KLÁMHUNDAR BENDA Á BARNALAND

 Hverslags heimur er þetta sem við lifum í?  Klisjukennd spurning ég veit það, en hvergi er fólk öruggt fyrir manneskjueftirlíkingum sem ásælast börn, kynferðislega. 

Tvö barnabarna minna eiga síður á Barnalandi.  Núna nýlega lokaði önnur dóttir mín sinni síðu með lykilorði.  Maysa mín í London hefur síðuna hans Olivers opna, enda hefur henni ekki dottið í hug fremur en mér, að einhver færi þar inn nema í þeim eina tilgangi að fylgjast með fjölskyldunni.

Erlend klámsíða sem birtir einkum myndir af ungum drengjum hefur vísað notendum sínum á myndir sem vistaðar eru á vefnum barnaland.is.

Varað var við þessari síðu á spjallsvæði Barnalands og foreldrar og aðrir umsjónarmenn heimasíðna barna hvattir til að læsa myndasíðum sínum. Erlenda síðan er í gestabókarformi og geta lesendur hennar sett inn færslur þar sem þeir vísa í myndir af ungum drengjum, sem helst eru á aldrinum 2-9 ára, eins og fram kemur á síðunni.

Ég ráðlegg öllum sem eiga síður þarna inni að loka þeim hið snarasta. 

Ég verð að segja eins og er, og það má vera að ég sé hreint ótrúlega naive, en þetta hafði ég ekki hugmyndaflug í.

Hvað get ég sagt?

 

 

Athugasemdir

[Sævar Einarsson, 15.8.2007 kl. 10:03]

Barnaland er síða sem fer yfir allt velsæmi með sínu spjallsvæði og þar er rætt um BDSM, sadomaso og fleira sem á nákvæmlega ekkert erindi á þessa síðu, tala nú ekki um eineltið og það sem þú ert að skrifa um.

[Jenný Anna Baldursdóttir, 15.8.2007 kl. 10:14]

Þú verður að skilja á milli spjallvefsins sem þarna er hýstur og heimasíða barnanna.  Hef aldrei farið inn á spjallsvæði þetta og enginn sem ég þekki.  Þetta er algjörlega óviðkomandi þessu sem færslan er um.

[Maja Solla (IP-tala skráð) 15.8.2007 kl. 10:17]

Já, maður spyr sig. Í hvað er þessi heimur eiginlega að breytast?
Ég á nú enga síðu á barnalandinu, enda myndi ég pottþétt hafa hana læsta. Það var varað við því þar fyrir nokkrum árum síðan að vera ekki að birta myndir af börnunum sínum í baði eða bara á bossanum, því barnaperrar væru farnir að sækjast í að skoða svoleiðis síður.
Viðbjóður.

[Sævar Einarsson, 15.8.2007 kl. 10:26]

Verð ég að skilja hvað ? þetta er allt saman á sama svæði, linkarnir þarna eru læsilegir fyrir alla og þetta er allt undir sama hýsingaraðilanum.

[Fjóla Æ., 15.8.2007 kl. 11:00]

En er ekki málið að spá aðeins í hvernig myndir eru settar inn á þessar heimasíður. Ég hef oft séð myndir á heimasíðum barna þar sem allt er sýnt. Fólk verður að muna að þetta svæði er ekki og á ekki að vera fjölskyldualbúmið.

Ég er með síðu sem er opin og sýni margar myndir og þær eru allar sérlega valdar til þess að vera á netinu án þess að fólk með annarlegar hvatir geti nýtt sér þær.

[Jóna Á. Gísladóttir, 15.8.2007 kl. 11:44]

OMG. Þetta er hræðilegt. Á Íslandi þykir sjálfsagt að hafa uppi við myndir af berum börnum (ólíkt t.d. í USA) . nekt er eðlileg og í rauninni ekkert fallegra en litlir berir rassar á krúttunum okkar. Ég verð svo vond að hugsa um þetta. Við erum neydd til að setja okkur í spor barnaníðinga til að átta okkur á hvað er safe og hvað er ekki safe. Þurfum að horfa á myndir af börnunum okkar og reyna að átta okkur á hvor það sé eitthvað við þessar myndir sem koma þessum ógeðum til. Ég græt inn í mér.

Mig langar í strútahlutverkið núna. Sting hausnum í sandinn.

[Steingerður Steinarsdóttir, 15.8.2007 kl. 11:51]

Guði sé lof að maður hefur ekki hugmyndaflug til að skilja þetta.

[Anna Ólafsdóttir (anno) (IP-tala skráð) 15.8.2007 kl. 12:29]

Ég hef mjög lítið gert af því að kynna mér barnalandsvefinn en lesið stundum um að þar þrífist eitthvað miður smekklegt. EN miðað við það sem þú skrifar er greinilegt að þeir sem nýta hann fyrir myndefni og aðrar heimildir um börnin sín þurfa að fara að heldur betur að vara sig og verja sig gagnvart svona ógeði eins og þessum perrum - mig hryllir við tilhugsuninni um að svona fólk sé til.

[Þarfagreinir, 15.8.2007 kl. 15:19]

Mér finnst skrýtið hjá íslenskum fjölmiðlum að kalla þetta klámsíðu. Ég gróf upp þráðinn á Barnalandi þar sem þetta mál er rætt, og þar kemur fram nafn síðunnar. Ég gerðist ekki svo djarfur að skoða síðuna sjálfa hér í vinnunni, en það sem ég fann með rannsóknum mínum á því hvað sagt er um hana annars staðar skilst mér að þetta sé samfélag þeirra sem hafa ástar- eða kynlífslanganir í garð barna og dást að myndum af þeim þar sem þau eru stundum nakin. Auðvitað er þetta ógeðfellt og barnaníðingsskapur, en klám getur það tæpast verið. Þetta er ágætis dæmi um hvernig þetta hugtak er misnotað til að það nái yfir allan þann sora á netinu sem fólki dettur í hug að gefa þennan stimpil; klám.

Varðandi það að hlekkja yfir á myndir á Barnalandi, þá veit ég um tæknilega leið til að leysa það; svokallaða 'hotlinking vörn'. Það er nefnilega þannig að vefþjóna má setja upp þannig að ef hlekkjað er á myndir annars staðar frá, þannig að þær birtist á öðrum vefsíðum, þá er eitthvað annað birt; t.d. einhver lítil mynd sem segir: 'No hotlinking, please", eða eitthvað álíka. Það er nefnilega ekki talið fallegt að gera þetta, sama í hvaða tilgangi það er gert, því með þessu er verið að stela bandbreidd af annarri vefsíðu. Betra þykir að ná í myndina af síðunni og hýsa á sinni eigin síðu. 

Hérna er fín umfjöllun um þetta fyrirbæri, 'hotlinking':

http://altlab.com/hotlinking.html