MÉR ER ÞAÐ ÞVERT UM GEÐ..

..að blogga um "fræga" fólkið, líka það sem frægt er að endemum en ég get ekki orða bundist núna.  Það er ekki oft sem hægt er að lesa þróun alkahólisma, afneitunina á ástandinu og reiðina út í þá sem vilja aðstoða, svo skýrt og vel eins og með því að lesa fréttir af Britney Spears.  Frá hárrakstrinum, inn og út úr meðferð dæminu á nokkrum dögum, útskriftina þaðan hvar hún lýsti því yfir að hún væri ekki alkahólisti og væri bara undir svo miklu álagi.  Nýjasta þróun stúlkunnar í sínum bullandi veikindum er að íhuga nálgunarbann á móður sína og varna henni umgengni við börn sín.  Þetta ætlar stúlkan að gera vegna þess að móðir hennar stuðlaði að því að koma henni í meðferð.

Þetta er ekki einsdæmi hjá virkum ölkum.  Eitthvað þessu líkt á sér stað á hverjum degi, einhversstaðar á meðal okkar en sjaldan gefst okkur tækifæri til að fylgjast með þeim fjölskylduharmleik sem alkahólismi stuðlar að.  Spears er ekki eini alkinn sem fer í meðferð og kemst að þeim vafasömu sannindum að vera ekki alki.  Ég vona að allir alkar, alls staðar  nái botni og beri gæfu til að gefast upp og leita aðstoðar. Ég hef verið svo gæfusöm og ég vil gjarnan sjá sem flesta rata heim.

Spears sögð íhuga nálgunarbann á móður sína

Athugasemdir

[Ásdís Sigurðardóttir, 22.6.2007 kl. 16:40]

Það er vandlifað og verst er þó sjálfsagt að vera svona veikur og afneita því og kenna svo öðrum um. Hvar skildi botninum náð hjá blessaðri manneskjunni.?

[Sóldís Fjóla Karlsdóttir, 22.6.2007 kl. 17:25]

Ég er þér innilega sammála, afneitunin, að kenna alltaf einhverju öðru eða öðrum um vandamál sin, þetta eru púra einkenni á alkahólisma. Ég þekki þetta, ekki á eigin skinni og þó, það var svo nálægt mér að það var næstum því mitt eigið. Vesalings móðirin, þá á ég við móðir Spears, þetta er sko vandamál.

[Ester Júlía, 22.6.2007 kl. 18:49]

Æ hún er svo að skjóta sjálfa sig í fótinn grey stelpan. Eflaust þarf hún nokkur bakföllin áður en hún viðurkennir alkahólismann sinn.  Og hún á þá eftir að fyrirgefa móður sinni fyrir þann voðagrikk að senda hana í meðferð á sínum tíma.