OK ORMARNIR YKKAR...

 

Hrútur (20. mars - 20. apríl): Þú ert  óþolinmóður og fljótfær   egóisti, góður að lofa öllu fögru, en fljótur að gefast upp og láta aðra þrífa upp skítinn. Þú ert  keppnismaður og sérlega klár í að keppa við ranga aðila og slá  tilgangslaus högg útí loftið. Þú ert kvikindi, en það hjálpar hversu einlægur,barnalegur og einfaldur þú ert.
 

 Tvíburi (21. maí - 20. júní): Þú ert  eirðarlaus og yfirborðslegur, alltaf á hlaupum frá einu  tilgangslausu verkefni í annað, með hundrað ókláruð járn í eldinum.  Þú ert sí ljúgandi, enda   sérfræðingur í að gefa loforð sem þú getur  ekki staðið við.  Vissulega ertu vel gefinn, en þú sóar hæfileikum  þínum í blaður og óþarfa.

 Krabbi (21. júní - 23. júlí): Þú  þykist vera töff, en ert í raun aumingi og tilfinningasósa, og getur  ekki talað og tjáð þig, nema með því að væla og kvarta. Þú ert  fastur í fortíðinni og munt því  fyrr en síðar kafna í drasli og  gömlum minningum. Þegar þú reiðist   þá fer allt í einn graut og upp  blossar grimmd og hefnigirni.  En svona dags daglega þá ertu fúll,  þunglyndur og sjálfsvorkunnsamur.

 Ljón (22. júlí - 23.  ágúst): Þú ert eigingjarn og of upptekinn af eigin málum til að hafa  áhuga á öðrum. Þú veist allt og hlustar  ekki eða öskrar á  andmælendur þína. Þú ert svo barnalegur,  einlægur og trúgjarn, að  það er augljóst að þú hefur aldrei   fullorðnast. Þú ert latur, en  þegar þú gerir eitthvað, þá gengur  þú of langt.
 

 Meyja (23.  ágúst - 23. september): Þú ert einn leiðinlegasti maður  í heimi,  alltaf að kvarta, gagnrýna og skipta þér af fólki, en segir aldrei  neitt sem gagnast öðrum. Þú ert alltaf á hlaupum,  þykist vera  duglegur, en gerir aldrei neitt af viti, ekki frekar  en stormur í  tebolla. Þú ert stressuð taugahrúga.
 

 Vog (23. september -  22. október): Þú þykist vera ljúfur og  vingjarnlegur, en ert í raun  falskur og eigingjarn, brosir framan í fólk, en lýgur og ferð bakvið  aðra. Það tekur þig óratíma að taka ákvaðanir, en þegar það loksins  gerist, ertu óhagganlegur, enda of latur til að hugsa málin aftur og  of upptekinn af því að smjaðra fyrir öðrum.

Sporðdreki (23.  október - 21. nóvember): Þú ert frekur og  valdasjúkur, færð einstök  mál á heilann (þráhyggja) og ert því  einhæfur og hundleiðinlegur. Þú  ert ímyndunarveikur og   tortrygginn, móðgast útaf engu og gerir  úlfalda úr mýflugu. Lífið  er annað hvort frábært eða ómögulegt. Þú  ert eins og biluð plata, stöðugt að spila sama lagið.

Bogmaður (22. nóvember - 21. desember): Þú ert týpan sem  grautar í  öllu, en kann ekkert, enda alltaf á hlaupum úr einu í  annað. Þú  átt erfitt með að þekkja takmörk þín, ert agalaus, flýrð  óþægindi og veist ekki hvernig þú átt að nýta hæfileika þína. Ef þú  nærð tökum á einhverju, þá

 Steingeit (21. desember - 20. janúar): Þú ert stífur og  vansæll  vinnualki, fastur í tilgangslausum siðum og reglum, alltaf  að  skipta þér af öðrum og segja þeim að geraþað sem þú getur ekki gert sjálfur. Þú ert snobbaður og þráir stöðutákn, enda með  minnimáttarkennd sem þú heldur að hægt sé að breiða yfir með  titlum  og merkjavöru.

