KONUR OG VARALIÐ

Athyglisvert finnst mér að konur skuli vera í meirihluta þeirra sem vilja varaliðið hans Björns.  Mér finnst það svo úr takti.  Mín reynsla er sú að karlmenn trúi frekar á myndbirtingu valdsins.  Ég skrifaði færslu um þessa hugmynd Björns fyrir einhverju síðan og ég tók þessu alltaf sem hálfgerðum brandara í héraði.  Fannst eins og Björn væri að neyta allra ráða til að koma á fót herliði.  50,9% þeirra sem tóku afstöðu voru hlynnt því að varaliði lögreglu verði komið á fót.

Mesta andstaðan við varaliðið hans Björns er hjá VG en 57,8% þeirra eru andvígir.  Ég get auðvitað stólað á mitt fólk.  Ég hef ekki trú á hernaðarlegum tilburðum ráðherrans.  Ég held að vinstri-grænir, sem eru á móti öllu stríðsbrölti og viðlíka hlutum hugnist þess vegna ekki hugmyndin.  Það er mín afstaða sem friðarsinna sem gerir það að verkum að um mig fara ónot.  Nær væri að taka þátt í kostnaði björgunarsveitanna og efla þær en þær vinna ómetanlegt starf í þágu okkar alla.

Ég minni svo á bara í framhjáhlaupi að það er EKKI vitlaust að setja X við V þ.12.maí n.k.

Meirihluti hlynntur stofnun varaliðs lögreglu

Athugasemdir

[Hrönn Sigurðardóttir, 21.4.2007 kl. 22:10]

Ég hjó einmitt eftir þessu líka og varð frekar hissa! Getur verið að meirihluti svarenda hafi verið konur? Að það hafi skekkt myndina. Ég hreinlega trúi ekki að konur vilji þetta!

[Ásdís Sigurðardóttir, 21.4.2007 kl. 22:16]

Afhverju trúið þið ekki að konur vilji þetta? konur eru mikið fyrir öryggi og sjá þarna fyrir sér e-a sem geta haldið friðinn.  Ég sé þetta ekki fyrir mér sem hernaðarbrölt  heldur heimavarnir og allavega ég sé mun þar á.

[Baldvin Jónsson, 21.4.2007 kl. 22:19]

Ég held að þetta hljóti annað hvort að byggja á misskilningi eða (afsakið grínið) mikla löngun í fleiri einkennisbúninga í umferð.

Þetta byggir a.m.k. ekki á rökhyggju.......

[Pétur Guðmundur Ingimarsson (IP-tala skráð) 22.4.2007 kl. 00:54]

Það væri gaman að sjá Vinstri Græna sjá um að bregðast við vá hvers konar.
Hvort sem það yrði sprenghlægilegur farsi eða tvöþúsund klúta tragedía...

[Jenný Anna Baldursdóttir, 22.4.2007 kl. 01:46]

Hehe Pétur þér fyndist það gaman að sjá VG bregðast við VÁ.  Vááá ég hef eimitt lausn fyrir þig svo þú fáir tækifæri til að skemmta þér ærlega næstu fjörgur árin amk.  Einfalt, þú Xar við Vaff og málið er dautt.

[Jenný Anna Baldursdóttir, 22.4.2007 kl. 01:49]

Auðvitað eru konur jafnt sem karlar fyrir öryggi Ásdís mín en ég held að kynsystur okkar (og karlar nottla) finni sig aldrei öruggari en á friðartímum og svo er þetta varaliðs tal að mínu mati bara draumur BB um íslenskan her.  En sá draumur er að ég held ekki nýr en hefur tvíeflst eftir að setuliðið kvaddi.

Smútsj

[Kári Gautason, 22.4.2007 kl. 09:09]

Ég myndi frekar treysta VG að bregðast við vá heldur en þessum brandarakörlum sem eru við völd í dag. Sérstaklega ríkisforingja Björn Bjarnason .
Við þurfum ekkert bölvað varalið, afhverju ekki að eyða meiri pening í eitthvað sem er GAGNLEGT, t.d. fleiri lögreglumenn.

[Ásthildur Cesil Þórðardóttir, 22.4.2007 kl. 11:22]

Nei við þurfum ekki herlögregluna hans Björns. Það væri nær að styrkja betur slysavarnarfélög og efla lögregluna sem fyrir er.  Hitt er bara bruðl með peninga og gera draum Björns að veruleika.  Svei bara.

[Pétur Guðmundur Ingimarsson (IP-tala skráð) 22.4.2007 kl. 21:28]

Ég hef aldrei hitt björgunarsveitarmann sem kýs Vinstri Græna. Er það tilviljun?
Af hverju styðja björgunarsveitarmenn tillögu Björns Bjarnasonar um stofnun varaliðs?

Skyldi það vera vegna þess að þeir hafa einhverja þekkingu á hlutunum?
Hvað hafa mörg ykkar hérna sem treysta VG betur til að bregðast við vá en ,,þessum brandarakörlum sem eru við völd í dag,'' stundað það að hætta lífum ykkar til að bjarga öðrum?