ER ÁTTUN Í GANGI?

Gæsluvarðhaldi yfir manninum sem grunaður er um að hafa nauðgað konu á Hótel Sögu nýlega, var í dag framlengt til 9. maí.  Þetta var gert með tilliti til almannahagsmuna vegna alvarleika brotsins.

Það er gott ef lögregluyfirvöld eru farin að hegða sér í samræmi við alvarleika meintra brota.  Oft hefur mér fundist að nóg væri að neita við skýrslutöku til að geta farið heim.  Nú eru hlutirnir kannski að breytast.  Ég fagna því. 

Gæsluvarðhald yfir meintum nauðgara framlengt

Athugasemdir

[halkatla, 29.3.2007 kl. 01:06]

kannski kannski, ég vona líka

[Ásdís Sigurðardóttir, 29.3.2007 kl. 01:50]

Hversu lengi komast þeir upp með að segja "hún vildi það líka" alveg þangað til við mætum í serkjum á böllin????

[Hrönn Sigurðardóttir, 29.3.2007 kl. 08:44]

...skil ekki heldur hvað það kemur málinu við að þau þekktust ekki..... það er tekið fram í hverri frétt um málið! Gerir það verknaðinn betri? Eða verri?

Pirrar mig

[Ásthildur Cesil Þórðardóttir, 29.3.2007 kl. 08:52]

Vona bara að það hafi ekkert með málið að gera að maðurinn var af erlendu bergi brotinn.  Heldur vegna alvarleika brotsins.  Já kannski er áttun í gangi, við skulum bara vona það.

[Steinunn Helga Sigurðardóttir, 29.3.2007 kl. 09:21]

vonandi, vonandi -aå getur varla versnað

ljós til þín

steina 

[Jenný Anna Baldursdóttir, 29.3.2007 kl. 09:40]

Stelpur við skulum vona að þjóðerni mannsins verði látið liggja á milli hluta og að það verði einblínt á glæpinn en maðurinn er meintur nauðgari þar til búið er að dæma í málinu.

[Sædís Ósk Harðardóttir, 29.3.2007 kl. 17:23]

Sammála þjóðerni skiptir ekki máli heldur alvarleiki brotsins.  Nauðgun er einn hræðilegasti glæpur sem framinn er og því ber að taka á honum sem slíkum.