ÖRYRKJABANDALAG KÆRIR..

 

..auglýsingastofuna "Himin og haf" til siðanefndar Sambands íslenskra auglýsingastofa vegna auglýsingarinnar frá Öryggismiðstöð Íslands þar sem Lalli Johns er í aðalhlutverki.  Niðurlag kærubréfsins inniheldur meðal  annars þetta:

 „Lalli Johns er þekktur á Íslandi sem heimilislaus maður og er að vissu leyti holdgervingur þess þjóðfélagshóps. Öryrkjabandalag Íslands telur að með framangreindri auglýsingarherferð sé ekki eingöngu alið á ótta almennings gagnvart Lalla Johns heldur gagnvart öllu heimilislausu fólki. Margir heimilislausir einstaklingar eru öryrkjar og því telur Öryrkjabandalag Íslands sér skylt að gæta hagsmuna þeirra þegar að þeim er vegið.”

Þetta er hið besta mál enda vel flestir sammála um að þarna er verið að nýta sér neyð annara í hagnaðarskyni.  Réttlætingar Öryggismiðstöðvarinnar eru svo aumkunarverðar ef út í það er farið, þegar þeir halda því fram að þetta sé gert í forvarnarskyni.  Halló, halló!  Eru þeir að reyna að minnka viðskiptin og auka forvarnir?  Er það markmið fyrirtækisins að leggja sjálft sig niður sem fyrst?  Ef svo er þá er Lalli Johns magnaðri en ég hélt og er hann nú enginn aukvisi drengurinn.

Öryrkjabandalagið kærir auglýsingar með Lalla Johns

Athugasemdir

[Ásdís Sigurðardóttir, 22.5.2007 kl. 14:08]

Lalli sat inni þegar auglýsingarnar voru gerðar. Mér skilst að þeir hafi smiglað sér inn með vélarnar á fölskum forsendum.

[Jenný Anna Baldursdóttir, 22.5.2007 kl. 14:20]

já ég var eimitt svo hissa þegar ég heyrði að hann hafi verið á Hrauninu og auglýsingarnar gerðar þar.  Meiri viðbjóðurinn.

[Birna Dis Vilbertsdóttir (IP-tala skráð) 22.5.2007 kl. 14:31]

Gott mál að kæra þessar auglýsingar.

[Björn Jónasson (IP-tala skráð) 22.5.2007 kl. 15:09]

Ég kem ekki til með að versla við Öryggismiðstöðina, vonandi láta fleiri það ógert. 

[Jenný Anna Baldursdóttir, 22.5.2007 kl. 15:26]

Það er víst alveg á hreinu Björn!