GRÍMULAUS KVENFYRIRLITNING

Það er algjörlega óþarft að leita út fyrir landsteinana eftir kvenfyrirlitlegum hugsanahætti, nóg er af honum hér heima sem annars staðar.  Stundum birtist hún manni þó án grímu, án orðskrúðs og henni er ekki pakkað í gjafapakkningar. 

Þær konur sem hyggjast starfa við að afhenda verðlaunapeninga á Ólympíuleikunum í Peking á næsta ári verða að lúta ákveðnum reglum, og þar á meðal er það sett sem skilyrði, fyrir utan að vera ekki með húðflúr og áberandi eyrnalokka, er stór afturefndi á bannlista.  Stór afturendi hm? Á að mæla hæð og lengd og fá út "bodymass index"?  Eða verður gamla málbandinu skellt á þær í atvinnuviðtalinu.  Nebb ég held að það verði fengnir einhver tugur manna til að glápa á þennan eðla líkamshluta og dæma um hvort þeim hugnist hann eða ekki.   Í fréttinni stendur einnig eftirfarandi:

"Við viljum ekki konur sem líta óíþróttamannslega út því það hefur neikvæð áhrif á íþróttafólkið,“ sagði Li Ning sem hefur yfirumsjón með vali á konunum. „Beinabygging og hæð kvennanna þarf að vera svipuð og við viljum ekki sjá neina breiða rassa,“ bætti hún við. "

Er ekki eðlilegt að valið sé frískt og hresst fólk til þessara starfa?  Það hefði ég haldið.  Þarf að taka sérstaklega fram hvaða líkamspartar á konum  hafi neikvæð áhrif á íþróttafólkið (vá ekki smá öflugar konunar í Kína).  Hvaða líkamspartar eru undir mælikerinu þegar karlmennirnir eru annarsvegar?  Ætli þeir fái að hafa eignast börn?  Eins og við vitum að þá rýra barneignir mjög gildi fegurðar.

Meiri ekkisens ruglið alltaf.

Engin húðflúr eða stóra rassa

Athugasemdir

[Gestur Svavarsson (IP-tala skráð) 8.6.2007 kl. 11:55]

Takk fyrir skemmtilegar athugasemdir.

Ég er ósammála því að þetta sé sérstakt viðfangsefni gagnvart konum, þ.e. þetta með verðlaunapeningana. Þetta er bara venjuleg dýrkun staðalímynda. Hins vegar er asnalegt að karlar skuli ekki líka afhenda verðlaun á svona hátíð, og einnig að það sé ekki bara alls konar fólk.

[Steingerður Steinarsdóttir, 8.6.2007 kl. 11:59]

Já, þeir tíðkast nú hinir breiðu rassar.

[Guðríður Hrefna Haraldsdóttir, 8.6.2007 kl. 12:21]

Þannig að þetta með hrifningu á Jennifer Lopez var bara ein stór blekking til að gleðja þær rassstóru. Je minn eini.

Ég vil endilega fá stráka í þessa verðlaunaafhendingu, samt stráka sem hafa ekki eignast börn ... æ, það gerir þá einhvern veginn ... notaðri if you know what I mean. Þeir verða líka að vera fagrir frá náttúrunnar hendi, ekkert sílikon eða bótox. Jamm. Hvenær breytist þetta? Ég sé ekki fyrir mér forstjóra (með fullri virðingu fyrir þeim) skreppa á Goldfinger og glápa á dillandi stelpur og fara svo daginn eftir og hækka starfskonu í tign og launum, svona stelpuskjátu ... segi nú svona.  

[Jóna Á. Gísladóttir, 8.6.2007 kl. 12:55]

meira ruglið... góður punktur hjá Gurrí.

[Jenný Anna Baldursdóttir, 8.6.2007 kl. 17:43]

Ég held ekki Palli minn að barneignir rýri útlitið, enda hefur þú örugglega náð djóknum.  Mér finnst hins vegar svo forkastanlega hallærislegt að í fegurðarsamkeppnum skuli konur ekki hafa fætt barn.  Eins og það rýri "gildi" fegurðar.

[Laufey Ólafsdóttir, 9.6.2007 kl. 21:18]

Almáttugur Jenný! Ég á ekki orð! Asískar konur eru nú þekktar fyrir margt annað en breiða afturenda samt en það er önnur saga. Hvað er málið með "óíþróttalegt" fólk? Getur ekki íþróttafólk haft smáskammt af heilbrigðum rassi? Hvað með tennissysturnar góðu Serenu og Venus? Þær eru nú heilbrigðar íþróttakonur með góða rassa. Eins Jennifer Lopez, Beyoncé og Tyra Banks. Endemis vitleysa! Ekki vissi ég samt að svona mikið væri spáð í verðlaunaafhendingaliðið. Alltaf lærir maður eitthvað nýtt