LUTU Í GRAS

Latibær fékk að "lúta í gras" fyrir Sesame-Steet á Emmy verðlaunahátíðinni í gærkvöldi.  Iss Sesame, resame.  Ef Jenny Una Errriksdóttir fengi að velja þá veldi hún Latabæ, ekki spurning en hún er líka klárari og skemmtilegri en flestir. 

Rosalega dáist ég að Glanna Glæp.  Það þarf að hafa húmor fyrir sjálfum sér til að vera svona arfaglaður í búningnum eins og hann er.  Mér finnst hann DÚLLA!

Sesame Street sigraði Latabæ

ÞAÐ TÓK TÍMANN SINN...

..en loksins kviknaði á perunni hjá Bandaríkjamönnunum.  Fyrst núna er fylgið farið alvarlega að dala hjá Búska forseta en það hefur aldrei mælst minna og eru nú aðeins 29% eru ánægðir með störf forsetans.  Mikið skelfilega hefði verið gott fyrir heimsbyggðina ef þetta fylgisleysi hefði verið til staðar fyrir síðustu forsetakosningar. 

En betra er seint en aldrei.

Stuðningur við Bush aldrei mælst minni

AUKAFLOKKAR

Ég er mikið fyrir aukaflokka á Moggablogginu.  Nota þá óspart.  Mér finnst sárlega vanta fleiri sollis.  Hér eru hugmyndir fyrir ritstjórnina:

Harðangur og Klaustur

Brauð og kökur

Saurgerlarannsóknir

Skautahlaup og vatnaballett

Migreni á Grænhöfðaeyjum

Vatnsbúskapur kaktusa

Danskt fjallaklifur

E-vítamín

Skyrbjúgur

Sjúkdómar og viðhald þeirra

Tímarit og krossgátur

Ég gæti nefnt fleiri flokka en tek þessa sérstaklega þar sem mig hefur svo lent í alvarlegum vandræðum þegar ég hef skrifað um ofangreind efni.  Plís gerið eitthvað strákar.

HAFLIÐI Á TILBOÐI Í KÍNA

Dýr yrði Hafliði allur höfum við sagt hingað til.  En 18.000 krónur aumar þarf MacDonald´s í Kína að greiða stúlku sem var að borða hammara í rólegheitunum þegar rotta nokkur stökk upp læri hennar og beit.  Sem sagt bitið á mörgum vígstöðvum.   Vel sloppið hjá þessu fyrirtæki sem þénar milljarða og milljarða ofan á stórhættulegum fitubollumat.  Ætli upphæðin miðist við að þetta gerist í Kína?  Hvað myndi svona rottubit kosta í USA? Ég kasta upp og ekki bara af tilhugsuninni um rottuna.

McDonald's greiðir 18.000 krónur í bætur fyrir rottubit

ÞAÐ ER GREINILEGA GÚRKA..

..já gott ef ekki margar gúrkur hjá RÚV þessa dagana.  Annan daginn í röð auglýsir Elín Hirst eftir "skemmtilegum" fréttum í lok fréttatímans.  Það er af sem áður var.  Á einum vinnustað mínum þurftum við að hafa töluvert samband við fjölmiðla og það var oftar en ekki vandamál að ná athygli Sjónvarps.  Þeir voru svo rosa busy, gátu bara valið og hafnað.  Nú hefur þetta greinilega snúist við tímabundið (vona ég) og svona er það í lífinu.  Það er alltaf verið að bíta mann í rassinn. 

SEAN HEFUR RÉTT SLOPPIÐ FYRIR HORN

Skemmtilegt fyrir aumingja Sean Lennon að fá það inn með skeið í gegnum útvarpið að hann hafi rétt sloppið fyrir horn í upphafi leiðar.  Yoko Ono sagði frá þessu í viðtali á Stöð 4, útvarpsstöð BBC. 

„Við vorum nýtekin saman á ný þegar ég varð þunguð. Ég vissi ekki hvort þetta væri rétti tíminn til þess að eignast barn saman þar sem hann vildi kannski ekki eignast barn. Ég vildi ekki þvinga hann í eitthvað sem hann vildi ekki. hann sagði hins vegar að sjálfsögðu eignumst við barnið og var ósáttur við þá hugmynd mína að fara í fóstureyðingu, sagði Ono."

Ég hef alltaf haldið að Yoko hafi verið nokkuð róttækur femmi.  Hún hefur vart verið það þarna.  Mér finnst þetta söguskýring sem kerlan hefði mátt sleppa en hún er greinilega einn stór tilfinningabolti konan eða þannig.

Hm

Lennon kom í veg fyrir að Ono færi í fóstureyðingu

HVÍ EKKI HLEKKIR...

...og algjört útgöngubann um nætur?  Þingið í Kúveit samþykkti í dag lög sem banna konum að vinna á næturnar, fyrir utan konur sem vinna við heilbrigðisþjónustu, og bannar þeim að vinna við störf sem eru "ósiðsamleg".  Bölvaðir kvennakúgararnir og tækifærissinnarnir.  Af hverju loka þeir konurnar ekki alveg inni og sjá sjálfir um að halda þjóðfélaginu gangandi?  Það getur gert mig brjálaða úr pirringi að lesa svona fréttir og minnir mig á að við íslenskar konur getum verið þakklátar fyrir hversu miklu við höfum fengið áorkað í kvenréttindum en í leiðinni má minna sig á að það er enn töluvert í land.

