FYRIR MÉR ERTU DAUÐ!

Áttræð kona á Englandi fékk neitun þegar hún ætlaði að taka út af reikningnum sínum, því samkvæmt gögnum bankans var hún látin.

Ég kannast við þetta vandamál.  Bankinn minn hefur umgengist mig eins og lík, nokkuð lengi.

Hm...

Bankinn sagði áttræðri konu að hún væri látin

Athugasemdir

[Ásthildur Cesil Þórðardóttir, 1.7.2007 kl. 12:44]

Er þetta ekki hámark möppudýraþjóðfélagsins, þar sem ekkert sálarlegt er til lengur, bara blákaldar tölur, ekki einu sinni staðreyndir geta breytt því.  Ætli þetta fólk sé klónað og búið til  í tilraunastofum, og hafi gleymst að setja í það tilfinningar ?

[Ásdís Sigurðardóttir, 1.7.2007 kl. 12:59]

Ja hérna, allt er nú til úti í hinni stór veröld. Þú ert dauð og ekki einu sinni sorry eða samhryggist þér 

[Jóna Á. Gísladóttir, 1.7.2007 kl. 13:03]

hvað er að vera áttrærður

[Katrín Snæhólm Baldursdóttir, 1.7.2007 kl. 13:09]

Já ég kannast við þetta..hélt meira að segja sjálf að ég væri steindauð þegar ég talaði..athugið ég steinhætti með reikninginn í bankanum mínum eftir svona reynslur...og fólk lét eins og ég væri ekki þarna og tók ekki mark á einu orði sem kom upp úr mér. Eins og ég væri draugur með óþægilega nærveru sem þau reyndu ítrekað að hrista af sér. Sem þeim svo tókst að lokum..hehe. Djö...eiga þau eftir að sjá eftir þessu í litla útibúinu hérna þegar ég verð auðkýfingur og kaupi bankann!!!!

[Helga Guðrún Eiríksdóttir, 1.7.2007 kl. 13:31]

Maður vaknar nú stundum "líklegur" eftir að hafa verið á bloggsukki í næði næturinnar.. en er þetta nú ekki full langt gengið?

[Kristín Katla Árnadóttir, 1.7.2007 kl. 14:08]

Ja hérna veslings konan.

[Þröstur Unnar, 1.7.2007 kl. 15:29]

Við erum öll bara kennitala, þar af leiðandi skiptir ekki máli hvernig við lítum út, hvaða tilfinningar við höfum og þarfir, eða hvort við horfumst í augu við þjónustufulltrúann, og sjáum þar númer okkar enduspeglast.