NÚ ER FOKIÐ Í FLEST

 

Héraðsdómur sýknaði í dag manninn sem ákærður var fyrir nauðgun sem átti að eiga sér stað inni á salerni á Hótel Sögu.  Ef ég skil þetta rétt þá er röksemdafærsla dómaranna einhvernveginn svona:

Konan barðist ekki á móti á leiðinni á klósettið, maðurinn hélt jafnvel utanum hana.

Frásögn konunnar studd af læknisvottorði gerir hana trúverðuga.

Maðurinn sýknaður þar sem hann er ekki sekur um ofbeldi skv. skilgreiningu hegningarlaga.

Er verið að segja manni að nauðgun sé ekki ofbeldi skv. íslenskum lögum?  Það skiptir ekki máli heldur að talið er að nauðgun hafi átt sér stað.  Maðurinn labbar út frjáls maður.

Mér fallast hendur og ég meina það.

Ef ég er að misskilja eitthvað endilega útskýrið fyrir mér.

Sýknaður af ákæru fyrir nauðgun

TÖLVUHRYÐJUVERK

Maður sem kallar sig "heilan" (Moggin svo skemmtilegur í orðunum þessa dagana)stríðsmanninn James Bond hefur verið dæmdur í 10 ára fangelsi fyrir að reka fjölda öfgafullra heimasíða og hvetja til hryðjuverka m.a.

Það er gott og gilt, greinilega snarruglað eintak þessi maður en hvers vegna er andlitið á honum allt í áverkum?  Hvernig yfirheyrslutækni er notuð þarna í Bretlandi eiginlega? 

Vonvonders!

Dæmdur fyrir öfgafullan boðskap á netinu

SJÁLFSMÆRING

 

Einhver verður að mæra mann, ég mæri sjálfa mig af og til af því ég er svo æðisleg.  (roðnu- og skömmustukarl).  Ég tók ekki eftir því að það eru komnar yfir 200.000 flettingar á síðuna mína og ég byrjaði að blogga 26. febrúar.  Er það kúl eða er það kúl?  Ég held að rós vikunnar fari til mín að þessu sinni, enda hörgull á rósahöfum þessa dagana (ég meina það ekki, á bestu bloggvini ever).

Jenny Anna I love you to pieces, you are simply the greatest.

Nú fer ég og kasta upp, afsakið á meðan ég bregð mér á salernið.  En þetta eru doldið margar heimsóknir ha? Erþaðeggibara? Ha?

FÓTBOLTI OG HEITAR TILFINNINGAR

Ég veit minna en ekki neitt um fótbolta og hef raunar engan áhuga á að kynna mér hann heldur.  Ég veit hins vegar að hann kallar á heitar tilfinningar í umræðunni, eins og t.d.  núna, þar sem fram fer blótsyrða- og ærumeiðingarmót inni á bloggi greifans (held ég að hann kalli sig) þar sem karlmenn aðallega spúa galli í kommentakerfinu eftir vægast sagt ómerkilega færslu hjá bloggaranum sjálfum um Bjarna Guðjónsson (sem ég veit ekkert um), að hann sé jafn ömurlegur og pabbi hans (sem ég veit ekkert um heldur).

Hvernig getur boltaíþrótt orðið að eldheitum trúarbrögðum?  Hvernig getur íþrótt kallað fram alls konar neikvæða hegðun hjá fólki (lesist karlmönnum) og í verstu tilfellunum orsakað óreiðir og vitfirringu sem allir þekkja afleiðingar að.

Ég á ekki orð.  Maðurinn þurfti lögreglufylgd heim. 

Gróöppgæs!

Bjarni þurfti lögreglufylgd

KYNSJÚKDÓMAVÖRNINA MEÐ Í BÍLINN, BÁTINN, FLUGVÉLINA, TJALDIÐ, FELLIHÝSIÐ OG BEÐJUNA AUÐVITAÐ

Í fyrra greindust 1729 klamydíutilfelli á landinu.  Ég var mjög hissa þegar ég las hversu margir eru að koma sér upp kynsjúkdómum í upplýstu þjóðfélagi.

Einu sinni var læknir nokkur sem var með ráðleggingardálk í blöðunum, hann var með sérfræðingskunnáttu á allt sem kemur upp í lífinu eins og td. að setja upp gluggatjöld, kaupa nýjan bíl, kaupa gamlan bíl, að bóna gólf, að vera kona, að vera með túrverki, að kaupa sumarbústað, að mála húsið, að fara í megrun og fleira slíkt sem við gerum í lífinu. 

Ég man hins vegar ekki til að þessi sami maður hafi vitað eitthvað um kynsjúkdóma.  Ég er hins vegar með lausn á þessu fyrir bráðláta Íslendinga sem hoppa upp í án þess að biðja um kennitölu og skóstærð liggiflélagans.  Landlæknisembættið verður að útbúa "kitt" fyrir almennan markað þar sem hægt er að taka "instant" kynsjúkdómatest á viðkomandi, áður en fólk hendir sér í leikinn, ekki bara fyrir klamydíu heldur líka fyrir lekanda.  Því hann grasserar ennþá.

