GLÆSILEGASTA MANNFLAK Í HEIMI..

..tók pabbann í nefið.  Það var sum sé ekki rangt með farið þegar þetta kom í fréttum fyrr á árinu.

Smá af öskunni af pabbanum fór á stofuborðið og Flakið kunni ekki við að sópa uppruna sínum út af borðinu í virðingarleysi, þannig að þetta var leyst eins og um kókaíninntöku væri að ræða. 

Keith Richards er stórundarlegur, það viðurkennist.  En hann má... hann er í Stóns.

Annars er ég að hlusta á Traveling Vilburys, það eru HUNDAR í músík.  Rosalega góðir.

Úje

Tók pabba í nefið

Athugasemdir

[Þröstur Unnar, 9.8.2007 kl. 09:49]

Æi ekki kalla hann flak. Er annar af tveim undrum veraldar ásamt Jagger, og húðin á þeim er orðin soldið of stór. En hugsaðu þér hvað þeir eru búnir að afreka um ævina, og enn sprell lifandi, þó þeir þurfi hjálparöndun annað slagið.

Hugsa að hann hafi nú bara fengið nokkur extra-auka ár með því að sjúga kallinn upp í nefið.

[Jenný Anna Baldursdóttir, 9.8.2007 kl. 09:51]

Já en Þröstur, þetta er hrósyrði hann er GLÆSILEGASTA mannflak í heimi og hann er mitt uppáhalds.  Maðurinn er EKKI leiðinlegur karakter.

[Jens Guð, 9.8.2007 kl. 10:00]

  Ég trúði upphaflegu fréttinni fremur en því þegar blaðafulltrúi hljómsveitarinnar dró fréttina til baka.  Ég hef fylgst með hljómsveitinni frá því að hún byrjaði.  Lesið bækur og ótal viðtöl við þetta lið.  Það er alveg í stíl við kappann að sniffa ösku föður síns.

  Fyrir örfáum árum vann kunningi vinar míns á hóteli í London.  Þar gistu Rolling Stones og fylgdarlið.  Allir fóru snemma í háttinn og ekkert varð vart við liðið yfir nóttina.  Nema að með reglulegu millibil hringdi Keith alla nóttina og bað um að fyllt yrði á miní-barinn.  Hann var einn í herbergi og dundaði sér við að tæma miní-barinn.  Þegar leið undir morgun var hann spurður hvort hann vilji ekki heldur stórar alvöru flösku heldur en þessar litlu í miní-barnum.  Nei,  hann sagðist ætla að fara að sofa fljótlega.  En hann svaf ekkert og hélt áfram að láta fylla á miní-barinn alveg þangað til hljómsveitin yfirgaf hótelið.

  Í annað skipti var bróðir minn á hljómleikum hjá Rolling Stones í Svíþjóð.  Nóttina áður vöktuðu ljósmyndarar hótelið sem liðið gisti á.  Ljósmyndurunum til leiðinda var ekkert lífsmark á hótelinu.  Nema að reglulega sást móta fyrir Keith þegar hann fékk sér sopa úr viský-flösku.  Alla nóttina. 

[Jóna Á. Gísladóttir, 9.8.2007 kl. 11:31]

Pæliði í því að hafa verið með rugluna af lyfjaáti og drykkju í fjörutíuogeitthvaðár.  Genin í sumu fólki nálgast náttúrlega bara að vera kraftaverk. Margur væri dauður.... margur ER dauður af sama líferni.

[Kristín Katla Árnadóttir, 9.8.2007 kl. 11:40]

Satt  sem þú segir hann er búinn að fara illa með sig.

