Á YFIRREIÐ UM BLOGGHEIMA

Þegar ég var búin að lesa bloggvini mína í dag, bæði sæl og glöð, tók ég góða rispu í að kíkja á moggabloggara svona almennt.  Það var fróðleg, spennandi og hundleiðinleg lesning allt eftir málefnum, pennafærni og sollis.

Ég rakst á blogg um pólitík; vinstri, hægri og allt þar á milli.  Ég las um skoðanir bloggara á þjóðsöngsaflippi Spaugstofumanna, kærleikspistla, framsóknarskítkast eins og það gerist verst (rosaleg heift í Framsókn nú um stundir), um ofsatrú og það heiftarinnar reiðarslag að vera ekki réttu megin í trúnni,  um mótmæli gegn stríðinu í Palestínu og Írak, um kvikmyndagerðarmenn og um Júróvisjón svo fátt eitt sé talið.

ERGO: Maður þénar helling á að lesa moggablogg.  Alltaf skemmtilegt, alltaf fróðlegt og stundum alveg rosalega pirrandi.  Alveg eins og vinir og kunningjar eru, miskemmtilegir en alltaf þess verðir að á þá sé hlustað.

Ég bíð spennt eftir næsta skammti.

Athugasemdir

[Jenný Anna Baldursdóttir, 26.3.2007 kl. 21:37]

Það er ekki að spyrja að málskrúðinu Dúa.  Reyndu að hemja strauminn kjútípæ.

[Jenný Anna Baldursdóttir, 26.3.2007 kl. 21:59]

Þú ert ritþjófur þú hefur lesið athugasemdina mína hjá henni Önnu Björns

[Jenný Anna Baldursdóttir, 26.3.2007 kl. 22:34]

[Ásthildur Cesil Þórðardóttir, 26.3.2007 kl. 23:16]

Jamm það eru blendnar tilfinningar að lesa það sem fólk skrifar.  En það er líka mjög þroskandi.  Þú ert bara frábær Jenný mín

[Jenný Anna Baldursdóttir, 26.3.2007 kl. 23:39]

Takk sömuleiðis Ásthildur mín