STÖNDUM SAMAN BLOGGARAR OG NÝTUM MIÐILINN

Set hérna inn færslu frá henni Heiðu (www.skessa.blog.is) varðandi lyfið Flunitrazepam sem notað hefur verið sem nauðgunarlyf.

Hér er færslan.  Vinsamlegast bloggið um þetta.

Eins og nokkur ykkar hafa kannski tekið eftir, hef ég verið að kynna mér svefnlyfið Flunitrazepam  undanfarið. Flunitrazepam er sama lyf og Rohypnol, engu breytt nema nafninu, og hefur verið þekkt sem nauðgunarlyf í mörg ár. Ég hef leitað eftir svörum og almennum upplýsingum um lyfið undanfarið og niðurstöðurnar eru sláandi.

Þetta tiltekna svefnlyf hefur enga sérstöðu sem er til bóta fyrir þá sjúklinga sem þurfa á svefnlyfi að halda. Á markaðnum eru tugir svefnlyfja sem gagnast sjúklingum alveg jafn vel  og sem ekki hafa þá "kosti" sem nauðgarar sækjast í, þ.e. minnisleysi og almennt rænuleysi til að veita nauðgara mótspyrnu.

Augljósasti kostur lyfsins er að sjálfsögðu sá að nauðgarar geta verið nokkuð vissir um að  fórnarlambinu er nánast ómögulegt að kæra eða framfylgja kæru vegna þessa minnisleysis. Lyfið er stundum notað við dáleyðslu vegna þess að það er nánast hægt að fá fólk til að gera hvað sem er undir áhrifum þess.

Hérna koma linkar á fyrri skrif mín um lyfið og svör Landlæknis. En óvísindaleg könnun mín á því hversu algengt það er að lyfinu sé laumað í drykki kvenna á skemmtistöðum borgarinnar kom mér á óvart.. þrátt fyrir að ég hafi verið nokkuð viss um að þetta sé miklu algengara en fólki grunar svona almennt.
Rohypnol 1

Rohypnol 2

Svör Landlæknisembættisins

Sem konu og móðir tveggja dætra er mér mikið í mun að þessum óþverra sé hent út af lyfjaskrá hér á landi. Á árinu 2006 var rúmlega 11.000 skömmtum ávísað af lyfinu. Samkvæmt upplýsingafulltrúa Lyfjastofnunnar er best að koma svona málum á framfæri til Lyfjastofnunar, sem síðan leggur þau fyrir Lyfjanefnd.

Læt fylgja póstinn sem ég sendi í dag á netfangið [e-mail]

Ég vona að sem flestir láti heyra frá sér, karlmenn og konur. Því fleiri sem senda þeim beiðni/kröfu um að lyfið sé tekið af skrá því betra!

 

Lyfjastofnun Ríkisins

Svefnlyfið Flunitrazepam hefur enga jákvæða virkni fyrir þá sjúklinga sem neyta þess fram yfir þá tugi annara svefnlyfja sem eru á lyfjaskrá.

Virka efnið í lyfinu hefur þó þau neikvæðu áhrif að af því skapast algjört minnisleysi og getuleysi til að greina umhverfi sitt. Þessi atriði hafa valdið því að lyfið hefur þann vafasama heiður að vera þekkt sem "nauðgunarlyf" (Date-Rape). Lengi hefur tíðkast, hér á landi sem annars staðar, að lauma því í drykki kvenfólks til að ná fram áðurnefndu minnis- og getuleysi og ef allt fer samkvæmt áætlun fylgir nauðgun í kjölfarið. Það er nánast ógerlegt fyrir fórnarlamb þessa að kæra til lögreglu sökum minnisleysis.

Árið 2006 var Flunitazepam ávísað í ríflega 11.000 skömmtum. Þar sem lyfið hefur enga sérstöðu til bóta fyrir þá sjúklinga sem nota það fer ég þess á leit að Flunitrazepam verði tekið af lyfjaskrá hér á landi hið snarasta.

Öryggi stúlkna/kvenna hlýtur að vega þyngra en svo að nauðsyn teljist til að hafa þetta hættulega lyf í umferð

Virðingafyllst

 

Athugasemdir

[Heiða B. Heiðars, 23.8.2007 kl. 20:55]

TAKK!!

[Jenný Anna Baldursdóttir, 23.8.2007 kl. 21:54]

Ekki nema sjálfsagt dúllan mín og hagur okkar allra auðvitað.

[krossgata, 23.8.2007 kl. 22:01]

Fyndið ef öll nauðgunarlyfjabloggin fylltu "Heitu umræðuna"  og aðeins eitt málefni yrði þar.

[Guðrún B. (IP-tala skráð) 23.8.2007 kl. 22:02]

Almáttugur

[Þuríður Björg Þorgrímsdóttir, 23.8.2007 kl. 22:25]

Frábært framtak hjá Heiðu! En má ég benda á að tenglarnir hennar Jennýjar virka ekki nema jenfo sé skipt út fyrir skessa. Þannig lítur þá t.d. fyrsti tengillinn út réttur: http://skessa.blog.is/blog/skessa/entry/139569/. Svo fólk geti nú lesið þetta...

[Jóna Á. Gísladóttir, 23.8.2007 kl. 22:44]

 Eins og Heiða segir, þetta er mikið mikið algengara en við kannski gerum okkur grein fyrir.

[Þröstur Unnar, 23.8.2007 kl. 22:50]

Eruð þið ekki að fara að sofa, kjellur?

[Anna Ólafsdóttir (anno) (IP-tala skráð) 23.8.2007 kl. 23:23]

Búin að setja þetta mál í færslu hjá mér líka. Frábært framtak hjá Heiðu.

En Jennsla - hvar geymir þú símann þinn með sms-inu frá mér??? 

Smjúts

[Jenný Anna Baldursdóttir, 23.8.2007 kl. 23:34]

Ertu ekki búin að fá svar til baka frá mér?  Ég sendi það fyrir 3 tímum a.m.k.  OMG hver hefur fengið allar ástarjátningarnar frá mér til þín Anna mín?  Nú er ég í djúpum.  ARG Tékka á þessu.

Þröstur:  Farðu í lögregluna.