NEI HEYRÐU MIG SOLLA!

Ingibjörg Sólrún Gísladóttir, formaður Samfylkingarinnar, sagði í Kastljósi Sjónvarpsins í kvöld, að ljóst hafi legið fyrir, að Vinstrihreyfingunni-grænu framboði hugnaðist ekki að reyna að mynda vinstristjórn með Framsóknarflokknum.  Mér finnst þetta "vinarbragð" ISG gagnvart VG ekki par jólalegt það verð ég að segja.  Það hefur verið dagsljóst og marg oft komið fram að VG hafa ekki útilokað nokkurn kost.  Ef SF þarf að sættast við tilhugsunina að fara í stjórn með Sjálfstæðisflokknum er vænlegast til árangurs að taka bara ábyrgð á því án þess að benda á sökudólga.  Svei mér þá er engu að treysta lengur?

 

 

Athugasemdir

[Anna Ólafsdóttir (anno) (IP-tala skráð) 17.5.2007 kl. 20:57]

Já, en nafna, af hverju sagðist Steingrímur þá bara vera tilbúinn að SKOÐA ÞAÐ þegar Simmi spurði hann um stjórnarmyndun S V og B? Þá fannst mér, eins og þér, engu að treysta lengur - eða þannig

[Jenný Anna Baldursdóttir, 17.5.2007 kl. 21:04]

Sennilega vegna þess að það er nákvæmlega það sem hann er til í að gera.  Hann sagði jafnframt líka að það yrði erfitt að fara í samstarf með Framsókn.  Það hefur hann líka sagt að það yrði með Sjálfstæðisflokk.

Ekki misskilja mig mér finnst yndislegt að stjórnin skuli farin frá og alveg ágætt að nokkurnskonar félagshyggja komist að í stjórnarsáttmálanum.  Það breytir ekki því að það á ekki að gera VG ábyrga fyrir því að vinstri stjórn er blásin af. 

[Anna Ólafsdóttir Björnsson, 17.5.2007 kl. 21:07]

Ég var sammála Steingrími að fara varlega í að reyna samstarf við Framsókn en það var alltaf á hreinu að hann var til í hvaða útfærslu vinstri stjórnar sem vænleg væri, jafnvel með Framsókn, ef ákveðin mál yrðu leyst. Held líka að þetta sé bara fyrirsláttur og þessi stjórn hafi verið í bígerð mun lengur en við vitum, þetta er skoðun sem ég hef verið að komast á eftir því sem deginum í dag hefur fram undið, og ég er mjög hugsandi og óhress með það. Sé allt í einu viðbrögð við öllum ummælum, m.a. hjá Steingrími J. í þessu samhengi. 

[Jenný Anna Baldursdóttir, 17.5.2007 kl. 21:09]

Nákvæmlega Anna og ég er ferlega döpur og þá er ég ekki að grínast.

Svampur: Þú ert svo ferlega djúpur esskan.

[Ragnheiður , 17.5.2007 kl. 21:13]

Þetta lið verður allt langt fram á haust að tína hnífapörin úr bakinu á sér...það eru allir að hnýta í alla þessa dagana. Ég get ekki borið mikla virðingu fyrir ISG og hef ekki gert það í mörg ár vegna einmitt misheimskulegra ummæla í gegnum tíðina. Ég var 100% Össurar megin þegar það allt fór af stað.

[Anna Ólafsdóttir (anno) (IP-tala skráð) 17.5.2007 kl. 21:20]

lovjútú - uppáhaldsbloggvinkona 

[Ester Júlía, 17.5.2007 kl. 22:41]

Knús á þig

[Gísli Bergsveinn Ívarsson, 17.5.2007 kl. 23:32]

ISG er ekki heiðarleg og kemur það berlega í ljós núna.  Man einhver eftir því hvað hún sagði fyrir kosningarnar?  Ætlaði hún ekki að mynda ríkisstjórn með stjórnarandstöðunni?

[Anna Einarsdóttir, 18.5.2007 kl. 00:12]

Rökstyddu það Gísli, hvernig þú getur fullyrt að hún sé ekki heiðarleg ? 

Og segðu mér svo að Árni og Björn séu heiðarlegir.   Æjæ, hvað ég er orðin þreytt á þessu ómálefnalega skítkasti út í Ingibjörgu.

[Jenný Anna Baldursdóttir, 18.5.2007 kl. 00:25]

Ég er ekki með neitt skítkast út í hana Sollu Anna.  Mér fannst þetta bara algjör óþarfi að kasta þessu fram.

Ég myndi síst af öllu Gísli halda því fram að ISG sé óheiðarleg því það hefur hún aldrei verið.

[Ásdís Sigurðardóttir, 18.5.2007 kl. 00:27]

Segi bara að ég hlakka til að fá nýja stjórn, hef haldið því fram um tíma að það verði D og VG sjáum til, knús til ykkar Jennýjar

[Haukur Kristinsson, 18.5.2007 kl. 00:29]

það var ekkert annað í stöðunni en að fara með sjöllum í stjórn, nema að leyfa vinstri grænum að komast að kötlunum, stjórnin hélt velli svo eitthvað varð að gera, nema samfó ætlaði að gapa í stjórnarandstöðu

[Anna Einarsdóttir, 18.5.2007 kl. 00:30]

Jenný mín...... þetta var bara til hans, sem og annarra karlpunga sem tala á sama hátt.  Allt í lagi að vera með málefnalega gagnrýni en skítkast er bara þeim er kastar til vansa.

[Svala Jónsdóttir, 18.5.2007 kl. 11:02]

Er það ekki nokkuð ljóst að ef Steingrímur stefndi í raun á vinstri stjórn með Framsókn, þá hefði hann ekki verið með áframhaldandi pillur og árásir á Framsókn eftir kosningar? Hver var tilgangurinn með þeim hnútuköstum annar en að koma í veg fyrir slíka stjórn?

Svo er það skrumskæling að segja að Ingibjörg Sólrún hafi verið eitthvað óheiðarleg. Vissulega ætlaði hún að mynda ríkisstjórn með stjórnarandstöðunni. Stjórnarandstaðan náði hins vegar EKKI meirihluta. Svo einfalt er það.