OPINN Í BÁÐA?

Ég ætlaði nú ekki að vera með tvíræðni hérna í pistlinum en sá eftir að ég byrjaði að skrifa að fyrirsögnin gæti orkað tvímælis.  Ég læt hana standa því þegar ég las meðfylgjandi frétt finnst mér eins og biskupinn okkar sé eins og Framsóknarflokkurinn, opinn í báða enda.  Hann slær úr og í og ekki er nokkur leið að draga nokkra ályktun á skoðun hans varðandi hjónabönd samkynhneigðra eftir lestur fréttarinnar.  Biskupinn viðurkennir vissulega að verklag kirkjunnar þyki varfærið og fálmkennt.  Hvað er þá málið? Getur kirkjan verið þekkt fyrir "fálmkennd" vinnubrögð?  Nú er prestastefna og lag að breyta.  Af hverju er kirkjan að vafstra með þetta mál?  Er það ekki þeirra að kippa réttindum samkynhneigðra til hjónabands í liðinn.  Að fólk skuli ekki geta fengið kirkjulega vígslu ef það æskir þess er náttúrulega bara mannréttindabrot.  Ég myndi taka ofan fyrir þessu prestabræðralagi ef þeir hoppuðu inn í nútímann.  Arg.. hvað ég verð pirruð yfir þessari hugsanavillu sem sendir þau skilaboð til samkynhneigðra að þeir séu eitthvað verri manneskjur en annað fólk.

Amen.

Biskup segir skiljanlegt að verklag kirkjunnar þyki varfærið og fálmkennt

Athugasemdir

[Kristín Katla Árnadóttir, 25.4.2007 kl. 14:29]

Ég er alveg sammála þér mín kæra.

[Jenný Anna Baldursdóttir, 25.4.2007 kl. 19:41]

Sjitt passaðu þig þá að fá ekki púkann á bakið.  Hún er í sjálfskipaðri lögregluvinnu.

[Jenný Anna Baldursdóttir, 25.4.2007 kl. 19:52]

Hehe Dúa veit að þú ættir EKKI í erfiðleikum með að rökstyðja það.

[Ásthildur Cesil Þórðardóttir, 25.4.2007 kl. 20:05]

Hehehehe opin á báða enda, er hann þá líka opinn upp og niður, þú veist, upp í himininn og svo niður í ...... pylsusöluna hans HúsavíkurJóns ?