NÆTURSAMTAL

Í nótt kl. 04,00 átti sér stað eftirfarandi samtal milli ömmunnar og Jenny:

Amma, nóttin búin, Jenny farrrra frrrram.

Amman: Nei Jenny mín, nóttin er ennþá út ástin mín, við skulum lúlla meira.

Jenny: Nei amma, nóttin allleg búin, sólin er úti, Jenny leika aðeins, pínu-pínu lítið.

(Jenny bætir smá í taktiíkina, það er mikið í húfi)  Jenny á J, Einarrrr á ERRRR, amma á A, mamma á M og pabbi á P.  Pabbi lant burrrt að spila trrrommuna.

Amma: Jenny mín nú skulum við sofa þangað til nóttin er farin

Jenny: Nóttin farin heim til mömmusín og pabbasín, Jenny svöng (þetta síðasta sagt með áhersluþunga)

Amma: Nú fær Jenny að drekka og svo lúllum við meira (aðframkomin úr syfju, sko amman)

Jenny: Nóttin farin heim til mömmusín og pabbasín.  Líka skýin og djúsin og náttfötin.  Allir farra, sólin komin út að leika.

Hm.. við héldum áfram að debattera um nótt og dag og hverjum hefði verið vísað heim í foreldrahús og hverjir væru komnir út að leika.  Þessu hélt fram þar til lítil stúlka datt út af og svaf værrrrum svefni þar til kl. 07,00 í morgun. 

Góðan daginn elskurnar, er þetta ekki dásamlegur dagur?? Það þykir mér.

Get ekki still mig um að skella hér inn mynd af litlu tónlistarkonunni frá í vetur.  Þessi heitir einfaldlega "stairway to heaven" Úje nema hvað.

Athugasemdir

[Ester Júlía, 27.6.2007 kl. 07:55]

awwwwwwwww dúlluprikið hún Jenný!  Krúttlegasta færsla ever..

[Laufey Ólafsdóttir, 27.6.2007 kl. 08:16]

Hef lent í svona samræðum! Fann innilega koma yfir mig tilfinninguna sem maður fær í slíkum aðstæðum! Að þurfa að rökræða við kríli í slíku ástandi, þegar heilinn er enn hinum megin í sofilandi, er ekki alveg málið. En jú, yndislegur dagur! Eigið þið báðar yndislegan dag!

[Jenný Anna Baldursdóttir, 27.6.2007 kl. 08:25]

Takk elskurnar.  Laufey mín njóttu dagsins elskan þótt mikið sé að gera.  Fríið þitt og stelpnanna þinna er jú "HANDAN VIÐ HORNIÐ" HEHE

Skelltu inn myndinni af Törunni sofandi þegar þú mátt vera að.

[Þröstur Unnar, 27.6.2007 kl. 08:41]

Mikið kannast ég við svona samtöl, en þau enda ekki alltaf svona vel hjá mér

[Laufey Ólafsdóttir, 27.6.2007 kl. 10:27]

Takk Jenný! ...og bingó! Búin! Er að telja niður og alveg komin í flippgírinn.

[Jóna Á. Gísladóttir, 27.6.2007 kl. 10:37]

Dásamleg byrjun á bloggdegi.

[Ragnhildur Sverrisdóttir, 27.6.2007 kl. 10:38]

Æ. litla krúttið! Ég hef sjálf lent í að reyna að útskýra bjartar nætur á Íslandi, aðframkomin af svefnleysi og þruglandi hálf óskiljanlegt mál. En svo kemur íslenskur vetur og þá byrjar vandinn aftur, bara með öfugum formerkjum: "Jú, víst er kominn dagur þótt það sé svona dimmt, farðu á fætur!"

[Laufey Ólafsdóttir, 27.6.2007 kl. 11:06]

Snilldartaktar á trommunum! Greinilega efnilegur arftaki.