SÍMABÖMMER

Ég er búin að ákveða að fara í stríð við símafyrirtækið mitt.  Eins og ég hef áður bloggað um þá hafa símaraunir hrjáð mig reglulega, en ég hef fyrirgefið þessu fyrirtæki vegna þess að þeir eru svo mikið ódýrari en síminn og bilanirnar hafa staðið stutt yfir.

En nú er ég sum sé búin að fá nóg.  Frá því um miðjan eftirmiðdag í gær og fram á morgun var síminn í ástandi.  Fyrst gat ég hringt úr honum, mikil ósköp, en sá sem hringt var í heyrði ekki í mér, alveg sama hvað ég býsnaðist.  Eftir kvöldmat var svo skipt um bilunartaktík og þá var hvert einasta númer hjá mér á tali.

Allir sem reyndu að hringja hingað á meðan á þessu ástandi stóð fengu meldingar um að síminn minn væri upptekinn.

Ég verð nú að játa að mér fellur þetta frekar illa.  Hvað ef eitthvað kæmi fyrir.  T.d. ef ég þyrfti að hringja á lögguna?  Eða sjúkrabíl? Þá er ég nú reyndar að taka þetta eins langt og hugsast getur í huganum.  Ég held að ég væri öruggari með Indíánahöfðinga og reykmerki.  Svei mér þá.

Síminn er öryggistæki.  ARG

Ég fer samt aldrei á Símann aftur.

Súmí.

Úje

Athugasemdir

[Edda Agnarsdóttir, 19.8.2007 kl. 11:31]

Hva er þá bara ekkert hægt að hringja í þig meir?

En mér líst vel á reykmerki!

Annars er til Elínarsteinn á Akranesi þar sem kona nokkur sem hét Elín settist á út við sjó hér norðan megin og hrópaði yfir nesið hinum megin á systur sína sem hét Halla og svona töluðust þær við hér áður fyrr. Þú gætir prófað að hrópa úr Breiðholtinu yfir á Akranes, ég hugsa að það yrði nokkuð gott sánd. Svo gæti mar farið til Gurríar í sjónkíkinn og vinkað í leiðinni, hvernig líst þér á?

[Laufey Ólafsdóttir, 19.8.2007 kl. 11:37]

hmmmm.... Tékka kannski á Vodafone? Þeir eru að taka yfir öll góðu tilboðin. Annars er ég með Hive og eftir að símtækið mitt bilaði og ég fékk lánssíma hjá mömmu sem gerir mér lífið leitt á allan hátt (síminn sko, ekki mamma) eru allar bilanir skrifaðar á hann. Hive hefur því fengið frið fyrir mér síðan.

[Kristín Katla Árnadóttir, 19.8.2007 kl. 13:07]

Þetta gengur ekki Jenný mín. Það er ekki hægt að vera símalaus.

[Guðríður Hrefna Haraldsdóttir, 19.8.2007 kl. 13:22]

er með sítenginguna hjá Vodafon, aldrei bilað. Hitt hjá Símanum. Förum bara að kallast á ....

[Rebbý, 19.8.2007 kl. 13:30]

ég á við vandamál að stríða með minn síma líka ... bestu vinkonurnar geta ekki hringt í heimasímann því ef þær hringja úr gemsum þá er númerið mitt ekki til en stanslaust á tali úr heimasímunum þeirra og þeir hjá Símanum vita ekkert hvað er að gerast - auðvitað ekki, græða bara helling á GSM símtölunum í staðin.

[Jóna Á. Gísladóttir, 19.8.2007 kl. 14:01]

Ertu búin að finna Indíánahöfðingja? Úgg

[Anna Ólafsdóttir (anno) (IP-tala skráð) 19.8.2007 kl. 16:40]

Við eigum það þá sameiginlegt að vera að fríka út á símabömmerum -

En BTW mín komin með nýtt lúkk - það er flott,

Mér sjálfri finnst þægilegra að þurfa ekki að lesa langt á breiddina, finnst þetta þema þægilegra að því leyti.

Smjúts

[Jenný Anna Baldursdóttir, 19.8.2007 kl. 17:25]

Þið Skagastelpur við getum kallast á.  Þið frá Elínarkletti og ég frá Köllunarkletti í Kleppsholtinu.  Hehe!

Rebbý skipta um símafyrirtæki.

Jóna: Leit stendur yfir að höfðingja!

Anna: Mér finnst eimitt þægilegra að lesa af þessu þema.  Það er líka meira kompakt, finnst mér.  Held að ég haldi þessu bara, amk um sinn.

[Jenný Anna Baldursdóttir, 19.8.2007 kl. 17:26]

Laufey: Tékka á Vodafón.  Og Kristín Katla, nei það dugir ekki að vera án síma.  Maður gæti misst af einhverju.  Tala nú ekki um óþægindin ef maður fengi hjartaáfall og enginn heima.  Það væri smá bömmer.