> Vatnsberi (20. janúar - 19. febrúar): Þú ert  sérvitur og skrýtinn,  og alltaf svo langt á undan samtímanum að  enginn skilur þig eða getur notað hugmyndir þínar. Vissulega ertu  svalur, en þú ert svo sjálfstæður, ópersónulegur og hræddur við  raunverulegan innileika, að þú ert í raun alltaf einn, frosinn í  einskis manns landi.  Týndur á skýi í háloftunum.

 Fiskur (19.  febrúar - 20. mars): Þú ert rugluð og týnd sál og  hefur ekki hugmynd  um hvernig þú átt að nýta hæfileika þína eða í  hvaða átt þú átt að  fara. Þú vilt vera alls staðar og upplifa  allt. En þar sem þetta er  ómögulegt, þá fer allt í vitleysu. En  það gerir ekkert til, þú ert  sérfræðingur í sjálfsblekkingum og 

Ok, hér eru öll merkin nema þau tvö í færslunni á undan.

Hendið ykkur í veggi.

Úje

Athugasemdir

[Sunna Dóra Möller, 8.8.2007 kl. 20:24]

Úbbasía..........ég er síljúgandi, yfirborðskennd vel gefin blaðurskjóða sem klárar aldrei neitt *grenj* !

[Þröstur Unnar, 8.8.2007 kl. 20:25]

Hrússi,,,,jea ræt

[Þröstur Unnar, 8.8.2007 kl. 20:27]

Ligg marflatur í dúnmjúkum sófa. Love you Jennsla....

[Þóra Sigurðardóttir, 8.8.2007 kl. 20:30]

Ég er í raun aumingi og tilfinningasósa

[Ásdís Sigurðardóttir, 8.8.2007 kl. 20:30]

Fljótfæri egoistinn er hrifinn af svona garnahreinsun af og til, segja það eins og það er   mútsjógratsjas 

[Kristín Katla Árnadóttir, 8.8.2007 kl. 20:32]

Hehe ég er rugluð og tínd sál. ásamt fleiru.

[Huld S. Ringsted, 8.8.2007 kl. 20:35]

haha ég er eigingjörn, gargandi letibykkja.

[Hrönn Sigurðardóttir, 8.8.2007 kl. 20:36]

"Vissulega ertu vel gefinn" Þetta er það eina sem er rétt!!!!!

[Guðríður Hrefna Haraldsdóttir, 8.8.2007 kl. 20:36]

Þvílíkt bull um Ljónið. Er hissa á þér, stelpa, fyrir að birta svona rugl! Heheheheh

[Jóna Á. Gísladóttir, 8.8.2007 kl. 20:54]

Dúa.... við elskum þig öll (ég er Vog sko)

[Þröstur Unnar, 8.8.2007 kl. 20:56]

Æi Dúfið mitt, við erum bæði hrútar,veit hvernig þér líður. Kalla jennslu, jennslu þangað til hún brennir mig sjálf. (pínulítillsmjaðurkall)

[Ragnheiður , 8.8.2007 kl. 21:05]

nú kva...mín er bara nokkuð rétt ! jennýarkall er eins manns band ss húsband. Minn ætti að vera kallaður einkabílstjórinn.

[Anna Ólafsdóttir (anno) (IP-tala skráð) 8.8.2007 kl. 21:38]

Segi eins og gurrihar, þetta um ljónið er steypa, ljón eru ekkert af þessu eins og þú ættir að vita ðaddna. þú átt ekki að láta svona ömmubrynjukéddlingu plata þig

[Birna Dis Vilbertsdóttir (IP-tala skráð) 8.8.2007 kl. 22:08]

Ég er líka aumingi og tilfinningasósa og þekki allt sem stendur þarna. ÞEGAR ÉG ER FULL  .

