Tveir plús tveir sama sem græðgi

 

Hvað er að honum Sigmundi Erni eiginlega?

Er hann með útrásarvíkingagen maðurinn?

Hann skráir sig á Akureyri með lögheimili - í kjallaranum hjá systur sinni og fær styrk út á það.

Hann fær styrk frá Akureyrarbæ fyrir skólagöngu og leikskólavist barna sinna í Reykjavík, þar sem börnin eiga heima og hafa alltaf átt.

Þetta gerir maðurinn til að spara ríkinu pening!

Takk kæri vin en sama og þegið.

Tveir plús tveir eru ekki lengur fjórir krakkar mínir.

Tveir plús tveir eru sama sem græðgi

Hver á að borga Icesave? Essasú?

Ég skil að Jóhanna skuli vera að missa þolinmæðina með Icesave.

Mín er löngu flogin út um gluggann.

Velkomin í raunheima elsku  Jóhanna.

En spurningin er:

Hver á að borga Icesave?

Já essasú?

Segi sonna.

Jóhanna: Þolinmæðin á þrotum

"Blame it on the Icelanders"

 

Íslendingar eru nýjasta riffraffið í heiminum. 

Hið nýja botnfall svo ég skrifi það á mínu ástkæra.

Nú geta Bretar og Hollendingar leyft sér að kenna okkur um allt sem aflaga fer.

"We are the new boogie man" gott fólk.

Það er gott að þjóðin er aftur komin með hlutverk í útlöndum.

Núna þegar heimurinn hefur séð að við erum ekki fjármálaséní heldur þvert á móti.

En þau okkar sem fóru í útrás og stálu heiminum voru sjónhverfingameistarar, það verður ekki frá þeim tekið.

Verst að við nördarnir erum dregin alsaklaus inn í þetta forljóta mál með Icesave.

En núna erum við sem sagt þjóð með tilgang.

Það má kenna okkur um allan fjandann.

Alveg: Komin "blame it on the Icelanders" síson.

Enskur sjúkraflugmaður var tekinn fyrir of hraðan akstur.

Hann gaf þá skýringu að íslensk kona hafi keyrt bílinn en ekki hann.

Hann tók sérstaklega fram að hún væri af þessari þjóð.

Veit hins vegar ekkert um hvort maðurinn er að segja satt, enda ekki málið.

Skotleyfi á okkur hefur verið gefið út.

Súmí.

Íslendingurinn gerði það!

Skömm og hneisa

Wernerdrengirnir eru góðir, nútíma bissnissmenn eða þannig.

Þeir seldu sjálfum sér Lyf og heilsu, hér eftir kallað Skömm og hneisa, og fengu til þess lán úr fyrirtæki sem þeir eiga eða Moderna Finance AB.

Lánið átti að borga eftir hentugleikum.

Þetta er gargandi krúttlegt og ekki skrýtið að fyrirtækið sem lánaði skuli heita "Moderna Finance". 

Nútíma íslenskir viðskiptahættir, Skömm og hneisa.

Sjáið þið ykkur fara í bankann og fá lán til að halda húsinu ykkar og fá að borga eftir hentugleikum?

Væri það ekki dásamlegt?

Ég veit hvernig ég myndi túlka þau lánskjör, myndi geyspa og setja pappírana í tætarann (segi svona).

Hvenær eru fyrstu hentugleikar í kreppunni?

Bráðum, eftir tíu ár eða aldrei?

Annars er ég góð.  Ef frá er talin löngun til að sparka í eitthvað. 

Að þessu sögðu er mér ekkert að vanbúnaði, ég er fær í flestan sjó með attitjút og kúbein að vopni.

Eruð þið ekki komin með nóg af svona fréttum á hverjum degi krakkar?

Djöfuls glæpamenn.

Ég mun ekki stíga fæti inn í þessa lyfjavöruverslun, það er á hreinu.

Þeir sem það gera mega éta það sem úti frýs eftir hentugleikum.

