EITT HÚS Á MANN, EITT HJÓL Á MANN...

..og eitt barn á mann.  Mikið rosalega á ég erfitt með að skilja kínversku "barneignarlögin" sem bönnuðu fólki að eignast fleiri en eitt barn á árunum 2000-2005.  Nú ætla þeir að hækka sektir á efnameiri einstaklinga sem brjóta lögin en því fólki hefur lítið munað um að greiða sektir.  Ég næ varla að setja mig inn í aðstæður fólks sem ekki ræður því sjálft hversu mörg börn það eignast.  Það er líka vitað að útburður og morð á stúlkubörnum hafa snaraukist vegna takmörkun stjórnvalda í barneignarmálum, enda líf stúlkubarna töluvert minna virði en drengja.

Úff, skelfilegt hreint.

Barneignalögin skapa spennu á milli stétta í Kína

Athugasemdir

[Ásdís Sigurðardóttir, 8.7.2007 kl. 22:13]

Já, það væri sko skrýtið að lifa í þeirra heimi. Við erum blessunarlega frjáls hér á landi þó svo okkur finnist stundum að aðrir ráði of miklu. Ég ætla að hlusta á lögin á morgun.

[Jón Valur Jensson, 8.7.2007 kl. 23:20]

Sæl, Jenný Anna. Hér gæti lesandinn haldið, að kínverska bannið við því að eignast fleiri en eitt barn hafi aðeins verið í gildi á árunum 2000-2005. Í raun komst þessi stefna á um tveimur áratugum fyrr. "Deng Xiaopeng vék lauslega að eins-barns stefnunni í ræðu 1979, og þeirri stefnu var framfylgt um gervallt landið 1981. "Tæknileg útfærsla" á takmörkun barneigna fylgdi í kjölfarið tveimur árum síðar. Þessi útfærsla, sem enn er í fullu gildi [skrifað 1993, innskot JVJ], krefst þess að konur á barneignaaldri gangi með lykkjuna þegar þær hafa átt eitt barn, hjón með tvö börn skuli sæta vönunaraðgerð (sem oftast er gerð á konunni, þótt kynferði sé ekki tilgreint í lögunum) og að fóstri skuli eytt hjá konum sem verða þungaðar án heimildar." (Aðeins eitt barn eftir Steven W. Mosher og Chi An. Vaka-Helgafell, 2. prentun, 1997, s. 6). Ég hvet þig og aðra til að lesa þá vel skrifuðu bók, sem hér var vitnað til, - þetta er mikil örlagasaga í lífi kínversku þjóðarinnar.

Ég er sjálfur að blogga um þetta sama mál á þessari vefslóð. - Með kveðju,

[Jóna Á. Gísladóttir, 8.7.2007 kl. 23:41]

...að sjálfsögðu er það konan sem er vönuð. Karlinn gæti viljað eignast börn með næstu konu. Ég held ég fari að sofa, er greinilega eitthvað pirruð

[Ester Júlía, 8.7.2007 kl. 23:57]

Þetta er skelfilegt skelfilegt :(.  Ég las bókina "Aðeins eitt barn" og mæli sterklega með þeirri bók fyrir þá sem vilja setja sig inn í aðstæður þær sem gilda um barneignir í Kína.

  Knús til þín Jenný..

[Rebbý, 9.7.2007 kl. 20:31]

já, ótrúlegt hvað á fólk er lagt - skelfilegt að sjá ekki annað fyrir sér en losa sig við barnið sé stúlkubarn fætt.