Ég hef boðið mig fram til starfa á fjölmiðlum landsins, var rétt í þessu að senda þeim bréf þar sem ég mun selja mig hæstbjóðanda  og verð þá með ráðleggingardálk sem mun heita því hnitmiðaða nafni "spyrjið Jenny um hvaðeina".

Það er ekki grín gerandi að kynsjúkdómum.  Það vitið þið auðvitað.

1729 klamydíutilfelli á síðasta ári

ÉG ER AÐ MISSA ÞAÐ - GJÖRSAMLEGA AÐ TAPA MÉR

 

Í gær var ég sjálfri mér og öðrum til skemmtunar í Kringlunni.  Mér til skemmtunar af því ég gekk á milli búða.  Gestum og gangandi til ómældrar ánægju þar sem ég gekk hnarreist um með gleraugun á nefinu og sólgeraugun á hausnum. 

Það snérust hálsar.  Ég hélt að það væri vegna óumræðilegs glæsileika mín.

Læfsökks!

AUMINGJA TAKERU GREYIÐ

Takeru "flóðbylgja" tapaði í pylsukeppninni fyrir Joey Chestnut í pylsuátskeppninni í New York í gær.  Ég er dálítið leið vegna Takeru.  Hann er búinn að vera lengi í æfingabúðum, var vel trimmaður, sterkur og bardagaglaður þegar hann mætti til leiks að þessu sinni, tilbúin í enn einn sigurinn í þessari erfiðu íþrótt, þar sem snerpa, greind og hungur í bikarinn skiptir öllu máli.  Sálfræðilegt ástand Takeru var hins vegar ekki alveg nógu gott og hann missti einbeitinguna á fyrstu mínútunum.

Arg, hann vinnur næst, það er ég viss um. 

Minn maður flóðbylgjan.

Nýr pylsuátsmeistari krýndur

MÓTEFNABLOGG LIGGUR NIÐRI...

.. þar til á föstudaginn vegna efnisskorts.  Allar mínar leiðinlegu vinkonur eru svo fágaðar þessa dagana, hanga bara á kaffihúsum eða við baðstaði borgarinnar (alla 500) og njóta lífsins. Ég talaði við nokkrar þeirra og fyrir utan að vera sármóðgaðar yfir því að ég opinberaði þessar slöku hliðar á þeim, þá voru þær ekki glaðar með að ég skyldi upplýsa lesendur bloggsins um að mér fyndist þær leiðinlegar, taktlausar og þul.  Ég sagði þeim reyndar að það væri alls ekki kvenfyrirlitning fólgin í því að gera lítið úr konum. Ósei,sei nei. Það hefur upplýsingagildi og þegar best lætur hvetur það til opnari umræðu, tam um kynlíf.  Merkilegt en satt. Að níða skóinn af konum hefur því afspyrnu jákvæða merkingu.  Sérstaklega þegar það er gert af kynsystrum þeirra.

Ég var að velta því fyrir mér hvort sólin hafi ekki jákvæð áhrifa á fólk í þá veru að það þoli sjálft sig aðeins betur.  Þurfi ekki að hlaupa um allt til að leita að fólki til að spegla sig í.  Þessar konur eru amk. ákaflega sáttar við sjálfa sig en á meðan er ég efnislaus sem er auðvitað slæmt því "the show must go on".

En þar sem allt fer í hringi, líka við stelpurnar, þá bíð ég róleg eftir að næsta fár gangi yfir og þá neyðist ég líka til að blogga um það en það geri ég bara sem innlegg í kvennabaráttuna.

Muhahahahaha!

NÚ VERÐUR ALLT VITLAUST

 

Sko ef hún Laufey bloggvinkona og einn af nágrönnum heimilisins fyrir heimilislausa við Njálsgötu, væri ekki í London og ég í öruggu skjóli, þá þyrði ég ekki að skrifa um þetta mál eitt einasta orð.  Sko ég skil ekki þessi læti sem verða oftast, hvar sem er í borginni ef opna á einhvers konar heimili fyrir illa statt fólk.  Auðvitað er þetta ákveðið álag á nágranna, en oftar en ekki rætist úr svona starfsemi og fyrr en varir eru allir ánægðir.

Það sem mér finnst hallærisleg málamiðlun hjá borginni að fækka vistmönnum niður í 8 í stað 10 sem upphaflega var áætlað að byggju þarna.  Ég held að það skipti varla miklu máli.  Allavega opnar heimilið eigi síðar en 1. október nk.

Ég held að nú verði allt vitlaust út af þessu máli.

En hvernig er það; eru heimilislausir ekki hættir að vera það þegar þeir flytja þarna inn?

Laufey súmí

Ákveðið að hefja rekstur heimilis fyrir heimilislausa í haust

ÓTAMDAR ÁSTRÍÐUR, LÍKAMSVESSAR, DÓP OG DJÖFULGANGUR, DRYKKJULÆTI OG DJÚSÍ FRÉTTIR!!!

 

Þið eruð nú meir perrarnir kæru vinir.  Ráðist hingað inn alveg að drepast úr forvitni og haldið að hér sé einhver vímuefnaorgía í gangi.  Sjáið Ellý og Jónínu Ben!  Er einhver innistæða fyrir þeirra fyrirsögnum?

Frusssssssss

Hér erum við að biðja bænir sko.

AMEN