Kerlingabók

Laugardagur, 19. maí 2007

BONNY ER FUNDIN - LOKSINS!

Lögreglan í Glostrup í Danmörku nappaði konu á áttræðisaldri við að selja hass. Þarna mun vera komin Bonny hin ógurlega að drýgja tekjurnar eftir að hafa sloppið frá lögreglunni hérna um árið. Bonny beibí heldur sér vel þrátt fyrir háan aldur og lögreglan hefur ekki hugmynd um að þarna er þessi alræmda kona á ferðinni.

Nebb bölvuð vitleysa er þetta. En þarna er sum sé eldri dama í fíkniefnabransanum að drýgja tekjurnar með hassölu. Þetta sýnir nú bara fram á að það er hægt að vera glæpsamlega hneigður langt fram á grafarbakka. Konunni var sleppt þar sem hún hafði ekki komið við sögu lögreglunnar áður. Sagði ég ekki? Er ekki stórhættulegt að hafa ellilífeyrinn svona lágan? Það kallar á vandræði get ég sagt ykkur.

Góðan daginn annars.

	76 ára kona seldi hass
Ábyrgðarmaður færslu Tilkynna um óviðeigandi tengingu við frétt

Meginflokkur: Bloggar | Aukaflokkar: Dægurmál, Ferðalög, Kvikmyndir, Lífstíll, Stjórnmál og samfélag, Trúmál og siðferði, Vísindi og fræði | Facebook

Athugasemdir

Það er ljótt ef þetta er það sem koma skal, kannski verðum við í hasssölu uppúr sjötugu.

Ásdís Sigurðardóttir, 19.5.2007 kl. 11:03

Já eða að selja brennivín á svörtum markaði. Frruuuuussss

Jenný Anna Baldursdóttir, 19.5.2007 kl. 11:04

Þetta er náttúrlega eina skattfrjálsa tekjulindin sem ekki skerðir aðrar bætur. Kona verður að bjarga sér!

Laufey Ólafsdóttir, 19.5.2007 kl. 11:13

Já vonandi seldi hún fólki yfir lögaldri. Ætli hún hafi ræktað þetta sjálf ?

Ásthildur Cesil Þórðardóttir, 19.5.2007 kl. 11:57

Hún er með græna fingur eins og sumir hérna fyrir ofan mig muhahahaha

Ragnheiður , 19.5.2007 kl. 12:00

Þegar ég les um svona minnist ég alltaf yndislegrar senu í kvikmyndinni Saving Grace þegar tvær kerlur í þorpsbúðinni komust í hassið sem Grace ræktaði. Atriðið jafnast á við skyggnilýsinguna í Með allt á hreinu og þá er mikið sagt.

Steingerður Steinarsdóttir, 19.5.2007 kl. 18:06

Ætli kella hafi ekki bara ræktað hassið heima í stofunni eins og svo margir aðrir danir. En hún hefur þarna væntanlega verið að auka tekjurnar blessunin - ellilífeyrinn dugir nú varla fyrir neinu í dag. Þó er staðan nú betri í DK heldur en á Íslandi. Hvað ætli ellilífeyrisþegar á frónni gætu gert?

Ósk Sigurðardóttir, 20.5.2007 kl. 11:14

Ósk mín þeir gætu lagt í (heitir það ekki að brugga?) Guð skal vita að þeir eru ekki ofaldir margir eldri borgarar.

Jenný Anna Baldursdóttir, 20.5.2007 kl. 14:09

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jenný Anna Baldursdóttir

Bara eins og ég kem fyrir af skepnunni. Er með róttæka vinstri slagsíðu, með fagurgrænu ívafi ásamt femínískum töktum þegar við á. Ég bít ekki. Eða bít ég? Það fer tvennum sögum af því.

jennfo.baldursdttir@gmail.com