MINN MAÐUR HM VS. ÞJÓÐKIRKJAN

 

Flott mál að Hjörtur Magni teljist ekki hafa brotið siðareglur presta með ummælum sínum í sjónvarpsþættinum Kompási og víðar.

"Prestarnir sem kærðu töldu m.a. að Hjörtur Magni hefði brotið siðareglur, sem varða skyldur við starfssystkin og vandvirkni í störfum. Meðal þess, sem prestarnir vísuðu til í kæru sinni, voru ummæli Hjartar Magna í Kompási, en þar sagði hann, að hver sú trúarstofnun, sem teldi sig hafa höndlað sannleikann yrði um leið stórhættuleg ef ekki bara djöfulleg. Ennfremur sagði hann að ef trúarstofnunin breyttist ekki, heldur færi að láta fólk dýrka sig í stað Guðs, þá væri hún jafnframt að brjóta fyrsta boðorðið sem segir: þú skalt ekki aðra Guði hafa".

Ég sem sagði mig úr þjóðkirkjunni eftir að Prestastefna neitaði að taka samkynhneigða meðlimi sína góða og gilda til giftinga eins og annað fólk, gleðst yfir því að þessi tímaskekkja sem þjóðkirkjan er, skuli ekki geta sent fólk í skammarkrókinn sem leyfir sér að gagnrýna hana.

Ég er annars ekki kirkjumanneskja og mín trú er meira fyrir víðáttur en kumbalda og ég stend föst á því að það sé ekki til ein leið, einn sannleikur og einn vegur, þrátt fyrir að sumir telji sig með pappíra frá almættinu upp á staðlaða aðferðarfræði  um ferðina að hliðum himnaríkis. Ég held að Guð sé ekki að fíla skort á umburðarlyndi margra þjóðkirkjunnar þjóna.

sveiattann.

Hjörtur Magni telst ekki hafa brotið siðareglur

Athugasemdir

[Jóna Á. Gísladóttir, 27.6.2007 kl. 00:17]

Ég skil ekkert í essu kirkjuveseni addna.

[Jenný Anna Baldursdóttir, 27.6.2007 kl. 00:18]

Á ég að meila þér fyrirlestur? (ég veit nefnilega allt um allt, híhí).

[halkatla, 27.6.2007 kl. 00:22]

þetta var svo slöpp kæra, mér finnst þetta gott á prestana sem kærðu, þó að ég taki ekki endilega afstöðu með HM Góða nótt - við erum samt dáldið sammála um trúmál, það er kúl.

[Ester Sveinbjarnardóttir, 27.6.2007 kl. 00:24]

Ég fagna þessari niðurstöðu, gott mál að Magni getur tjáð sig.

[Jóna Á. Gísladóttir, 27.6.2007 kl. 00:38]

Fyrirlestur frá þér mín kæra er alltaf vel þeginn.

[DoctorE (IP-tala skráð) 27.6.2007 kl. 07:31]

Frábært alveg... nú er bara að aðskilja ríki og kirkju alveg, það er algert prinsip mál

[Ester Júlía, 27.6.2007 kl. 07:54]

Ég held nefnilega líka að Guð sé ekki að fíla þennan skort á umburðalyndi meðal þjóðkirkjunnar  Mér líkar ekki alveg hvað þjóðkirkjan tekur sér fyrir hendur..eða öllu heldur þær reglur sem hún setur.  Guði er enginn hlutur um megn  en það á ekki við um þjóðkirkjuna.  Hún er að setja sig á of háan stall og með hroka oft á tíðum.  Þetta er ekki það sem Guð kenndi okkur.  Hvar er auðmýktin?

[Þorsteinn (IP-tala skráð) 27.6.2007 kl. 10:39]

Við skulum ekki gleyma því að Jesú lagði hvað ríkasta áherslu af öllum hlutum að menn væru hlýðnir boðskap Ritninganna. Hann kenndi einnig fyrirgefningu, að því tilskildu að menn iðruðust syndar sínnar, sem Jesú hafði fyrirgefið þeim, og syndguðu ekki á ný.

[Jenný Anna Baldursdóttir, 27.6.2007 kl. 11:16]

Ég hef ekkert nema mannanna orð fyrir því hvað Jesú sagði.

[DoctorE (IP-tala skráð) 27.6.2007 kl. 11:49]

Það getur engin kennt okkur það sem við vitum nú þegar.
Samviska og aðrar tilfinningar eru innbyggðar í langflesta.
Það þarf engar bækur til þess að kenna okkur kærleika og virðingu fyrir öðrum, svo svo sjáum við allt í kringum okkur að þeir sem eru mest trúaðir eru langverstir, hvaða trú sem þeir nú tilheyra.

Að segja að það þurfi að kenna okkur svona hluti er eins og að segja okkur að það þurfi að kenna okkur að finna fyrir td tannpínu.

[Edda Agnarsdóttir, 27.6.2007 kl. 12:03]

Jónas Hallgrímsson orti:

Of eru myrk

manna sonum,

þeim er hátt hyggja,

in helgu rök.