EIN SVONA HM.. NEÐANMITTIS FÆRSLA

Ég er óheppin að sumu leyti.  T.d. er ég fædd of snemma.  Ég er alin upp á þeim tímum þegar blaðsíðu 82 í heilsufræðinni (kynfræðsluopnan) var sleppt, vegna þess að kennarinn ákvað að hann hefði ekki taugar í að fara í gegnum klámfenginn textann.  Allan veturinn biðum við spennt, yrði síðan tekin?  Ætli maður yrði spurður út úr?  Þurfa að segja tíðir og frjóvgun?  Skoða opinberlega þverskurðarmynd af kvenlegi?  Ég man ekki hvort opnan hafi innihaldið þverskurðarmynd af karlkyns legi ég meina tippi.  Þetta var sem sagt á þeim árum sem við stelpurnar hefðum látist á staðnum hefðum við þurft að segja smokkfiskur.

Fræðslan var ekki mikil eins og sjá má.  Hvað gerir fólk þá í blindu fáfræðinnar?  Jú það fer út í verklegar framkvæmdir og stundar rannsóknarmensku um leið.  Ég man eftir nokkrum 15 ára stelpum í Vesturbænum, óléttum, og skýringarnar á hvernig það hefði gerst gátu hljómað eitthvað á þessa leið: Ég vissi ekki að það væri hægt að verða óléttur í fyrsta skipti sem maður gerði það (dýrkeypt fræðsla það), eða þá þessi: Hann lofaði að passa sig (mynduð þið ekki lofa öllum andskotanum á þessu stigi máls?).  "Gætni" elskhugans skilaði sér í óléttu og ég man eftir þeim í Neskirkju þegar ég fermdist, þau voru fermingarsystkini mín og hún var 132 cm á hæð og breidd, hann var jafnlangur eða svona sirka.

Ég var heppin... svínheppin, ég get ekki kallað óléttuleysi mitt fram að nítján ára aldri neitt annað.  Það var ekki mér að þakka, né heldur meðreiðarsveinum mínum að ég þurfti ekki að vafra um jöfn á hæð og breidd.

Skortur á umræðu um þetta neðanmittis (roðnukarl), fáfræði og fordómar hafa orðið til þess að ég mun aldrei getað staðið Ellý á sporði.  Ég á svo erfitt með orðfærið, en ég gæti klippt þetta allt út í pappa fyrir ykkur, vegna öflugrar reynslu minnar á þessu sviði.  Ekki hef ég neitt í hana Heiðu mína enda algjörlega ástæðulaust að reyna að feta í hennar spor (sko Heiðu) þar sem hún klobbar (þorrí, bloggar) brilljantlí og notar kyn-orð eins og mm-pillur.  Þetta útilokar mig algjörlega frá möguleikanum um að komast í 1. sæti Moggabloggs.  En hvað með það.  You can´t win them all.

Til dætra minna, systra og foreldra.  Ég sagði þegar ég byrjaði að blogga að ég myndi ljúga reglulega á blogginu.  Hafið það í huga.

Síjúgæs!

Athugasemdir

[Jóna Á. Gísladóttir, 28.6.2007 kl. 20:40]

mér finnst þér nú bara ganga ágætlega. Meðreiðarsveinar, klobbi, klámfenginn er meðal orða í þessari færslu. Skammastín svo

[Jenný Anna Baldursdóttir, 28.6.2007 kl. 20:41]

sko klobbi er slagvilla (hm) og hitt er með vegna listræns gildis færslunnar fíbblið þitt.