Urrrrrrrrrrrrrrrrrrrrrrrrrr

Bræðurnir seldu sjálfum sér Lyf og heilsu

"Peace, love and happiness"

 

Skelfilega stóra herbergjamálið á Alþingi er leyst.

Það stendur hins vegar ekkert um það hvernig það leysist en auðvitað var Framsókn sagt að hemja frekjuna og fara í minna herbergi, enda örflokkur og lítið við því að segja.

Meiri prímadonnurnar.

Það er stundum sagt að í pólitíkinni snúist hlutir fyrst og fremst um hégóma og yfirborðsmennsku og minnst um málefni og hugsjónir.

Kannski er það rétt.

Ferðalag menntamálaráðherra til Kananda hefur gjaldfellt trú mína á stjórnmálamönnum enn frekar.

Mér finnst nefnilega hófsemd og lítillæti hipp og kúl hjá stjórnmálamönnum.

Kannski af því að það er frekar sjaldgæfur eiginleiki í þeirra fari.

Maður eins og Ögmundur fær fullt hús stiga hjá mér,  svo ég nefni dæmi um hippaðan og kúlaðan stjórnmálamann.  Hann er nefnilega ekki á ráðherralaunum og auðvitað er það svoleiðis sem fólk á að gera hlutina í kreppunni.

Málið er nefnilega að það er hægt að smíða stefnuskrá svo fallega að maður grætur yfir henni, og hún myndi taka heim Óskarinn á stefnuskráahátiðinni en svoleiðis plagg er ekki pappírsins virði ef framkvæmdin á henni er ekki í stíl.

Ég hefði tekið ráðherra í núverandi ríkisstjórn í guðatölu hefðu þeir í kreppunni sagt nei takk við ráðherrabílunum og öðrum fríðindum.

Já, komið endilega og segið að það sé nauðsynlegt fyrir ráðherra að vera með bílstjóra og bíl stöðu sinnar vegna og þetta og hitt og ladídadída.

En sú röksemdafærsla heldur ekki vatni í minni bók.

Það er nefnilega alveg nauðsynlegt líka að gefa börnunum sínum hollan mat, senda þau í tómstundir, geta sótt lyfin sín, eiga fyrir skólagjöldum og læknisheimsóknum, en það er ekki í boði fyrir stóran hóp fólks í kreppunni.

Þess vegna hefði ég viljað sjá ráðherrana okkar skera fríðindi niður við trog svona til að sýna samkennd og skilning á kjörum almennings.

Ég er eiginlega komin á þá skoðun að ég sé óforbetranleg draumóramanneskja.

Það er auðvitað mitt vandamál og skoðanir mínar litast af því.

Svo er gamli hippinn í mér að rísa upp, hávær og dálítið agressívur.

Hann heimtar nýja tíma, ný gildi, nýtt siðferði (annað siðferði) svo vill þessi frekjuhundur inni í mér að allir deili með sér kjörum á þessum vondu tímum.

Sem segir bara eitt.

Ég er ekki í lagi - neikvæðari hliðar mannlegs eðlis virðast blómstra við kjötkatlana og mér líður eins og hálfvita.

Hari fokkings Kristna.

Peace, love and happiness og allir upp með kveikjarana.

Stóra herbergjamálið er leyst

Sama hvaðan vont kemur

Minn flokkur, þ.e. sá sem ég kaus í apríl s.l. VG kom til valda án þess að hafa hrunablóð á höndum sér.

(Ég á reyndar ekkert í þessum flokki en þeir fengu atkvæðið mitt eftir mikla yfirlegu).

Sumir þingmanna flokksins voru með hreint borð og þá meina ég pólitískt.

Þess vegna varð ég ekki par glöð þegar ég sá í fréttunum áðan að Katrín Jakobsdóttir hafi nú sett sósublett á sinn annars tandurhreina hvítflibba með því að ferðast til Kanada í fimm daga ásamt aðstoðarmanni og kosta okkur skattborgara 1,2 milljónir króna.

