ÞVOTTAHÚSBLOGG

Þegar ég fór í þvottahúsið í kvöld komst ég ekki inn í þvottavélina til að bjarga sjálfri mér frá dýralífinu ógurlega þar í neðra.  Þar var köttur fyrir sem hafði verið á rottuveiðum en vegna fjölda allskyns kvikinda varð hann svo hræddur að hann hentist inn í vélina.  Ég hitti ekki nokkurn lifandi mann í þvottahúsinu að þessu sinni nema konuna sem er á móti því að ég "koggi" og finnst ég í meira lagi athyglissjúk.  Hún strunsaði fram hjá mér og vísaði öll uppávið og nefið var eins og eldflaug í skotstöðu, svei mér þá.  Ég náði að þvo og þurrka minn þvott án mikilla raskana af völdum dýralífsins í þvottahúsinu.  Þar voru nefnilega engar köngulær.  Eðlurnar voru þrjár, tvær grænar og 1 í burberry.  2 beltisdýr sá ég grá að lit, 1 órangútan af óræðum farva og að lokum barði ég augum 4 rottur allar mjög fallegar á feldinn, sem var grár með svona kúkabrúnu ívafi.  Mig grunar að rotturnar hafi verið náskyldar.

Ég er með barnalabbrabb um hálsinn núna ef vera skyldi að ég kæmist ekki upp úr þvottahúsinu.   Húsbandið  "mónitorar" öll mín hljóð á meðan ég þvæ.  Svo heimilislegt og öruggt eitthvað.

Gúddnætgæs!

Athugasemdir

[Hrönn Sigurðardóttir, 8.6.2007 kl. 01:10]

vona að kötturinn sé sæmilega hreinn....

 Alveg finnst mér frábær þessi þvottahúskogg hjá þér

[Guðríður Hrefna Haraldsdóttir, 8.6.2007 kl. 01:51]

Vona að þú koggir sem oftast um dýralífið í þvottahúsinu. Það virðist vera mjög fjölbreytilegt. Kannski þú takir með þér soðinn fisk og rjómalögg næst fyrir kisa, það er ábyggilega honum að þakka að engar kóngulær voru sjáanlegar ...

Hefur húsbandinu aldrei dottið í hug að sjá um þvottana ...eða er hann kannski uppi að bóna og skrúbba á meðan? Bara hugmynd, vona að hann drepi mig ekki.

[Jenný Anna Baldursdóttir, 8.6.2007 kl. 02:13]

Húsbandið er með meirapróf á þvottavél Gurrí mín, en mér finnst hans svo lítið vandvirkur í flokkuninni.  Hef hann grunaðan um að vilja láta mig trúa að hann sé beinlínis LITBLINDUR.  Maðurinn er samt ekki hálfviti og hefur þann starfa með höndum að brjóta saman og bera upp úr þvottahúsinu.  En ekki segja frá því það eyðileggur fyrir mér þvottahúskoggið.

Köttur var hreint viðbjóðslega hreinn Hrönnsla mín, hehe

[Laufey Ólafsdóttir, 8.6.2007 kl. 03:08]

úff, ég þarf að fara í þvottahúsið að taka úr vélinni. Ég þori ekki. Er bæði myrkfælin og ímyndunarveik. Þú gafst mér hugmynd. Er að spá í að taka með mér kisu Bless á meðan! 

[Birna Dis Vilbertsdóttir (IP-tala skráð) 8.6.2007 kl. 09:24]

Gott að þú ert með öryggis-hjálpar-búnað með þér þegar þú ferð í "lífshættulegar"ferðir  með þvottinn þinn í dýraland. Ekki vill ég að þú verðir fyrir árás dýrana og hættir að "kogga". Ég bý við það að hafa sameiginlegt þvottahús en það er öðruvísi fjör hjá mér. Helsta vandamálið hjá mér er að einn íbúinn í "sambýlinu"hætti að reykja. Heldur maðurinn hennar. Og við það breyttist þvottahúsið í reykherbergi. Ég kvartaði yfir reykingum yfir blautum, hreinum velliktandi þvottinum mínum og uppskar að falla í ónáð. Enn er þvottahúsið notað sem smókur og bílageymslan hefur bæst við.

[Anna Einarsdóttir, 8.6.2007 kl. 14:21]

Þú ert skemmtilega stríðin.   Frökenin verður örugglega komin í stellinguna "brú" næst þegar þú hittir hana.