EKKI PIRRINGSBLOGG..

 

..eins og áætlað var, vegna þess að pirringurinn rauk út um gluggann.  Reyndar var það ekki beinn pirringur sem var að herja á mig, meira svona hryggð og vonleysi eftir að ég bloggaði um konuna sem tekin var með valdi af lögreglu og heilbrigðisstarfsmönnum.

Svo margir bloggarar eru á því að það sé fullkomlega eðlilegt að ganga svona nærri manneskjum, til að réttvísin nái fram að ganga.

Um víða veröld hafa ýmis níðingsverk eins og ofbeldi, nauðganir, pyntingar af öllum gerðum verið iðkað í nafni frelsis, lýðræðis, trúarbragða og svo mætti lengi telja.  Ég hef ekki talið að fólk í umhverfi mínu myndi nokkurn tímann réttlæta slíkt undir kjörorðinu "tilgangurinn helgar meðalið".  En hvað veit ég.

Það má vel vera að það sé lagaheimild fyrir þessum viðbjóðslega gjörningi þeirra á Selfossi, en mér skilst að þetta sé ekki notuð aðferð annars staðar á landinu.

Sýslumaðurinn í Árborg er heilt rannsóknarefni út af fyrir sig.

Þar með hef ég komið því frá mér, sem hefur hangið yfir mér eins og ský í allan dag.

Fari það og veri.

Athugasemdir

[Sunna Dóra Möller, 22.8.2007 kl. 21:04]

Mér finnst þetta gott "ekki pirringsblogg" og jákvætt! Já...það er merkilegt hvað skrif fólks og skoðanir geta valdið manni sorg ef ég má orða það svo!! Hef verið líka í þessum gír í dag út af annars konar skrifum þar sem að fólk gerir sína eigin fordóma að fordómum Guðs.....það veldur mér sorg! En sem betur fer kemst maður yfir þetta og lífið tekur við ....það verst þegar maður fer að blanda sér í svona umræður og fer að taka þær inn á sig í leiðinni.......en nú er ég að hugsa upphátt á annarra mannarra bloggi... !

[Jenný Anna Baldursdóttir, 22.8.2007 kl. 21:05]

Hugsaðu bara upphátt á mínu bloggi og ég skil nákvæmlega hvað þú ert að fara.

[Sunna Dóra Möller, 22.8.2007 kl. 21:10]

[Jóna Á. Gísladóttir, 22.8.2007 kl. 21:58]

manni fallast hendur, ekki satt? Finnst maður vera að berja hausnum við stein.

[Ásdís Sigurðardóttir, 22.8.2007 kl. 22:04]

Maður fer bara með veggjum hér fyrir austan.

[Sunna Dóra Möller, 22.8.2007 kl. 22:07]

Það er nákvæmlega þannig! Ég hét mér því í vor að hætta að berjast við vindmyllur nokkrar hér inni á þessu bloggi en sveik það loforð í dag og hef verið alveg galin í gremju og pirringi....held að ég haldi bara mig bara við loforðið í frá því í vor (Berjahausinnviðsteinkona)!

[Edda Agnarsdóttir, 22.8.2007 kl. 22:16]

Sorglegt og ég hef líka átt svona óþægilegan dag vegna þessa máls. Pál Kolka sagði eða skrifaði einhverju sinni, "Vitringurinn verður að fífli, þegar hann telur skynsemina einhlíta sem lykil að leyndardómum tilverunnar."

[Garún, 22.8.2007 kl. 22:33]

Já ekki skil ég hvernig fólk getur réttlætt þetta.  Hvernig hefði verið að bíða bara aðeins og látið hana jafna sig, eða sofa úr sér í tvo tíma.  Að setja þvaglegg í mann er mjög sársaukafullt fyrir utan niðurlæginguna að vera haldið niðri meðan það er gert og án þess að þú viljir það og það er ekki vegna þess að líf þitt liggur við.   Þarna hefði bara átt að bíða, konan hlýtur nú á endanum að hafa þurft að pissa.  Meiri aumingjarnir þarna á Selfossi að geta ekki beðið.   

[Garún, 22.8.2007 kl. 23:07]

Sömuleiðis Jóhann. Ertu þú svona rosalega kunnugur þessu máli.  Mér sýnist þú vera að taka all svakalegan Lúkas á þetta. 

[Jenný Anna Baldursdóttir, 22.8.2007 kl. 23:25]

Jóhann hvaða máli skiptir hvað hún sagði og hvernig hún drakk?  Það er ekki málið hérna heldur framganga lögreglu og heilbrigðisstarfsmanna.

[Birna Dis Vilbertsdóttir (IP-tala skráð) 23.8.2007 kl. 07:57]

Furðulegt og ljótt mál.