ÞAÐ ER EKKI MOGGANUM AÐ KENNA..

..hið almenna fréttamat vestrænna fjölmiðla en þeir mættu kannski fara að íhuga málið.  Ég vaknaði eftir ljúfan svefn (hefð verið betra fyrir litteratúr heimsins ef ég hefði vaknað af martröð) og fór beint í Moggann.  Kona reynir að sofa ekki yfir sig á fréttavaktinni.  Forvitnin er sjúklegt ástand í tilfelli þessarar konu.  Mogginn tekinn, á innsoginu, flett, flett, andanum náð og meira flett, flett (flettið er í netískum skilningi auðvitað) og þetta blasti við mér:

• Sex létu lífið í sprengingu í Perú
• Jose Ramos-Horta sór embættiseið
• Íbúar Caracas mótmæla lokun sjónvarpsstöðvar
• 40 slösuðust þegar eldur kom upp í hringekju
• Þrír fórust í umferðarslysi í Danmörku
• Ísralesher drap þrjá Hamasliða
• Mannfall í átökum líbanska hersins við öfgamenn
• Yfir 30 uppreisnarmenn felldir í Afganistan
• Rúmenar halda tryggð við forsetann

Hér er, eins og glöggt má sjá er jákvæðustu fréttirnar hjá Mogganum í erlendu deildinni í dag, mótmæli íbúa Caracas vegna lokunar á sjónvarpsstöð og að Jose Ramos-Horta hafi svarið embættiseið en það er eins og allir vita ákaflega umdeilanlegur harmur.   Úff ég ætla ekki að tékka nánar á þessum fréttum og komast síðan að því að einhverjir hafi verið drepnir eða lemstraðir við tækifærin.  Ekki misskilja mig ég vill veg sannleikans sem mestan en fyrr má nú aldeilis fyrr vera.  Ég ætla að lifa lengi enn og til þess að það geti gerst stóráfallalaust verð ég sennilega að fara á geðlyf.  Svona til að auka Seretoníið í heilanum, annars arka ég hreinlega yfir móðuna miklu einn daginn.

Úpps, hæ krakkar og góðan daginn!  Er nokkuð fréttnæmt að gerast í lífi ykkar, enginn alvarlega slasaður eða sollis?

P.s. sá að neðsti linkurinn er um að rúmenar haldi tryggð við forsetann.  Sorrý sá það ekki, heilinn alveg mengaður af neikvæðni.  Mogginn - 5 points!

Athugasemdir

[Jóna Á. Gísladóttir, 20.5.2007 kl. 13:07]

Góðan daginn Jenný mín. Átti bara þó nokkur ólesin blogg hjá þér. Þú ert ótrúlega afkastamikil og hefur alltaf eitthvað skemmtilegt að segja. Svo ég las bara síðustu færslurnar þínar í stað Moggans, yfir kaffibollanum mínum. Takk fyrir mig.

[Jenný Anna Baldursdóttir, 20.5.2007 kl. 16:11]

Takk sömuleiðis Jóna mín og gott að voffi kom í leitirnar.