HIN KATÓLSKA KVENNAKÚGUN

Þeir toppa sig sífellt í Vatíkaninu á sjálfum heimavelli katólskunnar.  Innan þeirrar kirkju hefur viðgengist aldagömul kvennakúgun og barnamisnotkun eins og nýleg dæmi frá Bandaríkjunum sanna.  Konum hefur verið haldið niðri með ofbeldi, að fá ekki að skilja, mega ekki nota getnaðarvarnir né hafa umráðarétt yfir líkama sínum.  Heimilisofbeldi á meðal katólskra á Írlandi er gífurlegt vandamál svo einhver dæmi séu tekin.

Næst æðsti embættismaður kenningakerfisins í Vatikaninu fór í dag hörðum orðum um hjónabönd samkynhneigðra og segir þau vera af hinu illa.  Fóstureyðingar eru persónugert hryðjuverk segir þessi frómi kirkjunnar maður einnig.

Þessar kenningar og álit Vatíkansins eru slæm fyrir alla.  Konur og karla.  Það er erfitt að trúa því að þetta viðhorf sé ráðandi hjá svo valdamikilli stofnun sem Katólska kirkjan er árið 2007.  Mér verður hálf illt við að lesa þetta. 

Vatíkanið segir fóstureyðingar vera hryðjuverk

Athugasemdir

[Ásdís Sigurðardóttir, 25.4.2007 kl. 01:41]

Já þetta er slæmt. Ekki nóg með að konur þurfi því miður við ákveðnar aðstæður að fá fóstureyðingu, heldur er verið að auka gífurlega á samvisku þeirra með svona fullyrðingum.

[Laufey Ólafsdóttir, 25.4.2007 kl. 01:44]

Uss, svo neyða hinir sömu hræsnarar konur sem verða óléttar eftir þá sjálfa í fóstureyðingar í skítugum baksundum.

[Ragnheiður , 25.4.2007 kl. 03:56]

Þessi hroðalega bókstafstrú og illskan og dómharkan sem henni fylgir....bjakk bara.

[Ásthildur Cesil Þórðardóttir, 25.4.2007 kl. 08:27]

Ógeðslegt viðhorf.  Annars virðast katólskir prestar og prelátar flestir vera samkynhneigðir.  Þannig að ungum drengjum stafar meiri hætta af þeim en konum. 

[Ásthildur Cesil Þórðardóttir, 25.4.2007 kl. 08:29]

Ég er ekki að gefa í skyn að hommar séu níðingar, með þessu heldur var að hnykkja á því sem Laufey sagði.  Ég sé að þetta getur misskilist.  

[Ester Júlía, 25.4.2007 kl. 08:46]

Híhí..eins gott að hafa þetta á hreinu Ásthildur .

 Vatikanið, páfinn og allt það bull - fyrirgefið en er þetta ekki löngu úrelt fyrirbæri?

[Sigfús Sigurþórsson., 25.4.2007 kl. 10:35]

Það er afar margt athyglisvert og umdeilanlegt í meyra lagi í þessari frétt, ég bloggaði einmitt um þetta í gær Jenný (Fóstureyðingar eru hryðjuverk)

[Jenný Anna Baldursdóttir, 25.4.2007 kl. 12:10]

Takk innilega fyrir linkinn á nýja lagið hennar Bjarkar.  Alveg frábært!!

[Jenný Anna Baldursdóttir, 25.4.2007 kl. 12:12]

Takk innilega fyrir linkinn á nýja lagið hennar Bjarkar.  Alveg frábært!!

[Laufey Ólafsdóttir, 25.4.2007 kl. 12:26]

Ásthildur! Fyndið, ég hugsaði nú það sama en lenti nýlega í miklum deilum við Jón Val og félaga um þetta á öðru bloggi og er að passa mig afar vel síðan... Benti þar á að krafa til kaþólskra presta um skírlífi leiddi til brenglaðra kynlífsathafna og annars óhugnaðar. Þetta er náttúrlega slitið úr samhengi en ég vona að þið skiljið mig...

[Sigfús Sigurþórsson., 25.4.2007 kl. 14:23]

Hahahahaha, SORRY.

[Katrín Snæhólm Baldursdóttir, 25.4.2007 kl. 18:18]

Hvaða hvaða..fólk verður að átta sig á því að kaþólskir hugsa og skilja bra örlítið hægar en aðrir. Þið verðið að gefa þeim tíma..þetta kemur allt saman. Kaþólska kirkjan eða Vatikanið var það víst viðurkenndi það t.d opinberlega að jörðin væri jú hnöttótt en ekki flöt árið 1987. Svo verið bara þolinmóð þetta kemur allt ..þetta kemur.

[DoctorE (IP-tala skráð) 26.4.2007 kl. 15:56]

Þeir vilja ekki fóstureyðingar vegna þess að þá koma færri meðlimir í söfnuðinn, bara business hjá þeim sko.