundum velt því fyrir mér að þetta standist engan veginn. Klósettin hjá familíunni í auglýsingunni mosagróin og svo allt í einu fara þau að spandera pening í einhvern klósetthreinsi og fá agalegan áhuga fyrir að halda öllu hreinu.

[Jenný Anna Baldursdóttir, 4.9.2007 kl. 10:54]

Já og Jóna, svo eru kjéddlingarnar með andlitið ofan í vibbanum að fylgjast með af áhuga. Það er ekki í lagi. 

[Ragnhildur Sverrisdóttir, 4.9.2007 kl. 11:10]

Ó hvað það er nú alltaf gott að finna þjáningarsystur, sama hver þjáningin er!! Ég hef reynt að hefja mig yfir þessar auglýsingar, með því að endurtaka við sjálfa mig, æ ofan í æ, að þetta sé nú svo ómerkilegt að ég eigi ekki að láta þetta slá mig út af laginu. Sú aðferð virkar bara alls ekki og mér liggur við að kúgast í hvert skipti sem konan hallar sér nánast ofan í viðbjóðslegt klósettið.

Þessi framleiðandi fær engin viðskipti héðan. Ónei.

[Anna Ólafsdóttir (anno) (IP-tala skráð) 4.9.2007 kl. 11:37]

Ég mæli með herferð í tölvupósti til að stöðva þennan viðbjóð. Á gamla blogginu mínu bloggaði ég um það sama. Þetta var örugglega í febrúar á þessu ári og greinilega hefur enginn frá þessu fyrirtæki lesið. Þú ert svo mikið lesinn bloggari að kannski náum við að stoppa þetta hér   Bloggið mitt hét Ég vil láta banna... og svo kom ...

... sumar auglýsingar eins og t.d. klósetthreinsiauglýsinguna sem sýnd er í sjónvarpinu nánast daglega þessa dagana. Ég skil ekki hvernig nokkurri auglýsingastofu getur dottið í hug að búa til svona viðbjóð. Oooojjjjj!!!! Stundum sest ég fyrir framan sjónvarpið með kvöldmatinn minn ef við erum eitthvað sein fyrir að elda. Ég veit ekki hvað ég er oft búin að lenda í því að þetta ógeð, þessi viðbjóðslega klósetthreinsiauglýsing birtist á skjánum akkúrat þegar ég er að stinga upp í mig girnilegum bita. Ég á engra kosta völ, annað hvort skipta um stöð eða hlaupa aftur fram í eldhús með matinn, annars kúgast ég bara. Hverjum dettur svo í hug að maður kaupi svo þennan klósetthreinsi þegar hann er trekk í trekk búinn að framkalla nánast uppköst hjá manni?

Styð baráttu fyrir banni á þessa auglýsingu.