AUKIN NEYSLA FYLGIR LÆGRA BRENNIVÍNSVERÐI

 

Ég er hjartanlega sammála Þórarni Tyrfingssyni og því sem hann segir í þessari frétt.  Auðvitað mun neysla aukast ef áfengisverð lækkar, það er ekki spurning um það.  Þórarinn bendir líka á að róstur í þjóðfélaginu aukist, ölvunarakstur og fleiri slys.

Íslendingar geta ekki enn státað sig af hófdrykkju, svona almennt.  Það nægir að fara í bæinn um helgar og sjá ástandið þar, fyrir utan öll óhöppin, umferðarlagabrotin og ofbeldisverkin sem detta inn hjá lögreglu sökum áfengis- og vímuefnaneyslu.

Auðvitað er fullt af fólki sem drekkur eðlilega en allt of stór hluti þjóðarinnar kann ekki að fara með vín og þá er ég ekki bara að tala um virka alkahólista.

Kveðja,

forsjárhyggjunefndin (segi svona, en þetta hefur ekki með forsjárhyggju að gera).

Súmí.

„Aukin neysla og heilsutjón afleiðingar lægra áfengisverðs"

Athugasemdir

[Vinir Ketils bónda, áhugamannafélag, 31.7.2007 kl. 15:37]

Athyglisvert... þú segir að þetta verði að vera svona hátt en tiltekur svo að íslendingar kunni ekki með vín að fara og drykkjumenning sé ekki góð... hefur það þá eitthvað með verðlagið að gera? eigum við kannski bara hækka áfengi eða banna það alfarið?

[Jenný Anna Baldursdóttir, 31.7.2007 kl. 15:40]

Auðvitað kemur ástandið ekki til með að lagast með lægra verði.  Dettur einhverjum það í hug eða er bara verið að horfa fram hjá þeirri staðreynd að það er mikil og ljót fylleríis ómenning í þessu landi?

Ævonder.

[H. A. (IP-tala skráð) 31.7.2007 kl. 15:57]

Ég held að ég myndi persónulega drekka oftar... en bara minna í einu :) Þannig maður væri ekki alltaf fullur. Heldur líka bara til þess aðgeta notið hins góða bjórs :) Þá myndi maður kannski kaupa oftar bjór fremur en léttbjór úti í búð sem er ekki næstumþví eins góður en ásættanlegur.

 Þannig mér finnst persónulega ósanngjarnt að láta minnihlutann alkana og þá sem eru alltaf ýkt fullir þegar þeir drekka skemma fyrir okkur hinum.

[Svava frá Strandbergi , 31.7.2007 kl. 16:25]

Ég veit ei hvað skal segja, en ég held ég elski hann Jón.

[Sigurður Eðvaldsson (IP-tala skráð) 31.7.2007 kl. 16:39]

Mér finnst það ólíðandi og ósanngjörn staðreynd að 80% af þeim sem neyta áfengis geta og gert það án þess að koma sjálfum sér eða öðrum í einhver vandræði séu látnir borga himnhátt áfengisverð, til þess að reyna að fá hin 20% sem vandanum valda til að versla sér ekki áfengi.Það er löngu búið að afsanna þá kenningu hérlendis með okurverði á áfengi að það er aðferð sem engan vegin virkar á þann vanda sem áfengi skapar.Auðvitað er það rétt hjá þér Jenný að með lækkun á áfengisverði eykst neyslan á áfengi. En það verður að langmestum hluta í formi hófdrykkju. Sá sem er alkahólisti forgangsraðar neyslu sinni á annan hátt en sá sem er það ekki.Hann kaupir áfengisflöskuna hvort sem hún kostar 5000 kr eða 2000 kr. Það skiptir engu máli hvort ekki er til peningur fyrir mjólk handa börnum hans á eftir, bara ef hann fær áfengið.

[Jenný Anna Baldursdóttir, 31.7.2007 kl. 17:56]

Get svo sem tekið undir hluta af þessum rökum Sigurður.  Guðný Svava mér þykir gott ef þú hefur einhvern að elska er Jón starfsmaður í áfengisversluninni?

[Gíslína Erlendsdóttir, 31.7.2007 kl. 18:32]

Áfengi er böl.....og líka það sem oft gleymist.....fíkniefni eins og .....ÖNNUR fíkniefni..... nema bara löglegt svo undarlega sem það lítur út. Held að þeir sem ég þekki muni hiklaust drekka meira ef verðið lækkar og þá er ekki um að ræða fólk sem er svo langt leitt að það bitni á fjölskyldu og vinum.....nóg drekkur það samt.  Hvenær ætlum við að taka höndum saman um að útrýma þessu ógeði sem drykkjuskapurinn í miðbænum er um helgar.  Þetta er þjóðarskömm....við erum bara 300.000.....kommon.

[Margrét St Hafsteinsdóttir, 31.7.2007 kl. 21:15]

Verðið á áfengi er fáránlegt segi ég þótt ég drekki ekki sjálf. Finnst út í hött að bera því við að fólk muni drekka meira ef verðið væri lægra. Sammála Sorpa.