HIÐ BESTA MÁL

..að ekkert verður af plötusamningi bresku 6 ára stúlkunnar, Connie Talbot við Sony fyrirtækið.  Villimaðurinn Simon Cowell hafði lofað stúlkunni (eða foreldrum hennar) plötusamningi.

Hvað hefur 6 ára gamalt barn að gera út í þennan iðnað?  Eru það ekki foreldrarnir sem eru sárir?  Ég ímynda mér að svona ungt barn sé ekki skemmt á sálinni þó þetta gangi ekki eftir.

Ég hef reyndar ekki mikið álit á foreldrum sem troða ungum og ómótuðum barnssálum inn í harðan heim skemmtanabransans, þar sem þau hætta að fá að vera börn og njóta æskunnar áhyggjulaus.  Nægur er tíminn til að vera fullorðinn með öllu því sem það hefur í för með sér.

Simon Cowell er svo annað mál út af fyrir sig og ég hef raunar ekki margt um hann að segja.

Hístinks!

Gott að barnið slapp.

Úje

Simon Cowell sveik sex ára gamla stúlku

Athugasemdir

[Ásdís Sigurðardóttir, 13.8.2007 kl. 22:22]

Þarna er ég sko aldeilis sammála þér elsku Lindu buffið mitt. Nógir hafa ruglast á loforðum um frægð.

[Jóna Á. Gísladóttir, 13.8.2007 kl. 22:31]

akkúrat það sem ég hugsaði þegar ég las ''fréttina''. Það er eitthvað að þessum foreldrum, ég fer ekki ofan að því. Sennilega að lifa eigin draum í gegnum barnið. Dissgastíng

[Björg K. Sigurðardóttir, 13.8.2007 kl. 22:31]

Sammála ykkur stöllum þér og Ásdísi. 6 ára gömul börn hafa ekkert að gera í svona. Þetta var samt ósköp krúttlegt hjá stelpunni en það er ekki málið.

[Björg K. Sigurðardóttir, 13.8.2007 kl. 22:36]

Hér er linkur á sönginn hjá þeirri 6 ára: http://youtube.com/watch?v=QWNoiVrJDsE

[Huld S. Ringsted, 13.8.2007 kl. 22:50]

mikið er ég sammála ykkur, sex ára gamalt barn hefur ekkert að gera í þennan bransa strax, það er eitthvað mikið að foreldrunum!

[Jenný Anna Baldursdóttir, 13.8.2007 kl. 23:19]

Sú stutta syngur óneitanlega fallega.  Var búin að sjá myndbandið.  Sex ára börn hafa ekkert að gera í þennan bransa og oftast eru það foreldrar sem reyna að láta drauma sína rætast gegnum barnið og hljóta fjárhaslegan ábata. Segi eins og Jóna; DÍSSGASTÍNG!

[Jóna Á. Gísladóttir, 13.8.2007 kl. 23:39]

gleymdi ég að segja þér frá kallinum sem ég rak á dyr

[Jenný Anna Baldursdóttir, 13.8.2007 kl. 23:40]

Tékka, bíddu í fimm á meðan ég gái hvort hann sé að uppáþrengjast bölvaður, heyri skruðninga á svölunum.

[Ragnheiður , 13.8.2007 kl. 23:41]

æj...syngjandi smárollingar og foreldrarnir að kafna úr monti...ég fæ grænar bólur. Voðalegasta ógeð ever var þetta rollingadæmi um árið þegar stillt var upp gríslingum til að þóknast foreldrunum sem borguðu jú stórfé fyrir þetta rugl. Fæstir grislinganna gátu sungið en veski foreldranna voru nokkuð djúp.

Leyfið krökkum að vera krakkar

[Bragi Þór Valsson (IP-tala skráð) 14.8.2007 kl. 07:57]

Hr. eða frú hross!  Ef þú ert að tala um Rokklingana, reyndu þá að tala um hluti sem þú hefur eitthvert vit á.

Ég veit ekki hver þín skilgreining er á því að "geta sungið" en ef hlustað er á þessar upptökur í dag (sem þú hefur eflaust ekki gert) má heyra að söngurinn er ansi hreint góður og í mörgum tilfellum talsvert betri en þetta Idol og X-factor stöff sem allir hafa verið að missa sig yfir nýlega.

Varðandi djúpu veskin veit ég ekki hvað í fjáranum þú ert að rugla. Þó greiðslurnar hafi verið lágar (reyndar mjög lágar) fengu Rokklingarnir greitt fyrir sína vinnu.