AÐFÖR AÐ ÍSLENSKUM lLANDBÚNAÐI..

..garðyrkjubændum eða íslenskum heimilisiðnaði?  Tveir menn voru handteknir í síðustu viku vegna framleiðslu á fullt af kannabisplöntum nálægt Hellu.

Það er sko ekki grín gerandi að fíkniefnaframleiðslu en sem alki hef ég aldrei skilið inntöku á þessu efni sem kyrrsetur fólk, fær það til að úúúa og váááa með því einu að stara á vegginn.  Nýjar rannsóknir á fíkniefninu kannabis sýna hins vegar fram á að það er mun hættulegra en haldið hefur verið fram.  En það hafa þeir á Vogi vitað í áraraðir og ekkert nýtt þar á ferðinni.  Hollusta kannabis er stórlega ofmetin eða er réttara að segja að alvarlegar afleiðingar þess séu stórlega vanmetnar?

Síjúpípúl!

Fíkniefnaframleiðsla stöðvuð í nágrenni Hellu

Athugasemdir

[Ásdís Sigurðardóttir, 18.6.2007 kl. 15:58]

Er nokkuð til sem slævir hug og hönd sem er hollt nema þá hressileg og góð heimaleikfimi  

[Geiri (IP-tala skráð) 18.6.2007 kl. 16:42]

Auðvitað er kannabis ekki hollt í hefðbundnum skilningi, verkjatöflur eru ekki heldur hollar en hjálpa samt mörgum í að ganga í gegnum erfið tímabil. Sterkar verkjatöflur eru margfalt meira ávanabindandi heldur en kannabis, meira ávanabindandi en flest fíkniefni á götunni. Það er enginn vafi á því að þessi planta getur hjálpað mörgum sem ganga í gegnum viss heilbrigðisvandamál. Svo er ekki hægt að drepa sig af ofskammti, ekki er hægt að segja slíkt um áfengi eða flest læknadóp. Skaðlegu áhrifin eru áberandi hjá svokölluðum dagreykingarmönnum, eftir því sem árin líða verða viðbrögð þeirra hægari. En eins og með áfengið og önnur fíkniefni að þá eru skaðlegu áhrifin fyrst og fremst hjá þeim sem misnota fíkniefnið og eru í óhóflegri neyslu í langan tíma.

Sjálfum finnst mér að þessi planta eigi að vera lögleg óháð því hversu skaðleg hún getur verið, það er óendanleg hræsni að vera í stríði gegn henni á meðan ríkið sjálft er að selja tvö sterk fíkniefni, á meðan ríkið er stærsti fíkniefnasali landsins! Menning og fordómar eru að stjórna fíkniefnalöggjöfinni, ekki heilbrigðissjónarmið. Bandaríkjamenn hófu þetta stríð á sínum tíma vegna þess að þeim líkaði ekki við fólkið sem var í neyslu á öðrum vímuefnum (aðallega latino og svertingjar), áfengi var orðið ríkjandi vímuefni hjá hvíta manninum og því skárra að þeirra mati. Fjölmiðlar tóku þátt í vitleysunni með fyrirsögnum eins og "Svertingjar líklegri til að nauðga hvítum konum undir áhrifum kannabis", það er sorglegt að þetta menningarstríð sé ennþá í gangi og að við Íslendingar séum að taka þátt í því.

[Jóna Á. Gísladóttir, 18.6.2007 kl. 18:09]

Það má auðvitað lengi deila um réttlæti þess að áfengi sé löglegt en ekki kannabis. Einhvern tíman var gerð rannsókn á því hverjir væru líklegri til að leita í sterkari efni; þeir sem neyta alkóhóls eða þeir sem neyta kannabis. Niðurstaðan var sú að kannabis neytendur láta sjaldnast staðar numið við að fá sér í pípu. Og af eigin reynslu get ég svo sannarlega fullyrt að engin lætur sér nægja til lengdar að fá sér í pípu eða eins og eina jónu um helgar. Stór prósenta verður einmitt dagreykingafólk. Ég hef horft á eftir fjöldanum öllum af kunningjum fara úr hassi, yfir í amfetamín og þaðan yfir í kókaín og heróin. Engin fær mig nokkru sinni til að samþykkja að hægt sé að jafna saman áfengi og kannabis. En því verður ekki neytað hér að áfengi er böl.

[Jenný Anna Baldursdóttir, 18.6.2007 kl. 18:18]

Sammála þér Jóna, alavega er áfengi löglegt en kannabis ekki.  Ég horfi á málið út frá því.  Helst er ég á því að fíkniefni eigi yfir höfuð ekki að vera lögleg án þess að ég ætli að takast það verkefni á herðar að vinna að því.

Geiri þakka þér athugasemd, það er margt til í því sem þú segir.  Verkjapillur eru reyndar bráðnauðsynlegt lyf en eins og með allt verða þær hættulegar þegar þær eru misnotaðar.

Heimaleikfimin Ásdís mín er flottur kostur!

[DoctorE (IP-tala skráð) 18.6.2007 kl. 19:33]

Ehhrmmm, mér finnst þetta slæm samlíking því vín er LANG oftast fyrsti vímugjafi sem fólk prófar og þá er allt eins hægt að færa rök fyrir því að vínið sé upphaf allrar neyslu.
Ég hugsa frekar að fíklar fái sér eitthvað annað þegar kannabis er ekki fáanlegt
Ég þekki fólk sem hefur reykt í mörg ár og notar enga aðra vímugjafa.

[Jenný Anna Baldursdóttir, 18.6.2007 kl. 21:33]

Ég get vottað um það prívat og persónulega sem alki og læknadópsfíkill (í bata að sjálfsögðu því annars væri ég ekki svona tjáningaglöð) að það virðist vera smekkur sem ræður vali á vímuefni.  Öll þessi efni sem í umferð eru meðal fíkla/alka (einn og sami hlutur) hafa áhrif á sömu stöð í heilanum, hina svokölluðu "verðlaunastöð".