FLOTT HJÁ SOLLU!!

Þetta eru heldur betur góðar fréttir.  ISG segist gera ráð fyrir að skipting kynja verði jöfn í þeim ráðherraembættum sem koma í hlut flokksins í væntanlegri ríkisstjórn.  Nú er bara að vona að sama sé upp á teningnum hjá íhaldinu.  Það er bara stórkostlegt ef við fengum jafnréttisstjórn eftir allt saman.  ISG segir að búið sé að skipta ráðherraembættunum á milli flokkana.

Það er samt ömurlegt hversu fáar konur eru á Alþingi.  Eðlilegast væri í nútímanum að hlutur kvenna væri að aukast í hverjum kosningum.  Það verður einhvern veginn að fara að finna á þessu lausn.

Flott hjá Sollu!

 

 

Ingibjörg Sólrún: Skipting kynja í ráðherraembættum jöfn

Athugasemdir

[Alex (IP-tala skráð) 22.5.2007 kl. 13:24]

Langar bara að minna þig á að af 6 ráðherrum framsóknar voru 3 kvennkyns. Af 12 þingmönnum voru 6 kvennkyns.

Þannig að jafnréttis stjórnin sem þú tala um hlýtur þá að vera með Framsókn....

[kristinn (IP-tala skráð) 22.5.2007 kl. 13:28]

Það er framboð og eftirspurn sem ræður því hvernig kynjahlutföllunum er háttað á þingi. Það er næg eftirspurn eftir konum, í það minnsta í samfélagsumræðunni í dag. En það er ekki nægt framboð af konum í þingflokkana og á þing. Það sér það hver heilvita maður/kona að ef það væri nægt framboð væru hlutföllin önnur.

Lausnin er því fólgin í auknu framboði kvenna til Alþingis en ekki sérlausnum þar sem valdar eru konur úr þröngum hópi til að jafna út hlutföllin í forystunni. Fleiri konur í grasrótina takk!

[Jenný Anna Baldursdóttir, 22.5.2007 kl. 13:51]

Auðvitað vantar fleiri konur í grasrótina.  Við erum ekki að tala um það.  Vandamálið er þessi hefðbundna mismunun sem alls staðar sýnir sig í þjóðfélaginu.  Mismunurinn sést tam í launamun kynjanna, í stjórnum fyrirtækja, í stjórnunarstöðum og áfram og áfram og áfram...

Alex Framsóknarflokkurinn stóð sig vel í þessu og ég hefði gjarnan viljað sjá vinstri stjórn.  Reyndar dreymdi mig um hana.

[Anna Einarsdóttir, 22.5.2007 kl. 17:00]

Það er auðvitað margt sem spilar inn í það af hverju konur gefa ekki kost á sér í þetta.   Ekki myndi ég t.d. vilja vera þingkona á Íslandi í dag - eftir að hafa horft á vægðarlausar atlögur að Ingibjörgu Sólrúnu fyrir þessar kosningar.  Það þarf meira en sterk bein til að vilja standa í þessum leiðindum.  En svona bregðast menn undarlega við þegar sterkur pólitíkus af kvenkyni skýtur upp kollinum.

Já Jenný, flott hjá henni og kemur mér ekki á óvart.