[Ásdís Sigurðardóttir, 9.8.2007 kl. 11:44]

Já, flott mannflak, get alveg tekið undir það, þeir eru undur veraldar eins og Þrössi segir. Trav. Vilb. rokka feitt

[Birna Dis Vilbertsdóttir (IP-tala skráð) 9.8.2007 kl. 12:52]

Mann-flak? Allavega er hann flak. Og að taka einhvern í nefið hefur fengið nýja merkingu í huga mér. Oj

[Anna Ólafsdóttir (anno) (IP-tala skráð) 9.8.2007 kl. 16:43]

Þessi Keith er öðruvísi, svo mikið er víst. Er hann ekki líka búinn að fara í blóðskipti? Einhver sagan sagði að hann hefði þurft að hreinsa hörðu efnin svona duglega út að það dugði ekki minna.  En svo getur þetta allt verið haugalygi en sagt svona til að krydda tilveru blaðamanna

[Jens Guð, 9.8.2007 kl. 20:52]

  Jóna,  Keith er hálf sjótugur eða því sem næst.  Hann er búinn að vera fullur meira og minna í hálfa öld og dópaður næstum jafn lengi.  Að vísu kvartar hann undan dópinu þessa dagana.  Segir það lélegt og virki verr en viskýið. 

  Anna,  sagan um blóðskiptin hefur ekki beinlínis verið staðfest.  En verður sennilega staðfest eða leiðrétt í væntanlegri ævisögu kappans.  Tæknilega er þetta hægt og Keith,  sem er vellauðugur,  er trúandi til svona. 

  Þetta á að hafa verið framkvæmt í Frakklandi.  Það er spurning hvoru megin við gráa svæðið þetta liggur sem löglegt eða ólöglegt.  Mig minnir að þetta eigi að hafa gerst vegna þess að Keith var á einhverskonar skilorði vegna dópbösts og þurfti að mæta í tékk. 

[Maja Solla (IP-tala skráð) 9.8.2007 kl. 21:34]

Everybody´s got somebody to leeeeeean ooon...

[Jenný Anna Baldursdóttir, 9.8.2007 kl. 22:39]

Var að hlusta á það í dag. MS, oftar en einu sinni. Love it.

Jens í bókinni sem byggir á samtölum við Keith og ég hélt raunar að væri ævisaga hans er þessu lýst nokkuð vel með blóðskiptin.  Þau voru reyndar ekki eins dramatísk og sagan segir.   

Stones eru Stones, guðdómlegir, æðislegir og hvaða lýsingarorð sem maður nú kýs að nota um þá og Jón Hnefill ég óska þér til hamingju með að tónleikarnir hafi verið gefandi.  Hef alltaf ímyndað mér að svona tónleikar með milljón manns og hljómsveitinni eins og krækiber í helvíti væru dauðir.  Það er best að endurskoða afstöðu sína áður en maður er allur.

Ef þú hefur ekki lesið þessa bók sem ég er að vísa í (og man ekki hvað heitir núna í augnablikinu) Anna mín þá drífðu í því.  Ég skemmti mér konunglega.

[Jenný Anna Baldursdóttir, 9.8.2007 kl. 22:41]

Karlinn hefur ótrúlegt úthald.  Í margnefndri bók segir frá því að Jerry Hall kemur heim til Richards hjónanna nokkrum dögum fyrir stóran túr og þegar hún sér Patty vera að blanda Bloody Mary í morgunmat handa goðinu spyr hún hvort Keith sé bara drekkandi og ekki að byggja upp þrek.  Jú segir eiginkonan, hann æfir sig allan daginn, í puttunum sko. Hehe

[Jens Guð, 10.8.2007 kl. 01:42]

  Jenný,  ég er áreiðanlega búinn að lesa allar bækur sem þú vísar í um Keith. Ég held að ég sé búinn að lesa a.m.k. 50 bækur um hljómsveitina og Keith.  Til viðbótar held ég að ég sé búinn að lesa lágmark 100 eða 200 viðtöl í tímaritum við liðsmenn RS.  Það bitastæðasta var,  nei,  kannski ekki endilega,  en gaf samt aðra sýn á liðið,  var mikið viðtal við Charlie Watts í Down Beat fyrir nokkrum árum.  Önnur hlið en sú venjulega.