Hún hafði svör á reiðum höndum, réttlæti þennan gjörning.

Hringir það bjöllum?

Katrín hefur hingað til ekkert gert svo ég viti til sem minnir á 2007.

En engin kvikmyndahátíð getur verið þess virði að setja niður í augum fólks sem hefur haft fulla trú á henni.

Það er kreppa Katrín.

Ég er að hugsa um að meila Ögmundi og biðja hann um að taka ráðherra menntamála í læri hvað varðar ráðdeild og viðhorf til eyðslu á skattpeningum.

Reyndar er ekki talað mikið um það að Ögmundur hefur ekki þegið ráðherralaun fram á þennan dag.

Mikið skelfing mættu fleiri taka það sér til fyrirmyndar.

En kannski eru ráðherrarnir búnir að gleyma hvernig almenningur berst í bökkum og á eftir að gera lengi enn.

Ég er döpur yfir þessu flippi menntamálaráðherra vegna þess að ég hefði aldrei látið mér detta í hug að hún tæki upp takta forvera síns.

Það er nefnilega sama hvaðan vont kemur.

Skammast mín ekki fyrir mína frábæru fordóma

"Kaupandi stofnfjárbréfa í SPRON sumarið 2007 hefur fengið staðfest að seljandi bréfanna var Halldór Kolbeinsson, eiginmaður Hildar Petersen, þáverandi stjórnarformanns sparisjóðsins. Maðurinn keypti bréf að upphæð um þrjár milljónir króna."

Innherjaupplýsingar?

Nei, örugglega ekki, ég bíð eftir að Halldór Kolbeinsson nú eða konan hans sem hann talar ekki við um fjármál, komi nú og segi okkur að hann hafi ekkert vitað um hvað til stóð.

Hann seldi auðvitað bréfin í góðri trú samkvæmt heiðarlegum viðskiptaháttum.

Mig hefur alltaf grunað að peningaelítan væru öðruvísi fólk en ég og þú.

Hef skammast mín fyrir fordómana.

Hef aldrei getað séð fyrir mér eftirfarandi senur á milli þessa fólks:

(Nöfn valin af handahófi og eiga ekkert skylt við fólkið í fréttinni).

Dóri, viltu kaupa klósettpappír og tannkrem á leiðinni heim úr vinnunni og ekki gleyma að fara í Sorpu með flöskurnar sem eru í poka á svölunum!  Þar má ná í pening fyrir sígó.

Hann alveg: Já Hildur mín, en segðu mér verða kjötbollur með káli í kvöldmatinn esskan? 

Þetta eru sennilega ekki fordómar hjá mér sko heldur hef ég þarna hitt nagla á höfuð aldrei þessu vant.

Koddahjalið er greinilega ekki um fjármál.  Það er kannski verið að ræða veðurspánna.

Nú eða jafnvel kyssist svona fólk, hangir í sleik á koddanum og kemur ekki orði að fyrir heitum ástríðum?

Hvað veit ég.

Hér á kærleiks veit ég upp á hár hvað við eigum inni á reikningum.

Röng fullyrðing, ég reyni aftur:

Hér á kærleiks veit ég upp á hár hvað við erum í miklum mínus á reikningum.

Og ég ræði það hástöfum við minn heittelskaða.

Líka á koddanum.

Við erum auðvitað peningapöbull sem kunnum ekki að fara með viðskiptaleyndarmál.

Svo förum við í sleik út um alla íbúð, hugsið ykkur viðbjóðslegt lágstéttalíferni.

Sleikur gott fólk er ánægja fátæka fólksins.  Hm....

Meiri fjandans subbuskapur í manni.  Þá er nú betra að nota koddana í kynlíf og tala aldrei um fjármál.

Það kemur sér vel þegar svona spurningar koma upp.

Þá getur Dóri sagt með hreina samvisku að hann hafi engar upplýsingar um fjármál haft frá sinni konu.

Þau séu einfaldlega í öðru heima hjá sér en að ræða um auðvirðileg peningamál.

Cosa Nostra hvað?

