FERMINGAR OMG

Það er brostið á með fermingum.... og í kjölfarið fermingarveislum.  Ég hef farið í ótal slíkar á liðnum árum og engin ein stendur upp úr nema ef vera kynni fermingarveisla þeirrar einu dóttur minnar af þremur sem ákvað að undirgangsat manndómsvígsluna.  Allar þessar fermingarveislur sem hlaupa á tugum ef ekki hundruð renna saman í einn hrærigraut.  Gæti ekki munað hver var hvað þó líf mitt lægi við.

Mér finnast þessar veislur lítið skemmtilegar.  Samkomur í hátimbraðri vorsól sunnudagsstemmingar og gluggaveðurs.  Úff ekki minn uppáhalds tebolli. Af þessu mætti álykta að ég væri antisósíal, að ég nyti mín ekki á mannamótum en svo er ekki.  Þessar veislur eru svo hefðbundnar og fyrirsjáanlegar að það er ekki grín að gerandi.  Halló-halló hvernig væra að gæða þessar veislur frumleika, að halda öðruvísi fermingarveislur, hafa músík tam.?

Fljótlega upp úr áramótum, ár hvert tékka ég á hversu margir hausar verði fermdir í fjölskyldunni það árið og í ár (eftir því sem ég kemst næst) nada.  Ég slepp fyrir horn.  Ef að þessu viðhorfi  mínu fréttist þá verður mér sennilega ekki boðið í framtíðinni eða ég beðin að vera með skemmtiatriði í næstu veislu, sem væri rétt mátulegt á mig fyrir neikvæðnina.

Til hamingju fermingarbörn til sjávar og sveita.

Athugasemdir

[Adda bloggar, 20.3.2007 kl. 15:17]

bestu kveðjur og góða viku!

[Ásdís Sigurðardóttir, 20.3.2007 kl. 17:01]

já, fermingar geta verið pínlegar, sérstaklega í nútíman þegar allt morar í núverandi, fyrrverandi stjúp þetta og hitt, I live it, annars fannst mér best ferming yngsta sonar míns, við héldum enga veislu, fórum bara út að borða með eldri systkynum hans og afa og ömmu mín megin og svo þegar kom grillveður seinna um vorið buðum við systkinum og mökum m/börn í útigrill, geðveikt gaman og allir ánægðir, börnin 2 sem eru eldri verða mér að eilífu þakklát fyrir að hafa ekki sent þau í myndatöku (maður sendir náttl. ekki börnin í eitthvað sem þau vilja ekki) og svo var ég ekkert dugleg á privat myndavélina, svo þetta er skjalfest en ekki fest á filmu, engar fermingarmyndir á veggjum hjá mér, bara listaverk

[Jenný Anna Baldursdóttir, 20.3.2007 kl. 19:31]

Ég var svp rosalega hallærisleg á minni fermingarmynd að hún var notuð gegn mér í fjölda ára af systrum mínum.  Ef ég gerði ekki þetta eða hitt þá skyldi myndin sýnd vinum og kunningjum