ÞEGAR HÚN AMMA MÍN DÓ...

..og hann afi minn var fullur og sálmurinn var sunginn um blómið.  Úff ég elska Þórberg. Sálmurinn um Blómið er ein fallegasta og best skrifaða bók um barn sem ég hef lesið.  Þroskasaga lítillar telpu sem ég er viss um að á sér ekki hliðstæðu í öllum heiminum.

Ég bjó við sömu götu og Þórbergur.  Við stilltum klukkuna eftir honum heima hjá mér þegar hann stormaði fram hjá með stafinn á leið út í Örfirisey þar sem hann fækkaði klæðum og gerði Mullersæfingar.  Hann spjallaði líka við okkur krakkana stundum og ég var yfirkomin af því að vera í návist skáldsins, sem var borin svo mikil virðing fyrir heima hjá mér.  Í jólafríinu þegar ég var 13 ára, þrælaði ég mér í gegnum Bréfið (til Láru auðvitað)skildi takmarkað en var samt hin ánægðasta.

Einu sinni las ég um fólk sem lifði í þjóðfélagi þar sem bókum hafði verið útrýmt.  Hvert og eitt þessara mannvera höfðu tekið að sér að muna utanað eina bók, til að þær glötuðust ekki.  Ef einhvertímann kæmi að því að lífið yrði svona skelfilegt býð ég mig fram í að muna Þórberg, hverja einustu bók, frá upphafi til enda.  Það myndi verða mér fremur auðvelt.  Það líður ekki sú vika að ég gluggi ekki í bækurnar hans.  Mér til sálubótar og hressingar.

Úje

 

Athugasemdir

[Anna Ólafsdóttir (anno) (IP-tala skráð) 28.7.2007 kl. 13:54]

Ég er að lesa eintóma nærandi og fallega pistla frá bloggvinkonum mínum þessar mínúturnar. Takk fyrir þessa færslu - hún er yndisleg. Kíktu á Ásdísar færslu - hún er líka svona næring sem dugar allan daginn.

Ég hef lesið nokkrar bækur Þórbergs og hann á engan sinn líka. Hann var líká í algjöru uppáhaldi hjá mömmu minni heitinni sem stalst til að lesa Bréf til Láru þegar hún var stelpa. Pabbi hennar hafði sagt henni að hún væri of ung til að lesa svona nokkuð. Forvitnin bar hana að sjálfsögðu ofurliði og mín breiddi sængina yfir haus, náði sér í smá ljóstýru og las í laumi.

[Hrönn Sigurðardóttir, 28.7.2007 kl. 13:56]

Ég reyndi einu sinni að komast í gegnum bréf til Láru en tókst ekki......

En eftir að hafa lesið bloggið hennar Guðnýjar Önnu styttist í að ég nái mér í Þórberg á bókasafninu og reyni aftur.

Eigðu góðan dag ljúfust

[Kolgrima, 28.7.2007 kl. 14:04]

Takk fyrir mig, þetta er fallegt

[Jóna Á. Gísladóttir, 28.7.2007 kl. 14:11]

kannski að maður eigi þetta eftir... að lesa meistara Þórberg

[Jenný Anna Baldursdóttir, 28.7.2007 kl. 14:16]

Hí Hrönnsla kíkti á Guðnýju Önnu.  Þóbergur svífur greinilega yfir vötnunum í dag.

Jóna mín auðvitað lestu Þórberg.  Fyrr hefur þú ekki lifað.

[Kristín Katla Árnadóttir, 28.7.2007 kl. 14:28]

Þórbergur var meistari.

[Katrín Snæhólm Baldursdóttir, 28.7.2007 kl. 14:59]

Hingað og ekki lengra. Nú fer ég og kaupi batterí í myndavélina mína og fer svo út í skýli og tek mynd af Meistara Þórbergi og blogga um mín undarlegu kynni af honum. Greinilegt að Þórbergur er í jarðarför og af einhverjum ástæðum að minna á snilli sína hér á blogginu.

[Ásthildur Cesil Þórðardóttir, 28.7.2007 kl. 15:02]

Það er greinilegt að karlinn er hér einhversstaðar.

[Rebbý, 28.7.2007 kl. 21:51]

ég hef greinilega ekki lifað      tek mig kannski á í sumarfríinu