EIRÍKU TAPAR Í JÚRÓ..

..er ég viss um.  Og ykkur sem finnst ég vera neikvæð, róleg á bensíninu.  Það er mjög hentugt ef Eiki kemst ekki áfram í úrslitin.  Hver vill vera að glápa á Júróvisjón á kjördag?  Það er ekki lítið skemmtilegt að horfa á kosningasjónvarpið.

Ég veit við töpum frekar stórt.  Tapeinkennin eru farin að sýna sig.  Blaðamannafundurinn í gær var týpiskur fyrir okkur og Júró.  Eiríkur var fyndinn og skemmtilegur og allir hlógu og allt var svo æðislegt.  Ekki eins og við höfum ekki séð það áður.  Í fyrra vissi hver kjaftur hver Silvía var og hvernig fór fyrir henni?  Ég man ekki betur en að velflestir keppendur frá Íslandi hafi notið mikillar athygli sko fyrir keppni.  Hm... Í morgun las ég í Mogganum frétt sem fjallaði um gífurlegar vinsældir Eiríks í Helsinki! Gott fólk það er "bad luck" að láta svona.  Ég veit að við skíttöpum.  Við ættum að gefa þetta núna á þessu stigi málsins og losna við óþarfa spennu.  Við höfum alla þá spennu sem við þurfum á að halda hér heima og látum það vera nóg.  Æi leiðinlegt að svona skuli fara samt (hehe).

Þar fyrir utan er þýska lagið flott og það sænska typiskt Júróvisjón og Svíþjóð alltaf verið smá duglegt við að vinna.

Síjúgæs

Athugasemdir

[Ester Júlía, 7.5.2007 kl. 16:33]

Hver nennir að horfa á kostningasjónvarpið þegar söngvakeppnin er?  ...hehe..nei svona i alvöru þá held ég auðvitað með Eika. Ef hann kemst ekki áfram á laugardaginn ..þá held ég með Svíjum, það er svo gaman að halda með Svíjunum, eru yfirleitt ofarlega og  því getur maður sett sig í keppnisgírinn.  Og lagið þeirra er frábært í ár.  Eina lagið í keppninni í ár sem ég gæti sungið hér og nú ( man það ) Annars er ég i prófi nk. mánudag og ekkert víst að ég nenni að horfa á kostningasjónvarp né söngvakeppnina

[Anna Ólafsdóttir (anno) (IP-tala skráð) 7.5.2007 kl. 17:03]

Nú er mín doldið sár  Bloggvinkonan mín farin að tala niður hvorki meira en ástríðuna mína, hana Júróvisjón  Sko ef við konur ætlum að viðhalda multi-task yfirburðum okkar þá er ekki seinna vænna en fara að þjálfa sig fyrir laugardagskvöldið. Það er stilling á flestum af þessum sjónvarpsgræjum sem kallast mósaik þar sem hægt er að sjá allar stöðvar í einu á sjónvarpsskjánum. Fínt að nota það til að æfa sig á því fyrir laugardaginn í. Koma so!

[Ragnheiður , 7.5.2007 kl. 17:05]

Vil ekkert bankareikning Dúu en mér finnst gaman að horfa á júró með öðru auganu...veit nú ekki nema ég verði að vinna snemma næsta morgun á eftir þannig að ég get ekki horft lengi á kosningatv.

[Jenný Anna Baldursdóttir, 7.5.2007 kl. 17:09]

Hehe vissi að ég myndi slá í hjartað á einhverjum (Anna mín er bara að djóka) en ég er viss um að Eiríkur fer ekki upp úr undankeppninni

[Jenný Anna Baldursdóttir, 7.5.2007 kl. 17:10]

Dúa hvað er að þér?  Nú er öllu dæminu eytt!  Hvað ætlarðu að gera á morgun þegar blogglöngunin yfirtekur skynsemina?  Æi ég er búin að senda reiknisnúmerið á alla 4000 og eitthvað moggabloggara.  Ég tek 10%.

[Anna Ólafsdóttir Björnsson, 7.5.2007 kl. 18:37]

Ég ætla að horfa á þetta allt, Eurovision með mikilli innlifun (og vona að Eiki meiki það) og kosningasjónvarpið af áfergju. Kannski les ég blöðin í leiðinni og/eða verð á netinu að spjalla við ykkur indæla boggvini mína og svo get ég alltaf verið með útvarpið í eyrunum í leiðinni. Fæ ábyggilega athugasemdina: Ertu eitthvað að horfa? frá mínum heittelskaða, sem notar aðra tækni við upplýsingaöflun og samskipti, horfir á eina rás í einu og ef hann er í símanum (sem gerist nokkuð oft) hættir hann jafnvel að horfa. 

En án gríns, ég hef ekki hugmynd um hvort Eiríkur kemst áfram, hins vegar elska ég lagið og rokk hljómar alltaf vel í mín eyru, þetta er púra rokk. Svo held ég auðvitað með vinum barnanna minna, Svenni lagahöfundur fellur undir þann flokk. Við höfum prófað ýmislegt þegar veðbankar spá okkur gæfu og gengi, t.d. að falla úr keppi á fimmtudegi, þannig að mér finnst bara gott að fá vonda spá. En nóttin verður ung þegar Eurovision lýkur og þá byrjar alvaran, það er gott að fá þessa litlu upphitun. 

[Guðríður Hrefna Haraldsdóttir, 7.5.2007 kl. 18:51]

Ég ætla að horfa á tímatöku í Formúlunni, á leik ÍA-eitthvað á íþróttavellinum við hlið himnaríkis, fara að kjósa, parkettleggja, horfa á Evróvisjón, horfa á kosningasjónvarpið ... sofa til hádegis á sunnudaginn, horfa á Formúluna og síðan á fréttaþátt um úrslit kosninganna. Vá, hvað ég hlakka til!!!

[Kristín Katla Árnadóttir, 7.5.2007 kl. 19:51]

Það verður bæði gaman að horfa  á

 Eurovision og kosningasjónvarpið......... og hana nú.

[Ásthildur Cesil Þórðardóttir, 7.5.2007 kl. 20:10]

Ég held með Eiríki og ég held að ég hafi ekki taugar til að horfa á kosningasjónvarpið svona til að byrja með.  En við skulum sjá til á fimmtudaginn.  Áfram Eiríkur.

[halkatla, 7.5.2007 kl. 20:15]

ég ætla að horfa á eurovision og ekkert annað en hana

ég held með Úkraínu og Svíþjóð, og þessi lönd eru þegar komin í úrslitin. En í undanúrslitunum held ég með Íslandi og HVíta Rússlandi, þetta verður erfitt en vonandi kemst Eiki áfram. Samt býst ég ekki við því.