[Jóna Á. Gísladóttir, 28.6.2007 kl. 20:42]

svo ertu í 8. sæti eða eitthvað í vinsældum og alltaf í blöðunum. HVAÐ VILTU MEIRA ATHYGLISSJÚKLINGURINN ÞINN *"&a%Þ8¨°x

[krossgata, 28.6.2007 kl. 20:44]

Þegar ég var alin upp hefðum við líklega ráðið við að segja smokkfiskur án þess að fara í flækju, en ekki mikið meira og þá voru enn kennarar sem ekki treystu sér í kynfræðslusíðuna nema með miklum tilfæringum eins og að skipta bekknum eftir kynjum.  Kannski var þetta á sama tíma, en mismunandi stöðum.  Skiptir ekki máli.  Vildi bara segja að skrif þín finnst mér skemmtilegri en Ellýjar.  Það er nefnilega þannig að það sem er orðað ögn undir rós er skemmtilegra og yfirleitt fyndnara en það sem er skellt umbúðalaust framan í fólk.  Mín skoðun er sú að það krefjist meiri færni að geta skrifað skemmtilega undir rós.  Þú gerir það ljómandi vel.

[Jenný Anna Baldursdóttir, 28.6.2007 kl. 20:46]

Er í fimmta aulinn þinn og stefndi á toppinn en verð að játa mig sigraða.  Mínar færslur eru svo djúúúúúúpar Marlín mín, sérstaklega þessar sem birtast í blöðum, sk. uppfyllingarefni á mínum fjölmiðli og ég kalla MILLIFÆRSLUR en það eru þær einu millifærslur sem ég geri þessa dagana.

Var ég búin að segja þér að ég elskaði þig?

[Maja Solla (IP-tala skráð) 28.6.2007 kl. 20:59]

Kennarinn minn úr barnaskóla hlýtur að vera af álíka kynslóð og þú. Það er nú ekki það langt síðan ég var í barnaskóla, þannig að þetta kemur vonandi ekki illa út...
Í kynfræðslutímum roðnaði hann meira en allur bekkurinn til samans, en breiddi yfir það með því að skamma okkur krakkana fyrir flissið. Við einhvern veginn hlupum bara yfir allt þetta vandræðalegasta, því hann gat ekki hugsað sér að staldra lengi við einhverjar myndlíkingar af getnaði eða þverskurðarmyndum af legi og notagildum þess!

Þú ert þrælskemmtilegur bloggari, þarft ekkert að hafa áhyggjur þó þú sért ekki með einhvern soramunn.

[Ragnheiður , 28.6.2007 kl. 21:14]

Æj gamla kennslukonan mín, piparjúnka að aukavinnu, fór algerlega í kerfi á þessum skrattans blaðsíðum. Svo herfilega að okkur datt ekki í hug að reyna að flissa að þessu, þvílík skelfing.

[Edda Agnarsdóttir, 28.6.2007 kl. 21:16]

Snilli tilli - en... ég segi eins og Gurrý; ég má hafa mig alla við færslunum þínum.

[Jenný Anna Baldursdóttir, 28.6.2007 kl. 21:22]

Edda og Gurrí þið hafið ekkert betra að gera en lesa eftir mig.  Get ég að því gert þótt ég svona "pródúktív" og frjó til heilans? (reiðikarl)Híhí.

[gerður rósa gunnarsdóttir, 28.6.2007 kl. 21:25]

Ég erfði allan tepruskap kynslóðar móður minnar á þessu sviði. Er bara nýlega farin að geta sagt ... æ ég sleppi því. Vitiði hvað hún kallaði neðanfæri kvenna?
Rós!
Ég er enn að vinna mig út úr þessu :/

[Jóna Á. Gísladóttir, 28.6.2007 kl. 21:57]

fimmta.... I take the fifth.... no comment

[Hrönn Sigurðardóttir, 28.6.2007 kl. 22:07]

Kennarinn minn talaði hreint út um þessi mál, engin roðn, engin vandræðaheit. Enda varð ég ekki ólétt fyrr en lööööööngu seinna.

Vertu svo bara fegin að vera ekki eins og Ellý.....

[Laufey Ólafsdóttir, 29.6.2007 kl. 00:06]

Ég er alger tepra. Man ekki sérstaklega hvað fór fram í kynfræðslu í Austurbæjarskóla þarna áttatíu og eitthvað en geri ráð fyrir að við vorum öll mjög hallærisleg með asnalegt hár. Dóttir kynfræðslukennarans var í bekknum . Ég varð ólétt tvítug. Það var auðvitað úthugsað. Sæt mörgæs.