AÐ SKILJA SKILNAÐI - EINHVER??

Ég er alveg hætt að botna í þessum rosalega skilnaðarfjölda á Íslandi.  Nú er í tísku að halda "konungleg" brúðkaup sem kosta hvítuna úr augunum á fólki og skilnaðum fjölgar að sama skapi og sambúðarslitum reyndar líka.  Árið 2006 skildu 498 hjón að lögum og 577 pör slitu sambúð.  Alls voru börn úr sambúðarslitum 1162 talsins. 

Að baki hverjum skilnaði liggur mis mikil hörmung og börnin eru oft mestu þolendur sambúðaslita.  Þarf fólk ekki að vanda sig ögn betur?

Auðvitað er það gott mál að fólk hangir ekki lengur saman vegna barna, fjármála og annara veraldlegra ástæðna.  Það viðgekkst allt of lengi.  En ansi þykir mér þetta há tala.  Væri ekki ráð að bíða öll lengur, a.m.k. með að gifta sig? 

Nú flæða sem sagt út á "markaðinn" yfir þúsund manneskjur (OMG) og hringdansinn hefst að nýju.

498 hjón skildu og 577 pör slitu sambúð á síðasta ári

Athugasemdir

[Hrönn Sigurðardóttir, 6.6.2007 kl. 15:57]

Gott fyrir einhleypa að fá allt þetta fólk út á markaðinn

hehehe

kveðja Pollýanna

[Guðríður Hrefna Haraldsdóttir, 6.6.2007 kl. 16:06]

Ég er farin aftur í bæinn og nú á strákaveiðar ... múahahahhaha!

Svona í alvöru, þetta eru svakalegar tölur! Ekki hefði ég trúað þessu!

[Laufey Ólafsdóttir, 7.6.2007 kl. 01:39]

Uss, tek ekki þátt í þessu rugli .

Kveðja, Atvinnueinhleypingur. 

[Jenný Anna Baldursdóttir, 7.6.2007 kl. 02:13]

Vá Laufey myndirðu missa vinnuna ef þú yrðir tvö?