Eiginmaður Hildar seldi stofnbréf

Afneitun, afneitun - (uppfærsla)

Fyrir hvern vaxtaávöxtunardag Seðlabankans er talað um að sá dagur muni marka straumhvörf.

Ég væri sammála ef ég tryði því eitt augnablik en við höfum ekki ráð á að vera í þessari dásamlegu afneitun.

Sko, ASG er okkar landsstjóri.

Fyrir utan að vilja ekki lána okkur fyrr en við undirgöngumst eitt og annað þá vilja þeir ekki heldur hækka vexti.

En eins og allir vita þá hefur AGS farið sigurför í heiminn í sinni fjármálapolisiu.  Eða þannig.

Afneitun okkar felst í því að láta okkur detta í hug að eitthvað gerist í vaxtamálum þessarar þjóðar annað en AGS býður.

Kannski þarf ég að éta alla mína trefla og vextirnir munu fara niður fyrir tveggja stafa tölu.

En ég mun snæða þá glöð.

Þeir eru allir úr úrvalsefni og ekki neinu fokkings draloni og viðlíka rusli.

Bíð spennt eftir stýrivaxtaákvörðun.  Jeræt.

Ég þarf ekki örðu af trefli að éta.  Hahahaha.  Stýrivextir, haldið ykkur, óbreyttir!

Hverjum hefði dottið það í hug?

Vaxtaákvörðun á morgun markar straumhvörf

Geðheilsa þjóðarinnar hangir á Icesave

Þá er það opinbert, leyndarmálið ógurlega sem allir þekkja til.

Afgreiðsla frá IMF kemur þegar við erum búin að undirgangast Icesave.

Ekki kjaftur lánar okkur krónu fyrr en það mál er komið á hreint.

Hvað segja Sigmundur garghænsni Davíðsson og Bjarni Ken við því?

Nú var það íhaldið ásamt  Samfó sem leituðu til þessarar ógæfustofnunar sem aldrei skyldi verið hafa.

Nú stjórnar fjárans sjóðurinn landinu og það er ekkert öðruvísi.

Hér stendur að margt hangi á Icesave og er það haft eftir forsætisráðherra.

Sjaldan sannara orð verið talað.

Margt (allt) hangir á Icesave og þar á meðal geðheilsa þessarar þjóðar.

Í nafni góðra vætta gangið frá þessari ólukku svo hlutirnir geti farið að rúlla af stað.

Við sitjum einfaldlega í súpunni.

Því miður.

Margt hangir á Icesave

Take that home to daddy og guð blessi Ísland

Ég er hætt að trúa flestu sem ég heyri.

Amk. þegar fólk tjáir sig um skuldir og framtíðarhorfur.

Hver gerði hvað.

Hver er (ekki) ábyrgur.

Ég gerði það að gamni mínu að fara í færslur septembermánaðar 2008 og lesa mig fram að hruni.

Dagana áður en Glitnir var þjóðnýttur var ég í áhyggjulausum fíling, veltandi fyrir mér innkaupum á lambaskrokki beint frá bónda.

Ég fór hamförum í úlpuhatri mínu vegna þess að ég fékk eina slíka flík að gjöf og ég var á leiðinni að kaupa í matinn.

Ég fabúleraði um reykingar, verð á sjampói og hjalaði eins og jafnlynt ungabarn í fávisku minni.  Agú.

Ég var að lesa um væntanlegan pönnukökubakstur ISG og félaga ofan í Öryggisráðið hjá SÞ og það var þá sem það þótti alveg akút mál að við kæmumst þar til formennsku.

Little did I know.

Svo var Glitnir þjóðnýttur og þá kom Geir og laug þessu.

Ég ætla ekkert í frekari upprifjun enda að þessu fyrir sjálfa mig.

Það er vont að vera búin að tapa trausti á nánast öllu og öllum.

Mín tilfinning er að það sé langt í að það endurvinnist.

Take THAT home to daddy.

Erlendar skuldir 30% of háar