ALDREI HEYRT AF KVENNABARÁTTU...

..né af sjálfsákvörðunarrétti kvenna hún Jennifer Lopez, en hún trúir því að hún verði barnshafandi þegar Guð vill að hún eignist barn.  Ef ég hefði látið þetta í hendurnar á Guði, ætti ég heilt kvennahandboltalið á báða vallarhelminga. 

Það er auðvitað ekki grín gerandi að þessu en kona eins og Jennifer er fyrirmynd svo margra ungra stúlkna og þær kaþólsku mega í raun ekki við meiri kreddum og afturhaldi en fyrir er,  nóg er nú samt.

En Jennifer bíður sem sagt eftir að Guð geri hana ólétta.  Þau segja það ekki þeirra að ákveða hvenær barnið verður til.  Er þetta Jesúkomplex?

Ævonder!

Úhúbúhúje

 

Barneignum stýrt af Guði

Athugasemdir

[Sigrún Einars, 29.8.2007 kl. 12:41]

Síðan hvenær getum við tekið fram fyrir hendurnar á Guði þegar okkur þóknast?  Ef Guð hefði viljað að þú eignaðist heilt kvennalandslið þá ættirðu það nú þegar.  Þú kannski trúir ekki á Guð, eða hvað?

[Ester Júlía, 29.8.2007 kl. 12:46]

Ætli hún hafi aldrei verið á neinum getnaðarvörnum? Ef ekki, þá skulum við bara vona hennar vegna að hennar tími sé kominn .

[Jenný Anna Baldursdóttir, 29.8.2007 kl. 12:56]

Kæra fluga ég telst eflaust ekki trúuð skv.  þinni mælistiku.  En það er í góðu.  En ég hef ofurtrú á skynsemi manneskjunnar og að hún taki ábyrgð á sjálfri sér.  Þannig vill mín Guð hafa það.

[Bjarndís Helena Mitchell, 29.8.2007 kl. 13:13]

Guð hjálpar þeim sem hjálpa sér sjálfir, eða þannig sko. Eins leyfi ég mér að efast að Jenný myndi eiga heilt kvennalandslið, nema einfaldlega ef hún vildi það sjálf! Sammála með skynsemina og mín Guð er svipuð þinnar

[Jóna Á. Gísladóttir, 29.8.2007 kl. 13:15]

og ég ætti sennilega blaklið... hvað eru annars margir í sollis?

ógeðslega pirraður tollari á leið til þín

[Birna Dis Vilbertsdóttir (IP-tala skráð) 29.8.2007 kl. 13:19]

Nennir J.Lo ekki að æfa sig. Æfingin skapar meistarann ekki satt ? 

[Sigrún Einars, 29.8.2007 kl. 13:21]

Það bera allir ábyrgð á sjálfum sér, engin spurning um það.  Hinsvegar, fyrir þá sem TRÚA á Guð, þá getur Hann hvenær sem er tekið fram fyrir hendurnar á OKKUR hvort sem okkur líkar betur eða ver og þá, eins og ég sagði fyrr, ef Hann ætlaði þér heilt kvennalandslið, ættirðu það.  En Guð gaf okkur sjálfstæðan vilja, og á honum berum við ábyrgð. 

Það er þó ekkert athugavert við það að setja stundum stjórnina á lífi okkar í hendur Guði, við erum hrokafull ef við höldum að við getum stjórnað öllu sjálf þannig að vel og rétt sé.  Guð veit ALLTAF hvað okkur er fyrir bestu, sama hvað okkur LANGAR í og ef við felum Honum stjórnina á ákveðnum hlutum, þá vitum við að hvers svo sem niðurstaðan verður, að þá er það eins og það á að vera.  Það gleður Guð þegar við leitum til Hans og LEYFUM honum að taka stjórnina, það sýnir Honum hversu mikið við treystum Honum. 

[Jenný Anna Baldursdóttir, 29.8.2007 kl. 13:45]

Fluga ég ætla ekki að fara að rífast við þig um trúmál, vonlausasta deiluefni í heimi eins og stríð heimsins geta sannað.  En telur þú það ekki hrokafullt af þér að tala fyrir munn Guðs, gera honum upp skoðanir og viðhorf?  Úr hvaða dómarasæti ertu að predika eiginlega?

[krossgata, 29.8.2007 kl. 15:15]

Það eru yfir 2000 ár síðan Guð gerði konu ólétta síðast og enn verið að tala um það.  Ég hef ekki trú á að Guð ætli neitt að barna Djeiló, en hef fulla trú á að hann ætlist til að hún verði þunguð eftir venjulegum leiðum langi hana að eignast barn.  En það er bara ég.... súmí eins og þú segir. 

[Sigrún Einars, 29.8.2007 kl. 15:15]

En þú byrjaðir !

Og hvað var það nákvæmlega sem ég sagði sem þú túlkar sem ég sé að tala fyrir hönd Guðs?  Ég sagði nákvæmlega ekkert um skoðanir Hans né viðhorf, benti bara á hversu auðvelt er að lifa þegar maður TRÚIR á Guð!

Og, by the way, ef menn vilja fræðast um skoðanir eða viðhorf Guðs þá er vænlegast að lesa það trúarrit sem helst höfðar til manns og þar sem þau eru eins misjöfn og þau eru mörg að þá veit enginn hvað er rétt og hvað er rangt í þessum efnum, hver verður að fara eftir sinni samvisku í túlkun á þessu efni. 

Og mín túlkun á þessu efni sem HÉR um ræðir er sú að Guð leiðir ef maður biður hann og leyfir honum, annars leyfir hann okkur að stjórna.  Hinsvegar GETUR hann, ef hann VILL, tekið völdin, þvert á vilja okkar.  Guð væri ekki Guð ef það væri eitthvað sem hann GÆTI EKKI gert.

[Sigurjón Sigurðsson, 29.8.2007 kl. 16:22]

Ég er með verki af hlátri, hef líka einu sinni bloggað á Ellý. Það var þegar hún upplýsti alþjóð um að þulurnar kúkuðu líka, hjúkk var það eina sem mér datt í hug að segja.

Mín skoðun er, nei þori ekki að segja hana, alla vega les ég aldrei bloggið hennar Ellýar en vildi gjarnan að mbl.is tæki það út í mestlesna bloggið þannig að ég þyrfti ekki að reka augun í fyrirsagnirnar sem eru margar hverjar alveg ótrúlega ósmekklegar.

Síðan er það alveg efni í heila ritgerð af hverju bloggið hennar er svona mikið lesið. Kannski er hægt að auglýsa eftir þessum fanklúbbi hennar, langar nefnilega smá að vita hverjir eru eiginlega þar.

[Jenný Anna Baldursdóttir, 29.8.2007 kl. 17:01]

Sigurjón, hehe, það er nefnilega enginn sem segist lesa stelpuna.

[Anna Ólafsdóttir (anno) (IP-tala skráð) 29.8.2007 kl. 18:04]

Jenny darling  Það er þetta með að nefna Guð í færslum - sé að þú ert búin að vera bissí í dag að svara fyrir það