[Elín Arnar, 8.8.2007 kl. 22:19]

Súmí!!!!!    hahahahha  varð að segja þetta í ljósi eins komments hér að ofan. Alla vega þá finnst mér þessi lýsing á merkjunum hrikalega sönn. Ég er aumingi og tilfinningasósa og það er bara nákvæmlega þannig. Stolt af því. hehe

[HAKMO, 8.8.2007 kl. 22:21]

hihi það fyndna er að þetta á við mig að mörgu leiti

[Jenný Anna Baldursdóttir, 8.8.2007 kl. 22:25]

Það er bara allt vitlaust þegar maður bregður sér frá til að hugsa um Jenny Unu.  Þröstur minn kallaðu mig bara Jenny Önnu Baldursdóttur Laxdal, Ragnarsson, Vilberg ef þér finnst það þægilegra, hehe.

Annars elska ég ykkur töluvert þrátt fyrir hönnunargalla.

Dóntsúmí.

[Þröstur Unnar, 8.8.2007 kl. 22:34]

og engin sinueldur í þér Jenný Anna Baldursdóttir Laxdal?

Kannski hef ég gengið of langt í gælunafnafleytingunum.

[Ásthildur Cesil Þórðardóttir, 8.8.2007 kl. 22:57]

Meyja (23.  ágúst - 23. september): Þú ert einn leiðinlegasti maður  í heimi,  alltaf að kvarta, gagnrýna og skipta þér af fólki, en segir aldrei  neitt sem gagnast öðrum. Þú ert alltaf á hlaupum,  þykist vera  duglegur, en gerir aldrei neitt af viti, ekki frekar  en stormur í  tebolla. Þú ert stressuð taugahrúga.

Já þetta á örugglega bara allt saman vel við mig

[Ragnhildur Sverrisdóttir, 8.8.2007 kl. 23:04]

ARG! Er hægt að skipta um fæðingardag hjá Hagstofunni? Þetta er hörmulegt!

[Edda Agnarsdóttir, 8.8.2007 kl. 23:24]

Vaá það er aldeilis gangur í blogginu þínu... bara næstum búin að missa af þessu. Ég er sko í liði með manninum þínum en hef aldrei á ævinni séð eins slaka spá fyrir þetta merki, maðurinn minn fylgir líka með. Ég segi bara eins og Ragnhildur er ekki hægt að skipta um fæðingarmánuð?

[Jenný Anna Baldursdóttir, 9.8.2007 kl. 01:28]

Ertu að meina Dúa að þú hafir ekki verið búin að losa pirringinn? Hehe

Ég þakka fyrir að ég var að horfa á mynd (að vísu leiðinlega).  Það eru öll karaktereinkenni merkjanna bara spiluð út hér í kommentakerfinu

[Anna Ólafsdóttir (anno) (IP-tala skráð) 9.8.2007 kl. 01:42]

Nohhh! mar er bara gleymdur og grafinn  Þú hefur sem sagt tekið mark á þessari steypu um Ljónið  - Konduyfirðaddnakjeddlingin..... eða .....ljónið sýnir klærnar

[Garún, 9.8.2007 kl. 02:00]

Mér finnst þetta dásamlegt.  Ég er mjög sérvitur og öllum finnst ég skrítin.  Ég er cirka 3 mánuðum alltaf á undan öllu. VSK, reikningar, og annað.  Engin skilur mig og mér finnst það fínt, sérstaklega þar sem mér finnst annað fólk svo rosalega langt á eftir.  Ég er týnd á skýi í háloftunum og er að fíla  það í botn.  Það er alltaf eitthvað æðislegt sagt um vatnsberann.  Það reyndar vantar eftirfarandi:  

Vatnsberinn 

Þú átt það til að vera með þráhyggju og áráttuhegðun.  Algjörlega agalaus á næstum öllum sviðum.  Fljótfær og klárar sjaldan það sem þú byrjar á.  Þú nennir sjaldan að hlusta nema að það sé þú sjálf/ur að tala.   Þig dagdreymir oft, og þá oftast á kostnað verka sem þú átt að hafa klárað en lenda iðulega á einhverjum öðrum.  En svona jákvæðar hliðar á þér minn kæri vatnsberi er að þú nennir sjaldan að lesa stjörnuspánna þína svo þetta mun aldrei pirra þig!