KATRÍN BARA FLOTTUST!

Rosalega er ég stolt yfir henni Katrínu okkar Vinstri-grænna.  Það var hrein unun að horfa á hana í ræðustól í kvöld.  Steingrímur var auðvitað flottur eins og alltaf en Katrín, glæný á þingi, talaði eins og hún hefði aldrei verið annars staðar en í ræðustól Alþingis.  Það er æðislegt að hafa svona konu eins og Katrínu (að öllum öðrum ólöstuðum) í framvarðarsveit flokksins.

Burtséð frá því hversu klár og skemmtileg Katrín er þá er hún svo skemmtilega "öðruvísi" á löggjafarsamkundunni.  Hún klæðir sig greinilega án tillits til hallærislegra hefða og ég er viss um að hún verður aldrei leiðitamur og litlaus Alþingismaður frekar en aðrir meðlimir Vinstri-grænna.

Óje hvað ég er stolt af stelpunni.

Athugasemdir

[Hrönn Sigurðardóttir, 31.5.2007 kl. 22:00]

Katrín er flott!

[Hlynur Hallsson, 31.5.2007 kl. 22:16]

3-0 fyrir VG! Bestu kveðjur,

[María Kristjánsdóttir, 31.5.2007 kl. 22:55]

sammála.

[Heiða Þórðar, 31.5.2007 kl. 23:11]

sammála - sammála - sammála. Jafnvel þó ég hafi ekki kosið hana. (kaus að vísu ekki.... en þú hefur nokkur árin í að sannfæra mig elskan) Ungum konum góð fyrirmynd.

[Anna Ólafsdóttir Björnsson, 31.5.2007 kl. 23:17]

Mikið óskaplega er gott að fá þessar kjarnakonur, Katrínu og Guðfríði Lilju, inn þennan sterka hóp sem þinglið Vinstri grænna er.

[Ásdís Sigurðardóttir, 1.6.2007 kl. 00:10]

Sá ekkert af þessu en trúi ykkur vel. Kveðja

[halkatla, 1.6.2007 kl. 00:14]

ummm hún er svo mikið í uppáhaldi að ég get ekkert sagt, ég er orðlaus yfir því hvað hún er æðisleg stórkostlega gáfuð og geislandi manneskja sem ólgar af skemmtilegheitum -jei mér tókst að segja eitthvað

[halkatla, 1.6.2007 kl. 00:16]

ég er brjálaður aðdáandi þegar þinglið vinstri grænna er annars vegar, ég gleymdi að segja að mér finnst þau öll æðisleg og Guðfríður Lilja er svo góð, hún kemur með þessa rósemd og kærleik sem alþingi þarf svo mjög á að halda, og heiðarleika, gáfur og baráttuanda. Jiminn bara hvað þau eru hæfileikarík

[Jenný Anna Baldursdóttir, 1.6.2007 kl. 00:18]

Ögmundur var í leyfi af persónulegum ástæðum.  Þess vegna var Guðfríður Lilja á þingi í dag.

Þær eru flottar stelpurnar, allar með tölu.  Álfheiður er líka mikill töffari.  Flottustu stelpurnar í pólitíkinn hjá VG

[Anna Ólafsdóttir (anno) (IP-tala skráð) 1.6.2007 kl. 03:21]

Katrín var frábær og svo var hún svo málefnanleg. Og Guðfríður Lilja var ekki síðri. Vona að þú fyrirgefir mér nafna að ég agnúist út í formanninn þinn em ég var EKKI hrifin af Steingrími í kvöld, fannst alveg fáranlegt af honum að eyða nánst öllum ræðutímanum í Samfylkinguna nema einhverjum tveimur málsgreinum í lokin.

[Laufey Ólafsdóttir, 1.6.2007 kl. 07:11]

Ég missti af þessu en ég trúi ykkur alveg. Er mjög hrifin af Katrínu. Mér finnst við hafa fengið marga góða þingmenn inn í þessum kosningum og fagna því þótt mér finnist hitt og annað um fyrirkomulagið... önnur saga.

[Birgitta Jónsdóttir, 1.6.2007 kl. 07:36]

Þetta eru allt eðal konur og eiga eftir að gera frábæra hluti fyrir land og þjóð:) Held að á sumarþingi séu 3 VG karlar og 6 VG konur. Geri aðrir betur:)

[Heiða B. Heiðars, 1.6.2007 kl. 11:05]

Katrín er kjarnorkukona. Frábær fulltrúi kvenna og yngra fólk í íslenskri pólitík.