ÁFENG SULTA

Hún amma mín, sem ég ólst upp hjá, var hörku sultugerðarkona.  Hún bjó til rabarbarasultur og stundum líka rifs- og sólberja.  Hún gerði líka saft, ef einhver skyldi nú hafa áhuga á því. 

Til að gera langa sögu stutta, þá hljóp einhver ári í eina krukkuna, sennilega hefur hún ekki verið nógu vel lokuð eða eitthvað.  Sultan var sterk á bragðið en ákaflega ljúffeng.  Ég smurði henni á brauð en það gerðum við í denn.  Mér líkaði þetta svo vel að ég fékk mér aftur og aftur.  Áður en hægt var að segja "hættuaðborðaþettabarnsultufjandinneráfengur" var ég orðin vel hífuð (bráðung) og var á þessu stigi máls komin með skeið í sultuna og hætt að skeyta um brauðið.

Ég kastaði síðan upp og svaf í hálfan sólarhring.

Þetta var mitt fyrsta fyllerí.

Ef grannt er skoðað borðaði ég sultuna mjög alkahólískt.  Þarna hefðu átt að kvikna viðvörunarbjöllur, þe ef einhver hefði haft hugmynd um hugtakið alkahólismi.

Sennilega hefði áfenga sultan hennar ömmu unnið allar sultukeppnir.

I´m all jam!

Úje

Leitin að bestu sultunni

Athugasemdir

[Ásdís Sigurðardóttir, 16.8.2007 kl. 10:23]

Já, það hljóp oft aukakraftur í gamlar sultur.  En góðar voru þær.

[Bjarndís Helena Mitchell, 16.8.2007 kl. 10:25]

LOL, þetta hefur verið góð sulta!! Ávanabindandi í þokkabót. Er það ekki alltaf svo að allt það besta sé í raun manni verst? Skemmtileg frásögn. Knús

[Ester Júlía, 16.8.2007 kl. 10:28]

Alltaf jafn gaman að lesa bloggið þitt .... Yndislegar sögur.  Helv. hefur sultuskömmin verið góð .

[Guðrún B. (IP-tala skráð) 16.8.2007 kl. 10:41]

thíhíhí  má mar fá ?? 

Ég verð nú samt að segja það Jenný, ég á voðalega bágt með að sjá þig fyrir mér með höndina á kaf í sultukrukku

[Kristín Katla Árnadóttir, 16.8.2007 kl. 11:08]

Skemmtileg sagan þín.

[Fanney Björg Karlsdóttir, 16.8.2007 kl. 11:39]

Ahahaahah.... þú ert óborganleg...... skelfing hefur sultuskömmin smakkast vel...... mmm mar fær bara vatn í munninn...

[Katrín Snæhólm Baldursdóttir, 16.8.2007 kl. 11:39]

 Snemma beygist krókurinn segi ég nú bara......gott að það var ekki áfengt smjörið sem maður borðaði beint uppúr dollunni í den með skeið. Fannst ekkert betra en hafði þó betri smekk en stelpan á neðri hæðinni sem þambaði lýsið beint af stút. Svona hálfa flösku í einu.

Annars langar mig að misnota hryllilega aðstöðu mína hér og fá lánaða þína bloggvini til að kjósa mína bloggvini... Mínir bloggvinir hafa skrifað frábærar sögur og ljóð í sögu og ljóðakeppni bloggara á síðunni minni og nú stendur kosning sem hæst og mér finnst bara að þau eigi skilið að sem flestir lesi verkin þeirra og gefi þeim atkvæði. Kosningar eru ekkert spennandi nema margir taka þátt skiluru??? Lofa að gera þetta ekki aftur fyrr en í næstu keppni sem haldin verður..ok? Viltu sultu?

[Helga Guðrún Eiríksdóttir, 16.8.2007 kl. 12:15]

Það er ekki oft sem maður situr aleinn og skellihlær við lesturinn!  Ég man líka eftir svona úps-sultu en aldrei að einhver hafi hakkað hana í sig. Þú ert aldeilis frábær.

[Ásthildur Cesil Þórðardóttir, 16.8.2007 kl. 12:36]

Frábær frásögn Jenný mín.  Þú ert gangandi lærdómsbók í fræðum AA, og ég er viss um að þú opnar miklu fleiri dyr en þú ímyndar þér með snúrubloggið þitt.  Þú gefur svo sannarlega mikið.

[Jenný Anna Baldursdóttir, 16.8.2007 kl. 13:14]

Takk stelpur.  Beta mín við segjum sulta og skellum saman sódavatnsflöskunum. 

Stelpur, takið þátt hjá henni Katrínu, það er ekki leiðinlegt að fá að taka þátt í listrænum gjörningum.

[Anna Ólafsdóttir (anno) (IP-tala skráð) 16.8.2007 kl. 19:44]

Hahahaha!!!  Get alveg séð þetta fyrir mér, eins og sena í góðri gamanmynd

[Jenný Anna Baldursdóttir, 16.8.2007 kl. 19:47]

Anna mín; líf mitt er brandari