FORBOÐIÐ

Rosalega finnst mér gleðilegt að Starbucks kaffihúsið hafi neyðst til að loka í Peking, eftir kröftug mótmæli. Sjá:

"Kaffihúsið Starbucks neyddist til þess að loka í Peking eftir kröftug mótmæli. Bandaríska kaffihúsakeðjan opnaði fyrst í Forboðnu borg Peking fyrir sjö árum síðan, en hefur löngum verið talin móðgun við kínverska menningu."

Að hafa þessa keðju, sem eflaust er ágæt fyrir sinn hatt, í hinni forboðnu borg finnst mér svo mikið stílbrot og nákvæmlega jafnmikið út úr kortinu og stilla MacDonalds upp í fordyri Þjóðleikhússins.  Eitthvað verður að vera heilagt gagnvart kapítalismanum sem öllu tröllríður.  Reyndar bauðst kaffihúsakeðjunni að starfa áfram ef þeir kölluðu starfsemina öðru nafni en það tóku þeir ekki í mál

Mér finnst einhvernvegin að í forboðnu borginni eigi að vera kínversk tehús og matsölustaðir.  Ekkert annað takk fyrir.  Það er hægt að gúffa í sig hamborgurum og kaffi annarsstaðar "for crying out loud".

Úje

Starbucks lokar í Forboðnu borginni

Athugasemdir

[Guðríður Hrefna Haraldsdóttir, 14.7.2007 kl. 15:25]

Fer kannski eftir staðsetningu ... Mikið hefur Starbucks samt bjargað kaffilífi mínu oft á ferðalögum. Mér finnst sjálfsagt að bjóða upp á gott kaffi alls staðar, vildi að þeir hefðu skipt um nafn ... nú fer ég sko aldrei til Peking. 

[Edda Agnarsdóttir, 14.7.2007 kl. 15:45]

Það þarf greinilega ekki mikið fyrir Gurrý til að hætta við að fara til Peking! Ég veit ekkert um þessi kaffihús og veit ekkert hvort ég hafi rekið nefið inn á eitt slíkt - allavega hljómar nafnið væmið fyrir minn smekk.

[Geir Jónsson (IP-tala skráð) 14.7.2007 kl. 16:09]

Í Ísrael/Jerúsalem er fullt af Bandarískum og Evrópskum fyrirtækjum. Sagan er samt lifandi og nóg er af ferðamönnum sem koma til þess að upplifa hana.

Er ekki bara ágætt að fá sér smá kaffi eða hamborgara í hvíld frá upplifuninni? 

[Sunna Dóra Möller, 14.7.2007 kl. 16:14]

Mér finnst að það eigi að vera starbucks, Mcdonalds, Burger King, Taco Bell, Kentucky Fried og allar hinar keðjurnar út um allt..........það er ekki hægt að fara fram á að njóta sérstakrar menningar í dag án þess að geta drukkið gott amerískt kaffi með stórum feitum amerískum hammmara !

[Jenný Anna Baldursdóttir, 14.7.2007 kl. 16:27]

Kæru bloggvinir og aðrir gestir, þið eruð hreinræktað lágmenningarpakk

[Guðríður Hrefna Haraldsdóttir, 14.7.2007 kl. 16:43]

Tíhíhíhíhí

[halkatla, 14.7.2007 kl. 17:50]

drekk ekki kaffi og "don´t care" en finnst bara alltaf töff þegar það er haldið í það gamla og barið á kapítalismanum - en ég skil Sunnu Dóru á vissan hátt líka, mér fannst td hrikalegt að geta ekki farið á pizza hut á meðan ég var í Danmörku. Sá unaðslegi menningarstaður er á hverju götuhorni í Bretlandi og þar fannst mér sko gott að búa

[Geir Jónsson (IP-tala skráð) 14.7.2007 kl. 18:02]

Núna brann um daginn Kebab (arabískur) matsölustaður...

Var gott mál að losna við þess innrás menningar? Eða er fjölbreytni ekki bara góð? 

[Sigga Lísa frænka (IP-tala skráð) 14.7.2007 kl. 18:27]

Hæ ég varð að kommenta þar sem ég rakst á bloggið þitt inn á annari síðu og er búin að lesa það síðustu daga og hef gaman af.  Ég er sko skyld þér í móðurætt. Anna og Amma Elísabet systur

[Jenný Anna Baldursdóttir, 14.7.2007 kl. 19:08]

Hæ Sigga Lísa, auðvitað veit ég hver þú ert.  Bið að heilsa mömmsl.

[Jenný Anna Baldursdóttir, 14.7.2007 kl. 19:09]

Ég er til að teygja mig ansi langt en Starbucks í forboðnu borginni, I don´t think so!  Segir ekki einhversstaðar: When in Rome...???