KONUR ERU KONUM...........

...góðar OG HANANÚ.  Þessi fullyrðing er amk. sannari en hin sem oftast heyrist.  Frá og með deginum í dag er bannað með lögum þessa fjölmiðils að nota "konum eru konum verstar" í kommentakerfinu hér  og hananú.  Ég nenni ekki að taka saman þau skipti sem þessi leiði frasi hefur verið notaður í mínu kommentakerfi og reyndar út um allt blogg. Ótrúlega lífseig þessi firra. Stundum reyndar notað án hugsunar enda frasinn orðinn eins og stórisannleikur í daglegu tali fólks.

Þessi fullyrðing er ekki byggð á nokkrum raunveruleika.  Það er ekkert sem segir að konum séu konur verstar.  Það eru hins vegar ansi margar konur sem geta vitnað um það gagnstæða. 

Niðurstaða:  Konum eru konum oftar en ekki góðar (ég minni á systra- og vinkonunet heimsins).  Þær eru stundum andstyggilegar hvor við aðra,  alveg eins og gengur og gerist í lífinu.  Mín reynsla er sú að oftar hef ég notið stuðnings og vináttu kvenna en hins.

Svo standið ykkur nú krakkar mínir.  Út með meiðandi frasa um konur (og karla líka já,já, já).

P.s. Mér kæmi ekki á óvart þótt einverjir nördar af hm.. sumu kyni sæju sig knúna til að setja einmitt téðan frasa í kommentakerfið.  Hm

Athugasemdir

[Maja Solla (IP-tala skráð) 27.6.2007 kl. 21:47]

Ég viðurkenni nú alveg að ég hef notað þennan frasa og aldrei skammast mín fyrir það, en það hefur aldrei verið nema ef ég er að tala um einhver svona öfundarmoment, að koma sem eina ókunnuga konan á samkomu þar sem er ég mæld út og suður, ef ég hef verið stungin illilega í bakið eða eitthvað svoleiðis.
Konur eru konum mikilvægar, en þær geta líka breyst í algjörar tíkur ef svo ber undir.
En núna eru konur ekkert nema mér góðar, ólíkt því sem áður var kannski, enda hefur verið tilefnislaust fyrir mig að nota þennan frasa í ansi langan tíma.

Vona að ég verði ekki lamin fyrir þetta komment...

[Þórdís Bára Hannesdóttir, 27.6.2007 kl. 21:47]

Þetta er svo rétt og satt hjá þér. Ég fattaði um leið og ég las þetta. Ég fattað líka að konur eru konum bestar og bara öllum allstaðar. Ætla að halda þessari skoðun á lofti héðan í frá.

[Jenný Anna Baldursdóttir, 27.6.2007 kl. 21:49]

Ofbeldi er líka bannað á þessum fjölmiðli.  MS auðvitað eru konur ekki einn samlitur hópur en það er samt ekkert vit að frasera svona um þær frekar en við segjum; karlar eru körlum verstir.  Það myndi manni aldrei detta í hug að láta sér um munn fara enda fáránlegt að steypa alla karla í sama mót.

[Sunna Dóra Möller, 27.6.2007 kl. 21:54]

ég er sammála þér að það er ótrúlegt hvað þessi frasi er mikið notaður við hinar ýmsu aðstæður! Kannski er það með ráðum gert af karlaveldinu til að gera konur tortryggnar gagnvart hver annarri til að koma í veg fyrir að þær nái heimsyfirráðum..............sem að konur geta gert ef að þær taka höndum saman.........bara svona til að vera í samsæriskenningunum !

[Anna Ólafsdóttir (anno) (IP-tala skráð) 27.6.2007 kl. 21:56]

Þú ert til dæmis ótrúlega góð og skemmtileg við konuna sem skrifar þetta - smjúts  - en þess fyrir utan: þessi frasi er pain in the "you know what"!

[Maja Solla (IP-tala skráð) 27.6.2007 kl. 21:57]

Nei, ég kannski hef bara aldrei litið á þetta frá þessum vinkli.
Mamma sagði þetta oft þegar ég var yngri, var bara fljót að túlka þetta á minn hátt...  

[Ásthildur Cesil Þórðardóttir, 27.6.2007 kl. 22:07]

Það eru auðvitað til dæmi um svona tíkur sem þola ekki aðrar konur og að þeim gangi vel.  En ætli það sé ekki bara manngerðin sem slík.  Þær eru ótrúlegar karlasleikjur í ofanálag.  Ég held að flestar konur þekki svona konur.  En svo eru líka til karla sem eru helmingi verri.  Við erum sum sé bæði góð og slæm.  En enginn er alvondur og heldur enginn algóður.  Okkur hættir stundum til að draga fólk í svoleiðis dilka.  Stilla þeim upp sem góðum eða vondum, og verðum svo örg þegar viðkomandi stendur ekki undir væntingum.  Ekki satt ?

[Björg K. Sigurðardóttir, 27.6.2007 kl. 22:23]

Ég ætla að segja no komment við þessa umræðu

[Laufey Ólafsdóttir, 27.6.2007 kl. 22:41]

Ömurleg alhæfing! Út með hana! Þessi óskapnaður er jafnvel notaður til að réttlæta launamun kynjanna sem er nú bara til að afvegaleiða kjarna málsins.

[Jenný Anna Baldursdóttir, 27.6.2007 kl. 23:06]

Hvað haldið þið að ég ætli að banna næst á þessum fjölmiðli??? Bíðið bara. Hm

BTW HVAR ERU KARLARNIR?  ÞEIR HLJÓTA AÐ VERA SAMMÁLA.  OMG I did it.

[DoctorE (IP-tala skráð) 27.6.2007 kl. 23:07]

Ok, þetta dregur þá upp spurninguna: Hver(jir) eru konum verstir?

Ég bara varð :)

[Edda Agnarsdóttir, 27.6.2007 kl. 23:16]

Skemmtilegt og áhrifaríkt. það er svo gaman að lesa kommentin vegna fjölbreytni í svörum og útskýringum.

[Kristín Katla Árnadóttir, 27.6.2007 kl. 23:22]

Þú hefur mjög orða forða það er gaman að lesa bloggið þitt .

[Jenný Anna Baldursdóttir, 27.6.2007 kl. 23:52]

El doktore; ætli það sé ekki eins og í auglýsingunum að það má ekki segja best, og verst.  Híhí.

Takk Kristín mín og Edda mesta fjörið hjá mér eru kommentin og mér finnst gaman að leika mér með þau líka eins og sjá má í nýjustu færslunni minni.

[Jóna Á. Gísladóttir, 27.6.2007 kl. 23:57]

Þeim var ég verst er ég unni mest.... fyrsta b-i-t-c-píp-ið í Íslandssögunni. Eða hvað?

[Jenný Anna Baldursdóttir, 27.6.2007 kl. 23:59]

Segðu Jóna!!!