ÁFANGASIGUR Í HÖFN

Þar sem vel flestir sem nálægt strippklúbbunum koma virðast haldnir málstoli með örfáum undantekningum þó (eins og karlinn á Goldfinger í sjónvarpinu s.l. föstudag) verður fróðlegt að sjá hvað kemur út úr könnun lögreglustjóra höfuðborgarsvæðisins um hvort lögreglusamþykkt Kópavogs sé framfylgt á skemmtistaðnum Goldfinger.  Bæjarráð Kópavogs samþykkti á fundi í gærkvöldi að vegna opinberrar umræðu verði þetta kannað.  Það er í raun alveg stórmerkilegt í svona litlu samfélagi þar sem aðgengi að flestum upplýsingum er auðvelt, að þessi þagnarmúr hafi verið reistur umhverfis skammarlega starfsemi þessa "klúbbs".  Nú vitum við að konurnar sem þarna "vinna" eru ekki frjálsar ferða sinna, að þarna hefur verið eitthvað vændi á ferðinni og fleira og fleira.  Vonandi kemur þetta í ljós þegar farið verður ofan í málið.  Þetta er áfangasigur en langt er í land.

Lokum búllunni og segjum nei við vændi og mansali.

Samþykkt í bæjarráði Kópavogs að láta rannsaka starfsemi Goldfinger

Athugasemdir

[Ásdís Sigurðardóttir, 8.6.2007 kl. 18:29]

Veistu, ég verð alltaf svo hrikalega sorgmædd þegar ég horfi á þessar stúlkur nudda sér utan í helv. súluna. Kræst hvað maður vildi bjarga þeim frá þessari niðurlægingu.

[Anna Ólafsdóttir (anno) (IP-tala skráð) 8.6.2007 kl. 19:44]

Mér finnst það svo sorglegt að þessi starfsemi skyldi fara af stað hérna uppi á Íslandi Ég var farin að trúa því að við myndum sleppa af því það hafði tekist að halda súlustöðum frá Íslandi svo lengi. En það var greinilega of gott til að geta haldist þannig.

[Steingerður Steinarsdóttir, 8.6.2007 kl. 20:11]

Sammála. Var einmitt á ráðstefnu Kvenréttindafélagsins um Vændi, jafnrétti og virðingu í nútímasamfélagi í dag og kom þaðan herská og full af orku.

[Ásthildur Cesil Þórðardóttir, 8.6.2007 kl. 20:57]

Já mér þykir slæmt til þess að vita að ungar konur séu neyddar út í svona vitleysu.  Það á að gera eitthvað, bara spurningin hvað er hægt að gera til að koma í veg fyrir svona sora.  Klippa stútin af sóðunum ?

[Ester Sveinbjarnardóttir, 8.6.2007 kl. 22:19]

Já það þarf að stoppa þessa klámvæðingu, ekkert uppbyggilegt við þessa starfsemi.

[Heiða Þórðar, 8.6.2007 kl. 22:30]

Sammála

[Anna Ólafsdóttir Björnsson, 9.6.2007 kl. 00:19]

Mér finnst reyndar mjög jákvætt að athyglinni skuli hafa verið beint að viðskiptavinunum og bara allt í lagi að benda á að þeir sem halda hlífiskildi yfir þessari starfsemi séu líka klámneytendur, því annað er ekki hægt að segja í svona tilfellum. Kannski liggur lykillinn að því að svona starfsemi verði ekki umborin í einmitt því. Málið er að það væri ábyggilega ekki gagnrýnt ef upplýst væri að bæjarstjórar keyptu þýfi eða bara Nonni í næstu götu keyrði morðingja af morðstað, en hins vegar eru notendur malsals ekki alltaf afhjúpaðir á sama hátt. Þannig að ég er ofursátt við Ísafold nútímans og treysti því að langafi, sem bar ábyrgð á fyrstu Ísafoldinni, sé sama sinnis, ef hans trú var rétt og framliðnir á sveimi. 

[Birna Dis Vilbertsdóttir (IP-tala skráð) 9.6.2007 kl. 08:07]

Þetta er ömurleg starfssemi. Ég hef hitt 2 stúlkur sem voru að vinna þarna. Þær voru að fjármagna neyslu. Báðar eiga sögu um kynferðislega misnotkun sem börn.Það á að loka svona sjoppum.