ÞAÐ ER EKKI OFT...

..sem ég dáist að hugmyndaauðgi SUS, hvað þá heldur skoðunum þeirra og gjörðum.  Núna hins vegar, finnst mér þeir pínulitið sniðugir.  Þeir lögðu fram gestabók hjá tollstjóranum í morgun og buðu þeim sem telja sig hafa ástæðu til að snuðra í upplýsingum um samborgara sína, tækifæri til að skrá nafn sitt og upplýsingar um hvaða gögn þeir hafa skoðað.

Ég verð að játa að mér finnst það undarlegur áhugi sem fólk hefur á tekjum náungans og að margir leggi lykkju á leið sína til að velta sér upp úr því.  Hvað liggur þar að baki?  Ekki hagnýt upplýsingaöflun, svo mikið er víst.

Mér finnst þetta flott framtak hjá krökkunum.

Súmí!

Ungir sjálfstæðismenn lögðu fram gestabók hjá tollstjóraembættinu

Athugasemdir

[Ásdís Sigurðardóttir, 31.7.2007 kl. 13:12]

Þetta er hluti af þjóðarsálinni eins og ég blogga um í minni færslu um sama mál.

[Kristín Katla Árnadóttir, 31.7.2007 kl. 13:18]

Ég er alveg sála þér Jenný.

[Kristín Katla Árnadóttir, 31.7.2007 kl. 13:19]

hehe er alveg sammála þér

[Kristín Katla Árnadóttir, 31.7.2007 kl. 13:22]

Ég brjálaðist af hlátri ég ætlað ekki segja að sála þér

[Sigurður Ingi Jónsson, 31.7.2007 kl. 14:06]

Ég sé ekkert athugavert við það að almenningur fái aðgang að þessum upplýsingum. Þarna er oftast verið að fletta upp upplýsingum um fólk sem hefur aðgang að öllum mínum fjármálaupplýsingum, tryggingum, ferðalögum og eignum í gegnum upplýsingakerfi sinna fyrirtækja. Það liggur engin gestabók þar frá SUS.

[Anna Ólafsdóttir (anno) (IP-tala skráð) 31.7.2007 kl. 14:29]

ég hef ekkert á móti því að fólk fái að sjá þetta ef það vill, þannig lagað sammála Sigurði Inga, en ég skil ekki hvers vegna fólk hefur áhuga á og nennu til að hanga yfir þessum skruddum. Afhverju ekki frekar að eyða frekar tímanum á góðu kaffihúsi og spjalla um lífið og tilveruna?

[Edda Agnarsdóttir, 31.7.2007 kl. 14:32]

Ég veit ekkert hvað mér finnst um þetta - hef aldrei haft áhuga á slíkum málum og finnst ósennilegt að ég eigi eftir að fá hann!

[Jenný Anna Baldursdóttir, 31.7.2007 kl. 15:03]

Mér er þetta auðvitað ekki hjartansmál en ég skil ekki þennan áhuga fólks á stöðu annarra.  Er það forvitnin ein eða hvað veldur að fólk leggur á sig að fara og fletta þessu upp?  Skil ekki.  Vill hitta ykkur á kaffihúsi dúllurnar mínar anytime.

[Guðríður Haraldsdóttir, 31.7.2007 kl. 15:21]

Ég fór á skattstofuna í morgun og fann nokkra menn sem ég þarf að tékka betur á. Þeir eru forríkir og það væri skemmtileg tilbreyting frá berklaveiku ljóðskáldunum. Ég verð þeim fullkomin eiginkona, þeim öllum! Fyrst þarf ég auðvitað að athuga hverjir eru á lausu! 

[Jenný Anna Baldursdóttir, 31.7.2007 kl. 15:24]

Var búin að lesa færsluna þín frú Görr og sá að þú varst að snuðra (slefandihristahausinnkall) og ég á eftir að kommentera af þunga á þá færslu um leið og Jenny Una er farrrrin heim.

[Kristín M. Jóhannsdóttir, 31.7.2007 kl. 15:41]

Sammála Gurrí. Það er alveg upplagt að geta  leitað sér að mannsefni eftir skattskýrslunum. Gallinn er að þeir sem borga hæstu skattana eru ekki endilega þeir ríkustu. Kannski eru það bara þeir heiðarlegustu eða kannski þeir sem eru verstir í því að svíkja undan skatti. En svona í alvöru talað, ef þetta hjálpar til við að halda skattsvikum í lágmarki finnst mér bara gott að þessar upplýsingar skuli liggja á lausu, enda hef ég aldrei séð af hverju laun fólks á að vera þeirra einkamál. Ég hef alltaf gargað hátt yfir því hversu lág mín laun eru. Ég er hins vegar sammála þér Jenný í því að ég skil ekki af hverju nokkur hefur áhuga á að skoða þetta (nema hann/hún sé að leita að maka!!!)

[Jenný Anna Baldursdóttir, 31.7.2007 kl. 15:45]

Svona eruð þið kjéddlingarnar, alltaf til í að krækja í ríku kallana.  Eru þeir ekki alltaf skráðir með vinnukonulaun?  Ég hélt það.

[Jenný Anna Baldursdóttir, 31.7.2007 kl. 18:35]

Já Kristjana mín, hjá hverri  og einni einustu mannekju.  Gjörsvovel, svalið forvitninni.