First we take Manhattan.. then

 

Konum bannað að vinna á næturnar

ÉG VAR AÐ DREPAST ÚR LEIÐINDUM...

..þar til ég rakst á skiltið fyrir utan sjoppuna mína en ég var að fara að kaupa mér síur.  Þurfti að ganga 2 km. í næstu sjoppu og fór í gegnum almenningsgarð hvar ég rakst á þessar tvær konur í sólbaði..

..og þegar ég kom í sjoppuna ríkti þar umsátursástand vegna manns sem neitaði að yfirgefa staðinn nema að fá með sér peningakassann og hafði hann með sér alla fjölskylduna í ránsferðina og þar á meðal var þessi sonur  hans sem hékk við gluggann viðbúinn árás...

..en ung dóttir ræningjans var á því að hún hefði verið svikin um laugardagsnammið og tók því traustataki þetta gúmmelaði...

..ræninginn afgreiddi mig síðan með mínar sígarettur og ég hélt heim reynslunni ríkari.  Ég hringdi ekki á lögregluna.

Takk og ajö!

STOLIÐ OG STÍLFÆRT

 

Ég er að drepast úr sunnudagsleti og ég áttaði mig á því að ég sakna pólitískrar umræðu.  Ég sem ætlaði ekki að minnast á pólitík í allt sumar.  Var í hávaða viðræðum við húsbandið áðan áður en hann fór í vinnuna.  Það þýðir ekki að við værum að rífast því við erum ógeðissammála um stjórnmálin en við tölum okkur í ham.  En nóg um það að sinni. Til að lengja í minni prívat og persónulegu hengingaról, vegna þrifanna á heimilinu sem ég þarf að takast á við, þá fór ég að lesa allskyns blogg.  Á einu þeirra fann ég gamla færslu sem ég stal og stílfærði smá (þe sleppti úr og sollis) og ég skelli henni hér inn ykkur til gamans.  Þetta er sumarlesningin í ár skilst mér.  Gjöriðisvovel:

* Fölskvalaus iðrun - eftir Árna Johnsen

* Stjórnmálaflokkar sem ég á eftir að prófa - eftir Kristin H. Gunnarsson

* Framfarir í mannréttindamálum í Kína

* Hlutir sem ég hef ekki efni á - eftir Björgúlf Thor Björgúlfsson

* Villtu árin - eftir Geir H. Haarde

* Hvernig halda skal formannssæti - Össur Skarphéðinsson

* Félagatal Framsóknarflokksins

* Kúnstin að vera krúttlegur - eftir Gunnar Birgisson (æl)

* Vinsælustu lögfræðingar landsins

* Hvernig á að bjóða útlendinga velkomna - eftir Jón Magnússon

* Úr fréttum inn á þing - eftir Ómar Ragnarsson

* Þingmannsárin - eftir Jón Sigurðsson

* Það sem mér líkar vel í fari framsóknarmanna - eftir Steingrím J. Sigfússon

Hauspokamyndin er af mér audda af því ég stal af blogginu.

Síjúgæs

 

BLÁIR DAGAR

Dagurinn í gær var blár dagur.  Ég var á víðtækum bömmer.  Sumir dagar eru bara svona frá því að kona opnar augun á morgnanna og svo heldur dagurinn áfram að gefa manni á kjaftinn.  Eða þannig.  Sem betur fer eru fáir dagar verridagar.   En það var sem sagt allt ómögulegt í gær:

1. Inga-Lill að fara og hvenær skyldi ég sjá hana næst?  Kannski aldrei (hér var traumakennt ástand mitt orðið verulega slæmt)!

2. Ég var búin að leita í öllum Hagkaupsverslunum á Stór-Reykjavíkursvæðinu að ítölsku kryddbrauði, ekki agnarögn fannst en hvítlauksbrauðin voru jafn mörg og New-York búar.  Skipulögð aðför Jóa Fel og kollega að mér prívat og persónulega.

3. Ég týndi lyfjaskírteininu mínu um daginn, þe þessu sem ég þarf að framvísa þegar ég næ í blóðhnífa, sprautunálar og fl. tengt minni sykursýki og ég lenti í veseni út af því.  Ekkert minna en tilraun til morðs á minni eðlu persónu af hendi apótekarans sem vildi fá að vita nánar um afdrif skírteinis.

4. Við grilluðum nautavöðva og fleira góðgæti, kartöflurnar skruppu saman í Barbie-kartöflur vegna þess að ég gleymdi þeim á grillinu af því að ég átti svo bágt.  Skipuleg aðför kartöflubænda að mér  þarna á ferðinni auðvitað.

5. Ég velti fyrir mér af hverju suma daga gengi svona illa að vera Pollýanna og helvítið hún POLLÝANNA var á dagskrá sjónvarpsins.  Skipulögð aðför RÚV að geðheilsu minni.  OMG!

Eitt og annað fleira kom upp, mun alvarlega en þetta sem ég set niður á blað, en það er bannað börnum og bloggvinir mínar allir viðkvæmar kjéddlingar sem geta ekki horft á tveggja lófa myndir og ekki lesið um alvöru skítakaraktera eins og mig á bláum degi.

Ég er búin að ná mér.  Grét heilan hafsjó af tárum, argaði hljóðlátlega og vorkenndi mér af öllum krafti, enda enginn annar tilbúinn til að skilja mína stóru harma. 

Lofjúgæs