ÉG ER Á LEIÐINNI...

..í IKEA en eins og bloggvinir mínir vita þá eru það sögulegar ferðir, sem enda oftast með því að ég kem heim, með fulla poka, einhverjum þúsundunum fátækari, reynslunni miklu ríkari og.... án þess sem ég fór til að kaupa.  Ég er búin að fara þrisvar í IKEA á þessu ári til að kaupa sturtuhengi.  Mér hefur enn ekki tekist það.  Nú förum við SARA og fröken Jenny Una Erriksdóttirrrr í kjötbolluferð í stórverslunina sem alltaf gefur mér höfuðverk og við ætlum að kaupa barnarúm.  Jenny Una verður að fara að fá rúm og einhversstaðar verður hann Oliver að geta sofið þegar hann kemur í heimsókn frá Londres og gistir hjá Granny-J og Einari.  Það vantaði nú bara.

Ég mun skrifa nákvæmlega innihald pokaskjatta þegar ég kem heim.  Held að ég muni ekki gleyma að kaupa rúmið, ef svo er, er ég illa stödd í minnisdeildinni.  Set sturtuhengi á innkaupalistann en mér segir svo hugur að ég muni gleyma því.  Ég verð auðvitað að hafa ástæðu til að fara í verslunina til að kaupa eitt og annað fyrir jólin.  En ekki hvað?

Skelli hér inn nýjum myndum af Oliver en hann kíkti til ljósmyndarans nýlega og gerði Granny-J og ömmu-Nordquist alveg svakalega glaðar með því tiltæki sínu.

Gjörsovel!

Úje - Læfisbjútífúl.

Athugasemdir

[HAKMO, 1.8.2007 kl. 13:10]

ohh hann er algert krútt :)

[Jenný Anna Baldursdóttir, 1.8.2007 kl. 13:12]

Já Hakmo hann er algjört yndi og dúlla.  Hann er alltaf glaður og kátur, nema þegar hann fær smá frekjuköst, bara pínulítil sko.  Alveg yndislegur drengur og elskaður af öllum.

[Ásthildur Cesil Þórðardóttir, 1.8.2007 kl. 13:20]

Mér finnst hann algjör töffari þessi ungi maður.  Sá á einhverntíman eftir að heilla dömurnar upp úr skóm og n*******

[Anna Ólafsdóttir (anno) (IP-tala skráð) 1.8.2007 kl. 13:51]

Hann er ofurbjútí þessi drengur  Afhverju kannast ég annars við svona búðarferðir???

[Ragnhildur Sverrisdóttir, 1.8.2007 kl. 14:06]

Alveg eðalgullmoli

[Þröstur Unnar, 1.8.2007 kl. 16:05]

Flott hjá þér. Þú mátt alveg setja mynd af rúminu á bloggið þitt. Ég er nefnilega í svipuðum vanda og þú, með sturtuhengið þitt. En mig vantar rúm fyrir Eydísi Láru Þrrrrastarrrdótturrr, og hef skoðað IKEA, en ekkert rúm hefur fylgt mér út ennþá. Þjáist af valkvíða þegar ég kem þarna inn.

[Kristján Kristjánsson, 1.8.2007 kl. 16:11]

Hmmm er ekki enn svo frægur að hafa komið í nýju IKEA búðina. Hún er eitthvað svo ægilega langt í burtu

[Anna Ólafsdóttir (anno) (IP-tala skráð) 1.8.2007 kl. 16:17]

Aftur ég, Farðu nú að koma heim áður en þú klárar allt úr búðinni - missjú darl  og BTW: Mér finnst tiltillinn á þessu bloggi þínu alveg hrikalega kúl - af hverju ætli mér finnist það???  

[Brynja Nordquist (IP-tala skráð) 1.8.2007 kl. 17:53]

OH..JÁ, Barnabarnið okkar er yndislegt Jenný mín ;-).. Við eru í sólinni í sumbarbústaðnum. Fábært veður.......Tala við þig þegar ég kem heim á mánudaginn.. Kossar til þín.

[Jenný Anna Baldursdóttir, 1.8.2007 kl. 17:58]

Þröstur face it, auðvelt jobb.  Keypti fururúm með brík þannig að börn detti ekki á gólf.  Falleg sængurverasett og skreytingu á veggin.  Easy as pie.

Anna: Var að hugsa um þig og húsbandið þegar ég skellti inn fyrirsögn.  Húsbandið þitt er svona nokkurnveginn á leiðinni er það ekki?

Brynja:  Flott veður sem þið hafið fengið, þvert ofaní veðurspár.  Kærar kveðjur til ykkar í sælunni.

Smjúts öll

P.s. Anna mín komin, búin að eyða fullt af péningum er góð sko.

[Jenný Anna Baldursdóttir, 1.8.2007 kl. 17:59]

Já Kristján, þú hefur ekki LIFAÐ fyrr en þú hefur upplifað geggjunina í IKEA!

[Edda Agnarsdóttir, 1.8.2007 kl. 18:27]

Geðveikar myndir af Óliver sæta - það er ekki amalegt að hafa svona myndir í kringum sig.

[Jóna Á. Gísladóttir, 1.8.2007 kl. 18:30]

je dúdda mía hvað þetta barn er eitthvað ónáttúrulega mikið krútt.

[Rebbý, 1.8.2007 kl. 20:26]

já vantar ekki að barnabörnin séu falleg
IKEA er stórhættulegur staður - fer reglulega þangað en fæ aldrei það sem mig vantar en kem heim með allskonar óþarfa í staðin.  Væri kannski málið að kunna eyðslu sinnar hóf

[Anna Einarsdóttir, 1.8.2007 kl. 23:12]

Nú klingir í eggjastokkunum.

[Jenný Anna Baldursdóttir, 2.8.2007 kl. 10:06]

Við förum ekkert að hófsemdast Rebbý mín í IKEA.  Algjör óþarfi.

Anna: Pling, pling.  Þú ert sem sagt í krúttkasti.  Lol.

Þið öll:  Takk fyrir falleg orð.