OG SVO SLÚTTUM VIÐ DJAMMINU MEÐ BÁLI

Þjóðhátíðin í Eyjum er búin að fara vel fram.  Bara fimmtíu og eitthvað kærur á þessum dögum sem gleðin stóð yfir.  Ekki hægt að kvarta yfir því.  Ó nei ekkí.

Það er orðinn árviss viðburður að kveikja í tjöldum, bæði eigin og stolnum, svona til að orna sér við áður en haldið er heim eftir vel heppnaða skemmtun.

Þetta er líka gert í minni fjölskyldu, sem er ákaflega eðlileg og innan normsins.  Eftir hverja útilegu, safnast allir fyrir í garðinum hjá foreldrum mínum, leyfa börnunum að kveikja í útilegugræjunum svona til að kenna þeim nýtni og virðingu fyrir eigum sínum og annarra.  Það er svo gaman að fylgjast með litlu ormunum í fjölskyldunni þar sem þau dansa svo saklaus og krúttleg í kringum eldinn.  Þau eiga eftir að verða aufúsugestir á útihátíðum framtíðarinnar þessar elskur og koma vel undirbúin, sem betur fer.

Þetta hefur reynst ákaflega vel, sum tjöldin eru einnota og svo vita allir sem ferðast að tjaldtískan breytist frá ári til árs.

Þetta er sjálfsþurftarbúskapur í hnotskurn.

Næsta ár verða mörg ný tjöld á útihátíðum víðsvegar.

Gamanaðessu!

Úje

Tekið til í Herjólfsdal

Athugasemdir

[Ásdís Sigurðardóttir, 7.8.2007 kl. 18:07]

Er þá ekki næst að brenna helv. fellihýsin sem enginn nennir að tjalda lengur og næsta ár verða það svo hjólhýsin. Meiri virðingin sem borin er fyrir hlutum og peningum.  Hvernig líður þér annars dúfan mín??

[Jenný Anna Baldursdóttir, 7.8.2007 kl. 18:11]

Ég er ern Ásdís mín, þrátt fyrir háan aldur.  Hehe

[Birna Dis Vilbertsdóttir (IP-tala skráð) 7.8.2007 kl. 18:59]

Best að fela tjaldvagninn sinn

[Jóna Á. Gísladóttir, 7.8.2007 kl. 19:08]

sumir kúka í tjöldin áður en þeir fara heima

Hurrrðu... ég átti von á tollstjóra og hann lét ekki sjá sig

[Jenný Anna Baldursdóttir, 7.8.2007 kl. 19:28]

Ha, tollstjóri sendur, sjitt

Hvert fór hann?

Omg

[Jóna Á. Gísladóttir, 7.8.2007 kl. 20:29]

omg

[Jens Guð, 8.8.2007 kl. 00:19]

  Ég fékk boðsmiðapakka á Þjóðhátíð í Eyjum í fyrra eða hitteðfyrra.  Það rigndi og rigndi og rigndi.  Ég reyndi að drekka mig frá því.  En lætin á tjaldstæðinu voru þannig að ég þurfti að lemja stráka sem voru að pissa utan í tjaldið mitt.  Þetta endaði með því að ég kveikti í pakkanum og fór í land.  En drengjunum sem ég lamdi vil ég segja til hróss að þeir sungu "Burt með kvótann".  Aldeilis sélega skemmtilegt lag með hljómsveitinni Rassi. 

[Jenný Anna Baldursdóttir, 8.8.2007 kl. 01:32]

Jens ég kann vel við fólk sem missir ekki kúlið við erfiðar aðstæður og getur notið tónlistar meðan það LEMUR söngvarna "while listening". Góður.  Hahahaha, ég dó úr hlátri.