ENN EINU SINNI BROT Á JAFNRÉTTISLÖGUM

Enn einu sinni reynir einhver embættismaður að brjóta á réttindum kvenna til sömu launa fyrir sömu störf.  Kærunefnd jafnréttismála telur, að sýslumaðurinn á Húsavík hafi brotið gegn jafnréttislögum með því að greiða kvenkynsfulltrúa við embættið lægri laun er karli sem einnig starfaði sem fulltrúi.

"Konan taldi að sér hefði verið mismunað þar sem henni hafi verið greidd lægri laun en karlinn fyrir jafnverðmætt og sambærilegt starf. Sýslumaðurinn hélt því hins vegar fram að störf konunnar og karlsins væru ekki sambærileg og jafnverðmæt. Launamunurinn skýrist af málefnalegum ástæðum sem ekkert hafi með kynferði umræddra starfsmanna að gera."

Hvað halda þessir karlar að þeir séu að gera?  Spara? Ég sé ekki tilganginn, nema að það sé botnlaus kvenfyrirlitning sem ræður gjörðum svona manna.  Iss og skamm bara.

Er ekki löngu tímabært að hætta að rembast eins og rjúpan við staurinn fyrir þessu innsnjóaða viðhorfi sem er löngu orðin tímaskekkja?  Er ekki kominn tími á að láta þessu misrétti lokið?

Súmí!

Sýslumaður talinn hafa brotið jafnréttislög

Athugasemdir

[Anna Ólafsdóttir (anno) (IP-tala skráð) 4.5.2007 kl. 19:41]

Já, manni og þó líklega frekar konu finnst lítið hafa áunnist í jafnréttismálum þegar svona fréttir birtast. Ég skrifaði pistil með öðru slíku dæmi á bloggið mitt í dag. Þó að lesningin sé löng held ég að hún sé mikilvægt framlag í jafnréttisumræðuna. Minnir á mikilvægi þess að sofna aldrei á verðinum. Kíktu á hér 

[Sædís Ósk Harðardóttir, 4.5.2007 kl. 19:57]

Heyr heyr góður pistill að vanda hjá þér

[Þorsteinn Valur Baldvinsson, 4.5.2007 kl. 20:38]

Einkennilegt hvað þetta eru oft opinber fyrirtæki sem mismuna kynjunum í launum.

Líka einkennilegt hvað opinber fyrirtæki og stofnanir eru oft í málaferlum og deilum við hverja aðra.

Hjá hverjum vinnur þetta fólk, er engin samræming eða stjórnun til staðar?

[Laufey Ólafsdóttir, 4.5.2007 kl. 21:12]

....og margir halda fram að það sé ekkert vandamál til staðar. Þetta lagist bara af sjálfu sér. Konur þurfi bara að læra að semja rétt. Hnuss, djöss væl. Pakk á bara að læra að setja launataxta og fara eftir þeim! Og hana nú!

[Kristín Katla Árnadóttir, 4.5.2007 kl. 22:23]

Ég er  svo sammál Laufey.

[Kolgrima, 5.5.2007 kl. 01:20]

Þetta er óskiljanlegt með öllu - góður pistill, Jenný.

[Guðsteinn Haukur Barkarson, 5.5.2007 kl. 08:42]

Heyr Heyr! Jenný Anna ! Góður pistill hjá þér, við stöndum saman gegn svona mismunun !

[Jenný Anna Baldursdóttir, 5.5.2007 kl. 11:12]

Jebb við gerum það Guðsteinn Haukur!