SUMARAFLEYSINGAFÓLK ARG...

Þau eru mætt, litlu skrímslin, sumarafleysingafólkið ógurlega sem situr fyrir manni hvert sem maður fer og hvert sem maður hringir.  Þau eru ákveðin í að hindra framgang allra útréttinga.  Þau fóru á námskeið hjá Mannfyrirlitningafélaginu um hvernig mætti klúðra algjörlega öllu sem þau koma nálægt.  Sumarafleysingafólkið tekur hlutverk sitt alvarlega.  Það er komið til að fokka þér upp.

Með hverjum deginum sem líður eykst fjöldi sumarafleysinga fólks í hverjum krók og kima.  Allt gengur svo seint og illa fyrir sig.  Í dag hringdi ég í banka.  Þar var afleysing á síma.  Hvernig veit ég það?  Júbb ég beið í korter eftir Ingibjörgu Halldórsdóttur, þjónustufulltrúa og fékk að tala við Arndísi, sem kannaðist ekki við IH og gat EKKI hjálpað mér og bað mig að hringja aftur, það væri afleysing á símanum og hún héldi að IH þessi væri mögulega uppi á næstu hæð, var samt ekki viss, vars sko líka afleysing.  Ég reyndi aftur og aftur og einum og hálfum tíma síðar var búið að loka bankanum og ég búin að naga neglur upp að olnboga.  Arg...

Það sama er í gangi hér á Mogganum.  Hér er barn sem þýðir stjörnuspár úr ensku og skrifar íslenskustíla með slælegum árangri. Arg..

Í fyrra sumar beið ég eftir samtali við lækni á Heilsugæslunni.  Sú á símanum var afleysingamanneskja og hafði stillt símann á fundarherbergið!!! Hún fattaði mistökin þegar læknirinn var farinn heim.  Arg...

Annars er þessi pirringur mest í nösunum á mér en ég verð að segja að það hægist all verulega á allri þjónustu þegar nýtt fólk kemur inn.  Skiljanlega.  Stundum er maður bara ekki í stemmara fyrir umburðarlyndi.

Gúddnætgæs!

Athugasemdir

[Jenný Anna Baldursdóttir, 23.5.2007 kl. 01:26]

Hehe Keli minn við verðum að halda kúlinu!

[Ester Sveinbjarnardóttir, 23.5.2007 kl. 03:17]

mikið til í þessu. 

[Hrönn Sigurðardóttir, 23.5.2007 kl. 07:43]

Þau eru nú kölluð "vorboðinn ljúfi" í minni sveit -  agalega illa alnir upp vorboðar í þinni sveit......

[Laufey Ólafsdóttir, 23.5.2007 kl. 09:52]

Ó hvað ég kannast við þetta! Þetta er fyndið á kaldan hátt til frásagna en glatað að lenda í þegar maður þerf einhverju reddað strax!  

[Agnes Drífa Pálsdóttir , 23.5.2007 kl. 10:58]

Tholinmaedin thrautir vinnur allar. Eg er gudslifandi fegin ad fa afleysingu i sumar thannig ad madur fai nu einhvern timan sumarfri. Thessi vetur er buinn ad vera langur og strangur og ekkert er betra en ad kupla sig adeins ut ur thessari hringavitleysu.

Vid getum huggad okkur vid ad thetta er bara 3 manudir a ari af 12 og madur verdur bar ad vera undirbuinn.

p.s. afsakid thessa sms skrift. eg er ad nota erlendt lyklabord

[Jóna Á. Gísladóttir, 23.5.2007 kl. 11:31]

skemmti mér yfir þessu.  Þá er tilgangnum náð.

[Jenný Anna Baldursdóttir, 23.5.2007 kl. 11:39]

Hehe þetta var nú meira svona til gamans gert, but my children you got the point.

[Ósk Sigurðardóttir, 23.5.2007 kl. 14:00]

Já,  skil þig vel. En er farin að halda að  þjónustulund sé eitthvað sem óvenju fáir virðast vita hvað er og hafa - Ekki bara hjá sumarafleysingarfólki. Hvað segirðu um það? 

[Jenný Anna Baldursdóttir, 23.5.2007 kl. 14:15]

Auðvitað er þetta útbreiddur ósiður.  Sumarafleysingafólk er eins misjafnt og það er margt en óneitanlega hægist á allri þjónustu þegar margir óvanir eru við störf. Hehe