KYNLÍF Á "GRÁU" SVÆÐI

Ég las í Mogganum um daginn, að þrátt fyrir að fólk verði gamalt, þýði það ekki að það hætti að stunda kynlíf.  Það ku verða mega-fjörugt þegar fólk nær sjötugu.  Hm.. ég veit ekki með ykkur, en ég er afskaplega lítið fyrir að myndgera kynlíf fólks í huga mér, og mér hugnast alls ekki að fá þessa vitneskju á heilann.

Í minni fjölskyldu er enginn svona saurlifnaður við líði.  Hvorki meðal þeirra ungu né þeirra gömlu.  Hjá okkur hefur kynlíf aðeins eina fúnksjón, og hún er að geta börn.  Við tölum ekki um kynlíf, né heldur lesum við um það, að minnsta kosti myndum við aldrei viðurkenna það og okkur hugnast ekki fimleikaæfingar í bólinu. Bæði sveitt og klístrað, oj.  Það er uppskrift í Biblíunni um hvernig á að bera sig að við að "geraða".  Konan undir, karlinn ofaná, upp niður, fram og til baka, búið bless og góða nótt (minnir mig).

Ég hef gert þennan viðbjóð þrisvar en það var vel á sig leggjandi, vegna yndislegra dætra minna ÞRIGGJA.

Í minni fjölskyldu gerir það enginn á gamals aldri, það segir sig sjálft.  Og mér er fyrirmunað að skilja af hverju þeir eru að rannsaka einhverja hruma úti í Bandaríkjunum. Fólk sem er örugglega trúlaust og siðlaust, og gott ef ekki múslímar bara. Svei mér þá.

Ækantgetnó!

Úje

 

Athugasemdir

[Garún, 27.8.2007 kl. 12:29]

Nákvæmlega.  Það er mér til dæmis enn ráðgáta hvernig ég varð til, þar sem ég þykist fullviss að móðir mín hafi aldrei gert neitt jafn viðbjóðslegt.  

[Jenný Anna Baldursdóttir, 27.8.2007 kl. 12:43]

Sama hér en það var smá saurlífi á mínum foreldrumhefur mér skilist eftir að ég fór að öðlast skilning á lífinu.  Við erum 8 alsystkini.  Ég veit það, þetta er skandall

[Ásthildur Cesil Þórðardóttir, 27.8.2007 kl. 13:02]

Ég hef verið í endalausum therapípum vegna skammar á mínum foreldrum sem áttu líka 8 börn segi og skrifa.  Ég vissi samt að það var ekki hægt að draga þetta alveg niður en ég gíraði skömminni niður um helming, sum sé fjögur yndisleg stykki. 

[Þórbergur Torfason, 27.8.2007 kl. 13:21]

Þið eruð furðuskepnur konur. Foreldrar mínir létu ekki staðar numið fyrr en við það tíunda og sjálfur er ég kominn með níu og á mikið eftir. Ó þetta er svo gott.

[Jóna Á. Gísladóttir, 27.8.2007 kl. 13:29]

AAAAARGGHHHHHHHHHHHH nú hló ég upphátt.. mundu að ég er komin í vinnuna svo reyndu að halda bröndurunum í lágmarki takk fyrir. 

....Konan undir, karlinn ofaná, upp niður, fram og til baka, búið bless og góða nótt (minnir mig). Ég hef gert þennan viðbjóð þrisvar en það var vel á sig leggjandi.....

þú ert asni addna

[til umhugsunar (IP-tala skráð) 27.8.2007 kl. 13:32]

hér eru á ferð greinilegir trúleysingjar http://scienceblogs.com/grrlscientist/2007/08/attack_of_the_evil_monkeys_fro.php

[Guðjón Jónsson (IP-tala skráð) 27.8.2007 kl. 14:09]

Er ekki í lagi með þig? Kynlíf er það sem kom okkur í þennan blessaða heim og er það því hinn eðlilegasti hlutur.

[Sunna Dóra Möller, 27.8.2007 kl. 14:13]

Kynlíf ........*roðn*

[Jóna Á. Gísladóttir, 27.8.2007 kl. 14:25]

Ég vona að Guðjón sé að grínast

[Jenný Anna Baldursdóttir, 27.8.2007 kl. 14:38]

Híhí.  Guðjón láttu þér ekki detta í hug að ég myndi nokkurntímann grínast með kynlíf.  Ég er algjörlega á móti því.  Það er bæði sveitt og illalyktandi.

[Jenný Anna Baldursdóttir, 27.8.2007 kl. 14:39]

Þórbergur Torfason, ertu sá sami sem lilla Hegga passaði?

[Jón Bragi (IP-tala skráð) 27.8.2007 kl. 16:21]

Gott að sja að enn er til sómakært fólk á Íslandi.

[Katrín Snæhólm Baldursdóttir, 27.8.2007 kl. 19:00]

Ég bara skilettaeggi....ég á bara fjögur börn. Ætti samkvæmt öllu að vera tutttuttuguog áttaár sinnum 356...á mínu heimili

[Guðríður Hrefna Haraldsdóttir, 27.8.2007 kl. 20:27]

Múahahhaha, ég er hinn siðprúði minnihluti! Eitt barn, toppið það!

[Þórbergur Torfason, 27.8.2007 kl. 22:03]

Já Jenný, sá er maðurinn. Ég fór einmitt með yngsta syni mínum upp á svalirnar á Hringbraut 45 í dag í skoðunarferð. (Þær eru reyndar uppsettar í Þórbergssetri.)

[Sigga (IP-tala skráð) 28.8.2007 kl. 00:54]

Ég á bara eitt og það er alveg nóg, lét það duga......það er svo ógeðslegt og sóðalegt að búa þetta til en hann er samt alveg yndislegur þessi elska og gæti ekki hugsað mér betra afkvæmi.

[Jenný Anna Baldursdóttir, 28.8.2007 kl. 07:52]

Gaman að "hitta" þig Þórbergur.  Bjó sjálf við Hringbraut 84, alla mína barnæsku og við stilltum klukkuna eftir frænda þínum, og bækurnar hans voru biblía heimilisins (eru enn reyndar)

Kveðjur

[Þórbergur Torfason, 28.8.2007 kl. 08:57]

Takk sömuleiðis Jenný. Þær liggja víða biblíurnar hans og eru notaðar sem slíkar. Mikill fróðleikur og mikil upplifun fyrir fólk að koma í Þórbergssetur á Hala.

[Jenný Anna Baldursdóttir, 28.8.2007 kl. 09:04]

Ég á það eftir Þórberur, að koma á Hala, en mér finnst ég þekkja mig ansi vel þar samt, enda búin að drekka í mig hann frænda þinn, frá blautu barnsbeini.