NÍU GÓÐAR ÁSTÆÐUR..

 

..fyrir því að leita til læknis má finna í viðtengdri frétt.  Á meðan ég las yfir listann, fékk ég velflest einkennin og mun því panta mér tíma í fyrramálið.  Maður á ekki að lesa um sjúkdóma og einkenni þar sem það fer vísast beint á sálina og gerir mann bullandi lasinn.  Er ég með hita?  Ég veit það ekki, mér finnst það en ég á ekki mæli.

Dásamlegt hjá mér svona fyrir svefninn, að finna mér eitthvað lestrarefni sem kemur til með að halda fyrir mér vöku í nótt.

Hver les Moggann á nóttunni?

Örugglega ekki margir en ég missti mig í það.

Ég fer að lúlla þegar það birtir af degi, svo mikið veit  ég.

 

 

Níu góðar ástæður fyrir að leita til læknis

Athugasemdir

[Jóna Á. Gísladóttir, 9.8.2007 kl. 02:27]

Breyting á andlegu ástandi: Skyndilegar eða stigvaxandi ruglingslegar hugsanir.  Ráðleysi og/eða áttavilla. Skyndileg árásarhneigð eða ofbeldisfull hegðun.

Ég kvitta undir þessi einkenni. Getum við farið saman?

[Eva , 9.8.2007 kl. 02:59]

* Ofskynjanir hjá þeim sem aldrei hefur fundið fyrir slíku.     Ef þú hefur fundið fyrir þeim áður  ertu þá í fínu lagi ? Og ef þær eru viðvarandi þá hefurðu ekki hugmynd um það hvort sem er....ætli það sé pláss á kleppi

[Edda Agnarsdóttir, 9.8.2007 kl. 06:38]

Ég er vöknuð og vonandi þú sofnuð. Ég er á skjön við tímann. Þetta kemur allt saman.

[Ragnhildur Sverrisdóttir, 9.8.2007 kl. 07:09]

Einu sinni komst ég í bók í mörgum bindum, mig minnir að hún hafi heitið "Heimilislæknirinn" eða eitthvað í þá veru. Ægilega sniðug, fólk gat bara flett upp á einkennum og fundið út hvað væri að. Ég var ekki búin að fletta lengi þegar ég var komin með alla mögulega kvilla, allt frá inngróinni tánögl upp í stórkostlegan vanda með blöðruhálskirtil.

Svona lestur er vísasta leiðin til að missa heilsuna.

[Birna Dis Vilbertsdóttir (IP-tala skráð) 9.8.2007 kl. 08:05]

Þetta hefði verið fín lesning á jarðafarar-dagdrauma-tímabilinu mínu  . Ég les moggann á nóttunni  ( stundum)

[Anna Ólafsdóttir (anno) (IP-tala skráð) 9.8.2007 kl. 16:35]

Ég byrjaði að lesa fréttina og var orðin fárveik eftir nokkrar málsgreinar - Djísöss!!!  Fer og panta tíma hjá sérfræðingum (ef þeir eru þá nógu margir til að dekka allt)