SAGAN AÐ ENDURTAKA SIG?

í dag er búist við fjölmennum mótmælum í NY gegn Íraksstríðinu.  Mér finnst eins og sagan sé að endurtaka sig.  Mótmæli bandaríska borgara höfðu úrslitaáhrif um að USA kölluðu herinn heim í Vietnam stríðinu. 

Nú er bara að bíða og vona.  Því fyrr sem þessu blóðbaði lýkur, því betra.  750 þúsund manns hafa látið lífið í Íraksstríðinu.  Það er  því miður óumbreytanlegt. 

Íslendingar eiga að taka sig af lista hinna "staðföstu", mikill meirihluti þjóðarinnar vill ekki vera aðili að stríði. 

Búist við fjölmennum mótmælum gegn Íraksstríði í New York

Athugasemdir

[Björn Heiðdal, 18.3.2007 kl. 12:27]

Því miður mun blóðbaðinu ekki ljúka.  Þau illu öfl sem Bush og Co. særðu fram með þessari vönduðu innrás verður ekki troðið aftur ofan í lampann.  Vonandi lætur Bush næsta lampa vera.

[Svala Jónsdóttir, 18.3.2007 kl. 12:50]

Vonandi lýkur hersetunni sem fyrst. Vandamálin munu þó ekki lagast af sjálfu sér, enda hefur innrásin komið af stað borgarastyrjöld, sem ekki sér fyrir endann á. Vonandi hafa menn meira vit en svo þeir ráðist á Íran næst.

[Ásthildur Cesil Þórðardóttir, 18.3.2007 kl. 16:29]

Já þeir komu Al Qaida til valda í Írak.  Þeir voru þar ekki fyrir í tíð Saddams.  Svona er það þegar misviturt fólk.... heimskt fólk eins og Búskurinn fara að ráðskast með hlutina.  Fari hann fjandans til. 

[Anna Ólafsdóttir Björnsson, 18.3.2007 kl. 20:27]

Ef eitthvað er þá eru stjórnvöld enn afturhaldssamari í Bandaríkjunum núna en á tímum Viet-Nam stríðsins, en hins vegar er möguleiki á að eitthvað mun skárra taki við að kjörtímabili Bush loksins loknu. Mér finnst notalegt að vita af því að bandaríska þjóin skuli ekki sætta sig við þetta ástand öllu lengur en mikið ofboðslega hefur þetta verið dýr og sorgleg lexía.