HVAÐ ER ÞETTA "ÞAÐ"??

Einu sinni enn hef ég fallið í stafi yfir dásamlegri hnyttni, gífurlegri máltilfinningu og þýðingarhæfileikum sumarstarfsmannsins sem vinnur við stjörnuspána á Mogganum.  Þessi sumarafleysingamaður er svo skemmtilegur að ég er farin að lesa spána reglulega, hvað ég aldrei gerði áður.  Í dag (þ.e. mánudag) hljóðaði spáin fyrir steingeitina svona:

"Þú ert til staðar fyrir aðra. Þeir segjast ekki geta framkvæmt "það" án þín, en þér er kannski meira sama um "það" en þeim. Vertu því til staðar fyrir sjálfan þig."

Nú þegar ég stefni í að fara að halla mér bráðum þ.e. ef mér tekst að halda gleði minni yfir þessum djúpu spádómsorðum í skefjum og til að geta sofnað langar mig svo að vita hvað "ÞAÐ" er. 

Einhver???

P.s. Ég set ykkur inn í veisluhöld og gestagang dagsins fljótlega en nú ætla ég blogghringinn og fara svo að halla mér.  Er búin á því eftir skemmtilegan dag.

Gúddnætgæs!

Athugasemdir

[Anna Ólafsdóttir (anno) (IP-tala skráð) 29.5.2007 kl. 01:35]

ÞAРer líklega ÞAÐ sem þú vilt að ÞAÐ sé, það er allavega ekki mjög leiðinlegt að fá bara að ráða  

[Jenný Anna Baldursdóttir, 29.5.2007 kl. 02:10]

Nei, nei, nei Guð forði mér frá að taka ábyrgð á eigin lífi.  Sumarstarfsmaðurinn á að gefa mér þetta inn með skeið

[Laufey Ólafsdóttir, 29.5.2007 kl. 06:16]

Beinar þýðingar eru yndislegar!
 Ég sé þetta fyrir mér! - You are there for others. They say they can't make it without you but you care less for that than they do. Be there for yourself.

Hvað á þetta annars að þýða? Áttu bara að hugsa um sjálfa þig og hunsa aðra? Fallegur boðskapur þar á ferð! Ekki örvænta Jenný mín, bara anda sig í gegnum vikuna. Svo kemur önnur spá... sem er kannski áhyggjuefni útaffyrir sig!

[Jenný Anna Baldursdóttir, 29.5.2007 kl. 08:17]

Laufey þarna hittir þú naglan á höfuðið.  Sem betur fer tek ég ekki mark á stjörnuspám blaðanna en mér finnst þetta hreint ótrúlega fyndið.  Ég hyperventilera út vikuna.